Números 15:39 - Bible in Tzotzil de Chenalhó with Deuterocanon

³⁹ Jech c'alal cht'ab ta asatic li xnich ac'u'ique, te cht'ab o ta avo'ntonic scotol li jmantaltac ti calojboxuc tsc'an chach'unique. Jech mu ja'uc chbat ta avo'ntonic o snopel li c'usi chac'an atuquique. Jech mu xyanij avo'ntonic ta jtojol.

Bible in Tzotzil de Chamula

³⁹ Va'i un, ti c'alal ta xavilic noch'ajtic ti sts'acleb stsitsimale, ta xavules ta ajolic scotol ti jmantaltac ti laj cac'boxuque, ti c'otuc ta pasel avu'unique, yo' jech mu staojuc yav ava'binoj abaic ti mu junuc avo'ntonic ta jtojole.

Números 15:39 Iomraidhean Croise

1 Reyes 12:33

Ja' yu'un li Jeroboame ta yo'lajunebal c'ac'al yochel li xvaxquibal ue, bat yac' milbil matanal ta scajleb ti yac'oj ta meltsanel te ta Betele. Ja' li u la snop ta yo'nton stuque. Laj yal ti ja' q'uin yu'un israeletic sventa sdiosique, xchi'uc ti ja' yual chbat xchiq'uic pom te ta scajlebe.

Job 31:7

Me oy bu itselbuj ta xocon be li cacane, me oy la xjochun batel li jsate, me oy c'usi la stsac li jc'obe,

Salmos 106:39

Jech la sbolibtas sbaic o ta sventa li yabtelique; jmulavil vinic ants ic'otic o ta scoj ti jech la spasique.

Salmos 73:27

Yu'un li boch'otic chnamajic ta atojole ta xch'ayic o; li boch'otic mu junuc yo'nton ta atojole chavules o.

Éxodo 13:9

Ja' yu'un tsc'an chcom senyail ta ac'obic, o ta ati'baic ya'yel, yu'un jech cht'ab ta avo'ntonic ti tsc'an ja' chalo'iltaic o li mantaletic yu'un Muc'ul Diose. Yu'un ja' la sloq'uesutic tal ta smuc'ul stsatsal te ta Egipto banamil.

Proverbios 28:26

Li boch'o xu' no'ox yu'un stuc cha'ye ja' bol cristiano; yan li boch'o tstunes lec sbijil c'alal oy c'usi tspase, lec chbat yu'un.

Proverbios 3:1

Jnich'on, mu me xch'ay ta avo'nton li chanubtasel cu'une; chabio me ta avo'nton li jmantaltaque,

Eclesiastés 11:9

Querem tsebetic, cuxetuc no'ox avo'ntonic ta sventa ti ach'iumalic toe; loq'ueso avo'ntonic ta sc'upinel c'usi oy ta avo'ntonic ti c'alal ja' to avich'ojbeic tal yipale. Pasic scotol li c'usi tsc'an avo'ntonique xchi'uc li c'usi chavil ta asatique, pero na'ic me ti tsta yorail ta xchapanoxuc Dios ta sventa scotol li c'usitic chapasique.

Jeremías 9:14

Ja' no'ox la spasic li c'usi ital ta yo'nton stuquique; ja' laj yich'ic ta muc' li baaletic jech chac c'u cha'al ichanubtasatic yu'un li stot sme'ique.

Ezequiel 6:9

Li boch'otic cuxul chcomique te chlic sna'icun ta yantic banamil ti bu chucbilic batele. Te chlic sna'ic ti vu'un laj cac'be svocolic ta scoj ti imulivajic ta jtojol ta sventa ti laj yich'ic ta muc' yan diosetique. Te chlic q'uexovicuc stuquic ta scoj li xchopol talelic la spasic ta jtojole.

Oseas 2:2

Li Diose jech chayalboxuc: “¡Albeic ta sat smul li ame'ique, albeic ta jamal, yu'un mu xa ja'uc cajnil; muc xa vu'cun smalalun! Ac'o scomtsan yaq'uel ta ilel ta sat ti ja' jmulavil antse, ac'o sjip ta yo'nton li sc'upil vinictaque.

Deuteronomio 29:19

“C'alal me laj xa ava'yic scotol li c'usitic albil ono'ox chc'ot ta pasele, me oy boch'o chlic snop avu'unic ti toj lec cha'ay sbae, me jech chlic yale: ‘Li vu'une toj lec chbat cu'un scotol, manchuc me ta jpas li c'usi tsc'an co'ntone’, me xie. Le'e ja' ta scoj me layavnaijic acotolique.

Deuteronomio 4:23

Pero bijanic me. Mu me xch'ay ta avo'ntonic li c'usi la xchapan Muc'ul Dios ta atojolique. Mu me c'usi xapasbeic sloc'obal jech chac c'u cha'al laj yalboxuc Muc'ul Dios cu'untic ti mu xu' chapasique.

Deuteronomio 6:12

C'alal me ic'ot ta pasel jech chac c'u cha'al laj calboxuque, mu me xch'ay ta avo'ntonic li Muc'ul Dios ti ja' la sloq'uesoxuc tal ta Egipto ti bu to'ox oyoxuc ta mozoile.

Deuteronomio 8:11

“Q'uelo me abaic. Mu me xch'ay ta avo'ntonic li Muc'ul Dios avu'unique. Mu me xacomtsanic spasel li mantaletic yu'une xchi'uc li c'usitic yan yaloj ac'o apasique, ja' ti laj xa calboxuc ava'yic li' ta orae.

Deuteronomio 8:14

Pero mu me teuc xlic atoy abaic o, xchi'uc mu me teuc xlic ch'ayuc o ta avo'ntonic li Muc'ul Dios cu'untic ti la sloq'uesoxuc tal ta Egipto bu to'ox tiq'uiloxuc ta mozoile.

Santiago 4:4

¡Jmulaviloxuc ta stojol Dios! ¿Me mu xana'ic ti yajcontra Dios chijc'ot me ja' ta jc'antic c'usi sventa banamile? Li boch'o ja' lec chil sba xchi'uc li c'usitic sventa banamile, ja' yajcontra Dios chc'ot.