Números 15:30 - Bible in Tzotzil de Chenalhó with Deuterocanon

³⁰ “Pero me oy junuc boch'o yutsil yo'nton la sa' smule, oy xa smul o ta jtojol, boch'ouc no'ox, me israel, o me yanlum cristiano. Li boch'o jech la spase, ac'o yich' loq'uesel ta atojolic.

Bible in Tzotzil de Chamula

³⁰ “Yan mi oy jun ti yolobaj laj sa' ti smule, mi ja' israel, mi ja' jyanlum, laj soquesbun ti co'ntone. Va'i un, ti buch'u taje, tenbil ta xloc' ta stojol ti xchi'iltaque.

Números 15:30 Iomraidhean Croise

Génesis 17:14

Yan li boch'o mu'yuc yich'oj circuncisione, ac'o yich' loq'uesel ta atojolic ta scoj ti mu xich' ta muc' li c'usi chapanbil cu'une —xut.

Job 38:15

Pero li boch'otic chopolique toj tsots cha'yic li sac osile, yu'un mu xu' tspasic li c'usi oy ta yo'ntonique.

Salmos 19:13

Vu'un li avajtunelune, loq'uesbun ta co'nton li toybaile; mu me xavac' xistsalun, jech mu jta o jmul, jech mu jpas o li c'usi toj chopol chavile.

Salmos 69:9

Ta xa xicham ta scoj ti tsots sc'oplal chca'ay li ch'ulna avu'une. Jech noxtoc vu'un laj cuch scotol li chopolc'optael chayac'bicot li jchopolc'optavanejetique.

Salmos 74:18

Muc'ul Dios, na'o me ti chasna'leicot li jcontrainvanejetique; ta xchopolc'opojic ta atojol li bol cristianoetique.

Salmos 74:22

Dios cu'un, la' me pojo aba. Na'o me ti te chchopolc'opojic o ta atojol scotol ora li bol cristianoetique.

Salmos 79:12

Muc'ul Dios, pacbo sutel vucub velta li boch'o li' nopol nacalique, yu'un toj ep la xchopolc'optaicot.

Salmos 89:51

Muc'ul Dios, ep chiyilbajinuncutic li avajcontrae; ep chna'leat li ajvalil at'ujoje.

Éxodo 21:14

Pero me yu'un stsoq'uet yo'nton yu'un li xchi'ile, xchi'uc me chbat smil ta mucule, persa chat'unic. Ac'o me te chbat snac' sba ta sts'el scajleb jmoton, jochic loq'uel tal, ac'o yich' milel.

Éxodo 30:33

Me oy boch'o tspas yan aceite co'ol jech chac c'u cha'al li'i, o me tsmalbe ta sjol boch'ouc no'oxe, ac'o yich' loq'uesel ta atojolic’, uto”, xi li Muc'ul Diose.

Proverbios 14:31

Li boch'o chac'be svocol me'one ja' chac' ta q'uexlal li Jpasvanej yu'une; yan li boch'o chc'uxubin me'one ja' yich'oj ta muc' chc'ot li Yajvale.

Ezequiel 20:27

“Ja' yu'un li vo'ote xnich'on cristiano, jech xavalbe li smomnich'nab Israele: ‘Jech chal li Muc'ul Diose, ja' li Cajvaltique: Li atot ame'ique laj ono'ox socbicun co'nton; muc ono'ox junuc yo'ntonic ta jtojol ec.

Levítico 20:10

“Me oy boch'o tsc'opanbe yajnil xchi'ile, ac'o yich' milel li vinic xchi'uc li antse.

Levítico 20:3

Li vu'une ta jcontrain li boch'o jech tspase; ta xcules te ta atojolic yu'un tsoques li ch'ulna cu'une, xchi'uc tsoquesbe sc'oplal jch'ulbi ta sventa ti chac'be smotonin Moloc li xnich'one.

Levítico 20:6

Me oy boch'o ta xbat ta stojol li j'ic'ch'ulelaletic xchi'uc jt'unuletique, laj xa xch'ay sbaic o. Ta jcontrain li boch'o jech tspase; ta jloq'ues o ta atojolic.

Números 15:29

Li c'usi laj calboxuc li'i, ja' ta xtun ta aventaic vo'oxuc xchi'uc ta xtun ta sventa li yanlum cristianoetic te nacalic ta atojolique. Pero ja' no'ox ta sventa li smulic ti muc ta yutsiluc yo'nton tspasique.

Números 9:13

Yan li boch'o ta scomtsan spasel q'uin Coltael ti c'alal lec oye, xchi'uc me mu'yuc bu nom bateme, ac'o yich' loq'uesel ta stojol li xchi'iltaque. Jech noxtoc, ta sventa ti muc xac' li smoton Muc'ul Dios ta yorail c'usi ora albile, ac'o stoj smul.

San Mateo 12:32

Li boch'o chopol chc'opoj ta jtojol, vu'un ti Xnich'on cristiano lic'ote, ta to spasbatic perdón. Pero li boch'o chopol chc'opoj ta stojol Ch'ul Espiritue mu'yuc ta spasbatic o perdón, me ja'uc li' ta banamil, me ja'uc ta sbatel osil”, xi li Jesuse.

Deuteronomio 1:43

“C'alal laj calboxuc c'usi laj yalbun li Muc'ul Diose, muc xach'unic. Laj abajbeic smantal li Diose. Ta yipal avo'nton atuquic labatic. Lamuyic batel ta vitsetic.

Deuteronomio 32:27

Pero mu jc'an ti stse'inic xa li boch'o ch-ilinic cu'une; mu jc'an chlic stoy sbaic ta jtojol li cajcontrataque. Naca me jech chalic: ‘Mu ja'uc Muc'ul Dios la spas jech chac le'e; ja' vu'utic la jpastic ta jvu'eltic’, naca me xiic.

Hebreos 10:26

Yu'un me yutsil co'nton ta jsa'ilan o jmultic ti c'alal laj xa cotquintic li sc'op Dios ti ja' melele, mu'yuc xa yan milbil matanal chcac'tic ta sventa li jmultique.

Hebreos 10:29

¿C'u to stsatsal tstoj smul xana'ic li boch'o chpech'beic ta teq'uel Xnich'on li Diose, ti mu'yuc xa stu ta yo'ntonic li xch'ich'al Cristo laj yac' tunuc ta sventa c'usi la xchapan Diose, ti chopol chalbeic sc'oplal li Ch'ul Espíritu ti ja' xc'uxubinelique?

2 Pedro 2:10

Ja' jech ta xich'ic pasbel li boch'otic ja' batem yo'ntonic spasel li c'usi chopol tsc'an sbec'talique, xchi'uc ti ta sna'leic li boch'o chventainvane. Yu'un toj tsots yo'ntonic, ven jtoybaetic, mu xi'ic ta xchopolc'optael li j'almantaletic ta toyol ti tsots svu'elique.

1 Juan 5:16

Me ta xquiltic ti oy jchi'iltic ta spasilan c'usi chopol ti ma'uc to sventa ch'ayele, ja' sc'an ta jc'opanbetic Dios ta stojol, jech ch-ac'bat xcuxlejal yu'un Dios me ma'uc to sventa ch'ayel li mulil tspase. Yu'un oy mulil ti ja' sventa ch'ayele. Ta sventa le'e, mu'yuc chacalboxuc ti ac'o ac'opanbeic Dios ta stojole.

1 Samuel 2:25

Me oy jun vinic tsa' smul ta stojol yan xchi'ile, ja' chchapanatic yu'un li Muc'ul Diose. Pero me ja' tsa' smulic ta stojol Muc'ul Diose, ¿boch'o xu' tsc'anbeic vocol ta stojol?”, xut. Pero muc xa xich'beic ta muc' sc'op li stotique, yu'un li Muc'ul Diose chapal xa yu'un ac'o chamicuc.

1 Samuel 3:14

Ja' yu'un laj xa cal ta jamal ti j'ech'el mu'yuc ta jtu'pbe o smulic li yalab xnich'nab Elie, ac'o me tsmilbicun jmoton, o me yantic matanaletic —x'utat.