Números 15:25 - Bible in Tzotzil de Chenalhó with Deuterocanon

²⁵ Li palee ac'o yac'bun li jmoton sventa xch'ayubil amulic acotolique. Jech li vu'une ta jch'aybe ta co'nton smulic, yu'un muc ta yutsiluc yo'ntonic muc spasic li c'usi caloje, xchi'uc laj yac'bicun li jmoton sventa smulique.

Bible in Tzotzil de Chamula

²⁵ Ts'acal to un, ti palee ta sliques ti c'u s'elan ta pasele yo' ta xich' tael ti ch'aybil ta xc'ot smul scotol ti jteclum Israele. Jech ti vu'une ta jtubbe ti smulique, ja' ti mu yolobajuc laj spasic ti bu mu lecuc bat yu'unique. Yu'un laj yac'beicun ti matanale xchi'uc stojol ti mulile.

Números 15:25 Iomraidhean Croise

Eclesiastés 5:6

Mu me ta scojuc no'ox ave chata amul; mu me ts'acaluc to xaval ta stojol yajtunel Dios ti ta scoj muc xanop lec c'usi laj avale. ¿C'u yu'un chavac' ilinuc Dios ta sventa li c'usi chavale? ¿C'u yu'un chavac' mu'yuc stu chil Dios li c'usi chapase?

Levítico 15:15

Li palee ac'o smil jcotuc ta sventa mulil; li yan jcote ac'o yac' ta sventa chic'bil matanal. Ja' jech tsc'an pasel ta jtojol sventa chich' lecubtasel li boch'o oy xchamele.

Levítico 4:20

Ja' jech ac'o yich' pasbel li vacax jech chac c'u cha'al chich' pasbel li yan ta sventa mulile. Ja' jech ac'o spas ta stojol xchi'iltac li palee. Jech ch'aybil smulic chcom o.

Levítico 4:26

Scotol li xepuale ac'o yich' chiq'uel te ta scajleb jmoton jech chac c'u cha'al chich' chic'bel xepual li matanal sventa lec chaquiloxuque. Ja' jech ac'o spas li pale ta sventa chch'aybe smul li jun banquilal avu'unique, jech ch'aybil smulic chc'ot o.

Levítico 4:31

Ac'o sloq'uesbe scotol li xepual jech chac c'u cha'al chich' pasbel li matanal ta sventa lec chaquiloxuque. Li palee ac'o xchic' te ta scajleb jmoton, jech lec mu yic' chc'ot ta jtojol, vu'un li Muc'ul Diosune. Ja' jech ac'o spas li pale sventa chch'aybe smul li boch'o oy smule, jech ch'aybil smul chc'ot o.

Levítico 4:35

Ac'o sloq'uesbe scotol li xepualtac jech chac c'u cha'al chich' pasbel li matanal sventa lec chaquiloxuque. Li palee ac'o xchic' te ta scajleb jmoton te ta sba li yan matanal te chc'ac' ta jtojole. Ja' jech ac'o spas sventa chch'aybe smul li boch'o la sta smule, jech ch'aybil smul chc'ot o.

San Lucas 23:34

[Li Jesuse jech laj yalbe li Stote: —Tati, pasbeic perdón, yu'un mu sna'ic li c'usi tspasique —xi.] Li soldadoetique la svoc'be sbaic li sc'u' spoc' Jesuse; la spasic canal tajimol yu'un jech chilic bu jlicucal chc'ot ta stojol jujunic.

Hechos 13:39

Yu'un muc xch'ay o jmultic ta sventa li mantaletic laj yal Moisese. Ja' no'ox ta sventa Jesús xu' ta xch'ay jmultic me ta jch'untique.

Romanos 3:25

Yu'un li Diose ja' laj yac'be smal xch'ich'al li Jesucristoe, jech ic'ot ta jch'aymulil ta sventa li boch'otic ta xch'unique. Jech ivinaj ti tuc' yo'nton li Diose, yu'un te la sts'icbe smul li cristianoetic ta poco' vo'onee,

Deuteronomio 21:21

Scotol li viniquetic te ta alumalique ac'o smilic ta ton. Jech ta x'ul o li c'usi chopol te ta atojolique. C'alal ta xa'yic scotol achi'iltaquic jech chc'ot ta pasele, ta xlic xi'icuc scotolic.

Hebreos 2:17

Ja' yu'un persa la sco'lajes sba jech chac c'u cha'al li xchi'iltac ta voq'uele, yu'un jech ja' jc'uxubinvanej, ja' tuq'uil Banquilal Pale ic'ot yu'unic ta stojol Dios, jech xu' tstaic perdón yu'un smulic li steclumale.

Hebreos 9:7

Yan ta xchibal cuartoe ja' no'ox jun velta ta jabil i'och stuc li banquilal palee. C'alal ch-oche, persa chich' ochel ch'ich' ta stojol Dios sventa tspasbat perdón yu'un smul stuc xchi'uc smul xchi'iltac.

1 Juan 2:2

Yu'un ja' laj yac' sba ta milbil matanal sventa la stojbutic jmultic. Mu ja'uc no'ox vu'utic ti la stojbutic jmultique; ja' smul scotol cristianoetic ta sbejel banamil la stojbe.