Números 15:3 - Bible in Tzotzil de Chenalhó with Deuterocanon

^3-4 C'alal chavac'bicun jmotonin jcot tot vacax, o me jcot chij sventa chachiq'uic yu'un chavich'icun ta muq'ue, ac'beic xchi'ilin batel chibuc kilo lequil arina vots'bil o ta jun litro aceite. Ja' jech tsc'an chapasic jech chac c'u cha'al c'alal chavac'bicun milbil matanal, o me ja' ti chich' chiq'uel scotlijil ti lec mu yiq'ue. C'usiuc no'ox matanalil, me ja' sventa ti its'aqui xa avu'unic li c'usi avalojic ta jtojol chapasique, o me ja' sventa li matanal ti ta yutsil no'ox avo'nton chavaq'uique, persa chavac'beic batel xchi'il.

Bible in Tzotzil de Chamula

³ xu' ta xac'beicun jcotuc tot vacax, mi ja' jcotuc chij ti ta xich' svocol ta chiq'uel sventa quich'el ta muq'ue, ti jun yutsil smuil ta xich' chiq'uele, mi ja' ic'ot ta pasel ti oy c'usi yaloj ta xaq'ue, mi ja' ti c'usi loq'uem ayanem ta o'ntonal ta xich' aq'uel ta matanale, mi ja' ta sventa ti ta xtun ta jujun q'uine.

Números 15:3 Iomraidhean Croise

Génesis 8:21

C'alal ic'ot ta stojol Muc'ul Dios li smuil yic' smotone, jech laj yal: “Mu'yuc xa ta jsoques yan velta banamil ta scoj smul li cristianoetique. Yu'un li cristianoetique ta sbic'talic ono'ox ti ja' no'ox oy ta yo'nton tspasic li c'usi chopole. Jech noxtoc mu'yuc xa ta jtu'pbe sts'unubal yan velta li chonbolometic jech c'u cha'al la jpas li jun velta li'i.

Esdras 7:17

Xu' ja' chamanic o ch'ium vacaxetic, tot chijetic, ch'ium chijetic, xchi'uc c'usitic yan co'ol jech chac c'u cha'al trigo, xchi'uc ya'lel ts'usub, sventa chavaq'uic ta scajleb smoton li Dios avu'unic te ta Jerusalene.

Salmos 54:6

Ta jmilbot amoton ta yutsil co'nton; ta xcal alequilal, Muc'ul Dios, yu'un toj lecot.

Éxodo 29:18

Ts'acal te xavac' scotol ta scajleb jmoton yu'un ja' matanal sventa chavich'icun ta muc', xchi'uc ja' chic'bil matanal ta jventa ti lec mu yiq'ue.

Éxodo 29:25

Ts'acal xavich'be sutel. Bat chic'o ta scajleb jmoton ta sba li jmoton te chc'ac' ti lec mu yiq'ue. Ja' jun matanal chich' chiq'uel sventa chavich'icun ta muc', vu'un li Muc'ul Diosune.

Éxodo 29:41

Ja' jech co'ol xapas xchi'uc li jcot ch'ium chij sventa bat c'ac'ale. Ac'bo yarinail xchi'uc ya'lel sts'usubal. Ja' chic'bil matanal chc'ot ta jtojol ti lec mu yiq'ue.

Levítico 10:13

Te no'ox xave'ic yo' bu ts'u'iltasbil yu'un li banamile, yu'un ja' avu'unic o achi'uc anich'nabtac ti c'u yepal voc'bil li matanal chich' chiq'uel sventa yich'ubil ta muc' Muc'ul Diose yu'un ja' jech yalojbun.

Levítico 27:2

“Jech xavalbe ya'yic li achi'iltac ta israelale: C'alal me oy boch'o tsc'an tstoj li c'usi yaloj ta jamal ta stojol Dios chaq'ue, ja' jech yepal ac'o stoj ti c'u yepal chapanbil ono'oxe.

Levítico 7:16

Yan me ja' matanal sventa chapasic c'usi avalojic ta jtojole, o me yutsil no'ox avo'nton laj avaq'uique, xu' chati'ic te no'ox ta sc'ac'alil noxtoc, xchi'uc xu' to chaq'uejic sventa yoc'omal ti c'u yepal chcom avu'unique.

Números 28:27

Tsc'an chavac'bicun jmotonin cha'cot tot vacax, jcot tot chij, xchi'uc vuccot ch'ium chij ti jun to jabil svoq'uele; ja' sventa li jmoton chich' chiq'uel ti lec mu yiq'ue.

Números 29:8

Li jmoton chavac'bicun ti lec mu yiq'ue, aq'uic jcot vacax, xchi'uc jcot chij, xchi'uc vuccot ch'ium chij ti jun to jabil svoq'uele, ti bu ven leque.

Números 6:15

Jech noxtoc ac'o yac' junuc unin moch pan ti pasbil o ta lequil arinae, xchi'uc ti vots'bil o ta aceite ti mu'yuc yich'oj svolesubil xch'ute. Xchi'uc ac'o yac' jayibuc unin bic'tal jayal vajetic ti mu'yuc yich'oj svolesubil xch'ute, ti vijbil ta aceitee. Ac'o yich' batel xchi'uc yantic matanaletic, ja' li trigo, xchi'uc c'usitic yan co'oltic jech chac c'u cha'al trigoe xchi'uc li ya'lel ts'usube.

San Mateo 3:17

Ta ora ivinaj c'op ta vinajel, jech laj yal: “Li'i ja' Jnich'on; lec jc'anoj, lec jpatoj co'nton yu'un”, xi.

2 Corintios 2:15

Vu'uncutic smuil yic' pom c'otemuncutic ta stojol Dios yu'un li Cristoe. Ja' yu'un chvinaj batel yic' ta stojol li boch'otic chcolique xchi'uc li boch'otic ch'ayel chbatique.

2 Corintios 2:16

Li boch'otic ch'ayel chbatique ja' xa sventa lajel chamel cha'yic ti c'alal cha'ibeic yiq'ue. Yan li boch'otic chcolique ja' xa sventa xcuxlejal cha'yic o ti c'alal cha'ibeic yiq'ue. Mu'yuc boch'o xu' yu'un spasel ta stuc no'ox jech chac le'e.

Efesios 5:2

C'ano abaic jech chac c'u cha'al la sc'anutic li Cristoe, yu'un laj yac' sba ta milel ta jcojtic. Ja' smoton Dios ic'ot, ja' milbil matanal ti oy lec smuil laj ya'ay li Diose.

Deuteronomio 12:11

Ja' yu'un xu' xa te chbat avaq'uic scotol ta yavil bu chast'ujboxuc Muc'ul Dios li c'usitic calojboxuc ono'oxe: ja' li milbil matanal, xchi'uc li chic'bil matanal sventa chquich'tic ta muq'ue, xchi'uc li jujun ta lajunebe, xchi'uc scotol li c'usitic chapal sc'oplal avu'unic chavaq'uique, xchi'uc li c'usitic lequic at'ujojic ti avalojic ta stojol Muc'ul Dios chavaq'uique.

Deuteronomio 12:17

“Yan li jun ta lajuneb chavaq'uique, me trigo, me ya'lel ts'usub, me aceite, o me sba yol achijic, avacaxic, o me ja' li c'usi avalojic xa ta stojol Dios chavaq'uique, xchi'uc li smoton Dios ti ta yutsil avo'nton chavaq'uique, mu xu' te no'ox chati'ic, mu xu' te no'ox chave'ic ta alumalic.

Deuteronomio 12:6

Xu' te chbat amilic, chbat achiq'uic li achijic avacaxic sventa chavich'ic ta muq'ue. Te xavich'ic batel li jujun ta lajuneb chavaq'uique, xchi'uc li c'usitic chapal avu'unic chavaq'uique. Xchi'uc te xavich'ic batel noxtoc li smoton Dios ti slequil no'ox avo'nton chavaq'uique, xchi'uc li sba yol avacaxic, sba yol achijique.

Filipenses 4:18

Li vu'une laj xa jta lec scotol, oy xa ep scomelal cu'un. Mu'yuc xa c'usi sc'an chca'ay. Laj xa quich' ti c'u yepal laj avac'beic tal li Epafroditoe; toj lec chil li Diose, ja' jun milbil matanal cha'ay ti oy lec smuile.