Números 15:15 - Bible in Tzotzil de Chenalhó with Deuterocanon

¹⁵ Li mantaletic laj calboxuque, ja' ta xtun ta sventa vo'oxuc, xchi'uc ta sventa yanlum cristianoetic. Ja' jun mantal ta xcom o avu'unic. Jech ta xcom o ta totil me'il c'alal ta alab nich'nab.

Bible in Tzotzil de Chamula

¹⁵ Yu'un jun no'ox smantalil ti tsots sc'oplal ta atojolique, xchi'uc ta stojol ti jyanlumetique, ti ja' j'ech'el ch'unbil ta xcom o ti jbel c'usi tsots albile ti ta x'ech' ta stojolic ti totil me'iletique xchi'uc ti alab nich'nabe.

Números 15:15 Iomraidhean Croise

Ester 9:27

ja' jech la spasilanic o batel c'alal ta yalab xnich'nabic xchi'uc li boch'otic c'atajemic xa ta Judae. Ja' jech la spasilanic o batel chib c'ac'al q'uin ta jujun jabil li c'usi c'ac'alil yorail jech chac c'u cha'al i'albatic mantale; mu'yuc la xquechanic o spasel.

Éxodo 12:14

Li jun c'ac'al le'e ja' tsc'an ti mu xch'ay ta avo'ntonique. Tsc'an chapasilanic jun muc'ta q'uin sventa chavich'icun ta muc'; vu'un li Muc'ul Diosune. Ja' jun mantal chcom o ta atojolic c'alal to ta jayc'ol avalab anich'nabic.

Éxodo 12:24

Li mantal li'i, ich'ic me ta muc' li vo'oxuque xchi'uc c'alal ta amomnich'nabic. Ja' jun mantal chcom o ta atojolic.

Éxodo 12:43

Li Moisés xchi'uc Aarone jech i'albatic yu'un li Muc'ul Diose: “Li'i ja' mantal ta sventa li q'uin Coltaele: Me junuc yanlum cristiano mu xu' tsti' li jmoton chich' milele.

Éxodo 12:49

Ja' jun mantal ta xcom avu'unic xchi'uc li yanlum cristianoetic te achi'uquic ta nacleje”, xut.

Éxodo 28:43

Jech te slapojic o c'alal ch-ochic ta ch'ulna ti pasbil ta nucule xchi'uc ti c'alal chnopajic ta sts'el scajleb jmoton ta spasel yabtelique. Yu'un jech mu sta smulic ta jtojol, jech mu xchamic. Ja' jech jmantal chcom o ta stojolic c'alal ta smomnich'nabic.

Levítico 24:22

“Ja' jech mantal ta xcom ta sventa li yanlumetique xchi'uc vo'oxuc li israeloxuque; vu'un li Muc'ul Diosun avu'unique”, xi li Muc'ul Diose.

Números 10:8

Li boch'otic oy ta sventaic sjupanel li oq'uesetique, ja' li paleetic smomnich'nabtac Aarone. Li'i ja' jun mantal ta xcom o ta atojolic ti jayib c'ac'al cuxuloxuque.

Números 15:14

“Me oy jun yanlum cristiano te nacal ta atojolique, o me jelovel no'ox chjelov ti tsc'an chiyac'bicun chic'bil matanal ti lec mu yiq'ue, ac'o spasic jech chac c'u cha'al chapasic acotolic li vo'oxuque.

Números 15:29

Li c'usi laj calboxuc li'i, ja' ta xtun ta aventaic vo'oxuc xchi'uc ta xtun ta sventa li yanlum cristianoetic te nacalic ta atojolique. Pero ja' no'ox ta sventa li smulic ti muc ta yutsiluc yo'nton tspasique.

Números 18:8

Li Muc'ul Diose jech laj yalbe noxtoc li Aarone: “Vu'un laj cac'bot aventain li jmoton chquich' ac'bele. Scotol li c'usitic voc'bil cu'un sventa jmoton chiyac'bicun achi'iltac ta israelale, vo'ot chacac'boxuc achi'uc li anich'nabe. Ja' jech jmantal ta xcom o ta atojolic.

Números 9:14

“Li yanlum cristianoetic ti te xa nacalic yo' bu oyoxuque, ac'o me spasic ec li q'uin Coltael sventa chiyich'icun ta muq'ue. Ja' jech ac'o spasic jech chac c'u cha'al calojboxuque. Li mantal calojboxuque, chtun sventa yanlum cristianoetic, xchi'uc ta sventa li boch'otic li' voq'uemique”, xi.

Gálatas 3:28

Jech mu'yuc xa judío, mu'yuc xa yanlum; mu'yuc xa boch'o ochem ta mozoil, mu'yuc xa boch'o muc ochemuc ta mozoil; mu'yuc xa vinic, mu'yuc xa ants. Yu'un jcotoltic jun no'ox lijc'ot ta stojol li Cristo Jesuse.

Colosenses 3:11

Jech mu'yuc xa sc'oplal me judioutic, me yanlumutic, me quich'ojtic circuncisión, me mu quich'ojticuc circuncisión, me bijutic, me muc bijuticuc, me ochemutic ta mozoil, me muc ochemuticuc ta mozoil. Ja' tsots sc'oplal ti co'ol chquich'tic ta muc' li Cristoe, yu'un ja' sventainoj scotol.

Josué 8:33

Jech scotol li israeletique li banquilaletique, li j'abteletique, li jchapanvanejetic yu'unique, xchi'uc li yanlum cristianoetic te oy ta stojolique la sva'an sbaic ta jujujot xocon li xcaxail smantal Muc'ul Diose. Ja' te la sva'an sbaic ta stuq'uil li pale-levietic ti xq'uechojic tal ta snecubic li caxae. J'o'lol te va'al ic'otic ta stuq'uil vits Gerizim; j'o'lol te va'al ic'otic ta stuq'uil vits Ebal sventa chich'ic c'anbel bendición ta stojolic yu'un li pale-levietique. Yu'un jech ono'ox albilic comel ta sliquebal yu'un li Moisés, ja' li yajtunel Muc'ul Diose.

1 Samuel 30:25

(Ja' yorail jech lic spasic o scotol li israeletique; ja' jun mantal icom o yu'unic ti jech tspasique.)