Números 14:9 - Bible in Tzotzil de Chenalhó with Deuterocanon

⁹ Pero ja' tsc'an ti mu xatoy abaic ta stojol li Muc'ul Diose, xchi'uc tsc'an ti mu xaxi'ic yu'un li cristianoetic te nacajtique. Ja' no'ox jech xu' ta jlajestic jech chac c'u cha'al ta jlajestic pane. Li stuquique mu'yuc boch'o xu' chcoltaatic. Yan li vu'utique li' oy ta jtojoltic li Muc'ul Diose. Ja' lec mu xaxi'ic —xiic.

Bible in Tzotzil de Chamula

⁹ Ti c'usi no'ox ta sc'ane, mu xatoy abaic ta stojol ti Diose. Ja' jech xtoc mu xaxi'ic yu'un ti jnaclejetic ta jteclum taje. Yu'un ti stuquique, co'ol s'elan jbej pan ti ta jxumel no'ox ta stsuts cu'untic ta ve'ele, yu'un mu'yuc yajpojelic. Ja'uc ti vo'otique, yac'oj sba ta jpojeltic ti Diose. ¡Mu xaxi'ic!

Números 14:9 Iomraidhean Croise

Génesis 48:21

Li Israele jech laj yalbe noxtoc li Josee: —A'yo ava'ay, li vu'une po'ot xa chicham. Pero li Diose li' ono'ox oy ta atojolic. Ta to sta yorail chayic'oxuc sutel te ta yosilalic li jmoltot jyame'tic ta vo'onee.

2 Crónicas 13:12

Na'ic me, li' ta orae li' xchi'inojuncutic li Diose. Li paleetic yu'une chapalic xa sventa tsjupan yoq'uesic sventa chascontrainoxuc. A'yo me ava'yic israeletic, mu me xacontrainic li Muc'ul Dios, ja' li Dios yu'un jmoltot jyame'tic ta vo'onee, yu'un mu xcuch avu'unic”, xi li Abiase.

2 Crónicas 15:2

jech iloc' batel, bat sc'opan li Asae, jech laj yalbe: “Asa, xchi'uc vo'oxuc judaetic xchi'uc benjaminetic, a'yic c'usi ta xcal: Li Muc'ul Diose li' xchi'inojoxuc o ti me te oyoxuc o ta stojol eq'ue. Me chasa'ique, chataic. Yan me chacomtsanique, chascomtsanoxuc ec.

2 Crónicas 20:17

Mu persauc chapasic pleito li vo'oxuque; te no'ox va'ano abaic, ch'anchanic. Q'uelavilic c'u x'elan chajcoltaoxuc, vu'un li Muc'ul Diosune. Yajvaltac Judá xchi'uc Jerusalén, mu me xaxi'ic; mu me xchibaj avo'ntonic. Loc'anic batel oc'om, bat ac'beic; te chajchi'inoxuc’, xijyututic li Muc'ul Diose”, xi li Jahaziele.

2 Crónicas 32:8

Li stuque yich'oj no'ox stsatsal ta sventa svinictac. Pero li vu'utique li' xchi'inojutic li Muc'ul Dios cu'untique, ja' chiscoltautic ta stsalel li cajcontratique”, xut. C'alal laj ya'yic c'usi laj yal li Ezequiase, itsatsub yo'nton scotolic.

Nehemías 4:14

C'alal laj quil ti chi'ique, la jva'an jba, jech laj calbeic li banquilaletic, li jpasmantaletic, xchi'uc scotol li jchi'iltactique: “Mu xaxi'ic. Na'ic me ti ech'em smuc'ul, ti ech'em xi'elal li Diose. Cac'tic persa scoltael li cuts' calaltique, li cajnil jnich'nabtique, xchi'uc li jnatique”, xcutic.

Salmos 106:24

Ts'acal lic sbajic noxtoc li lequil banamil ch-ac'batique; muc xch'unic li c'usi albilic ono'ox ta jamal yu'un Diose.

Salmos 121:5

Li Muc'ul Diose ja' jchabivanej avu'un; li Muc'ul Diose ja' chasmacot ta xyaxinal, te oy o ta abats'ic'ob.

Salmos 14:4

Mu xa'ibeic o smelol li boch'otic chopol c'usi tspasique. Ja' tsti'ic ya'yel li steclumal Diose; tstsaquic jech chac c'u cha'al tstsac pan sve'ic. Mu'yuc ta yo'nton tsc'anbeic vocol li Muc'ul Diose.

Salmos 46:11

Li Muc'ul Dios ti tspas ta mantal scotole li' oy ta jtojoltic; li Dios yu'un Jacobe ja' jchabivanej cu'untic.

Salmos 46:7

Li Muc'ul Dios ti tspas ta mantal scotole li' oy ta jtojoltic; li Dios yu'un Jacobe ja' jchabivanej cu'untic.

Salmos 46:8

La'ic, la' q'uelbo avilic yabtel li Muc'ul Diose; toj labalic sba li c'usi tspas li' ta banamile.

Salmos 74:14

Laj avoch'be sjoltac li Leviatán, ti toj xi'bal sbae; ja' laj avac'be sve'elin li xchanultac xocol banamile.

Salmos 91:1

Li boch'o chabibil yu'un li Boch'o te oy ta vinajele, ti oy ta xyaxinal li Boch'o ech'em svu'ele,

Éxodo 14:13

Itac'ov li Moisese: —Mu xaxi'ic. Junuc avo'ntonic. Tana li'i chavilic c'u x'elan chascoltaoxuc li Muc'ul Diose. Li egiptoetic ti chavilic le' xa xtalique, mu'yuc xa bu chavilic o yan velta.

Éxodo 33:16

Yu'un me mu'yuc chbat achi'inuncutique, ¿c'u x'elan xu' chich' na'el ti lec ac'anojuncutic xchi'uc li jchi'iltaque? Pero me chachi'inuncutic batele, ja' svinajeb ti voc'biluncutic avu'un ta stojol li yantic lumetic li' ta sba banamile —xut.

Isaías 1:2

Vinajel, a'yo ava'ay; banamil, tuc'ulano lec, yu'un ta xc'opoj li Muc'ul Diose: “La cac' ayinuc jnich'nab, xchi'uc laj cac' ch'iicuc, pero lic stoy sbaic ta jtojol.

Isaías 32:2

Le'e ja' jech chc'otic jech chac c'u cha'al jpojubbailtic ta tsatsal ic', ja' jech chac c'u cha'al jnac'ubbailtic c'alal chtal tsots ic'al vo', ja' jech chac c'u cha'al jun bevo' ti chat'es lec taqui banamile, ja' jech chac c'u cha'al xyaxinal muc'ta ch'en ta xc'uxul c'ac'al ta q'uixin osil.

Isaías 41:10

Ja' yu'un mu me xaxi', yu'un vu'un chajchi'inot; mu c'u xal avo'nton, yu'un vu'un Diosun avu'un. Vu'un chacac'bot atsatsal, vu'un chajcoltaot; vu'un chajtsacot lec ta jbats'ic'ob ti xu' yu'un tstsalvane.

Isaías 41:14

Li Muc'ul Diose jech chal ta jamal: “Vo'oxuc li sts'unubaloxuc Israel ti jutuc xa comenoxuque, vo'oxuc li yu'unoxuc Jacob ti biq'uitoxuc jech chac c'u cha'al xuvite, mu xaxi'ic, vu'un chajcoltaoxuc. Vu'un li Ch'ul Diosun yu'un Israele, vu'un Jpojvanejun avu'unic.

Isaías 63:10

Pero li stuquique la stoy sbaic ta stojol; laj yaq'uic ilinuc sjol yo'nton li ch'ul Diose, jech ic'atajic ta yajcontra, lic tsacaticuc ta c'op.

Jeremías 1:19

Ta stsaquicot ta c'op, pero mu xastsalicot, yu'un te jchi'inojot, vu'un ta jcoltaot”, xiyutun li Muc'ul Diose.

Jeremías 42:11

Mu loq'uel xaxi'ic yu'un li ajvalil ta Babiloniae. Mu xaxi'ic yu'un; vu'un chajcoltaoxuc loq'uel ta sc'ob, ja' yu'un mu xaxi'ic.

Jeremías 48:45

“Li boch'otic chjatovic batele, ch-alubic, te chlic snac' sbaic ta xyaxinal lum Hesbón. Pero chloc' c'oc' noxtoc te ta Hesbón, natic yat c'oc' chloc' te ta slumal li ajvalil Sehone, jech ta xchic' scotol li vitsetic yu'un Moab, ja' li jsa'c'op lume.

Daniel 9:5

la jta jmulcutic; la jpascutic c'usi mu xtun. Toj chopol c'usi la jpascutic, ven jtoybauncutic; la jcomtsancutic li mantaletic avu'une xchi'uc li c'usitic avaloje.

Daniel 9:9

Pero ta atojol vo'ote Cajval, Dios cu'un, oy c'uxubinel, oy perdón avu'un, ac'o me ep jtoyoj jbacutic ta atojol.

Números 13:30

Li Calebe lic spajes ta lo'il li xchi'iltac te oyic ta stojol li Moisese. Jech laj yal: —Ja' lec bat quich'tic li banamile. Ta xvu' cu'untic ti chbat quich'tique —xi.

Números 17:6

Li Moisese ja' jech lic yalbe scotol li xchi'iltac ta israelale. Jech laj yich'ic tal jujuch'ix snamte'ic li banquilaletic yu'unic ta jujuchope. Ja' lajcha'ch'ix namte'al ic'ot ta scotol. Te oy ec li snamte' Aarone.

Números 20:2

Ta sventa ti mu'yuc vo' yuch'ic scotol li israeletique, jech jmoj la stsob sbaic tal scotolic; tal scontrainic li Moisés xchi'uc Aarone.

Números 24:8

Li Dios ti iloq'uesatic tal ta Egipto yu'une, ja' stsatsal yo'ntonic c'otem, jech chac c'u cha'al vacax ti ja' spatoj yo'nton yu'un li xulube. Li Israele ta stsac sti' li muc'tic lumetique, ja' li yajcontrataque. Ta xvoch'be c'alal ta sbaquil; ta smil ta flechaetic.

San Mateo 1:23

“A'yo ava'yic, ta xlic xchi'in yol jun tojol tseb, ta svoq'ues jun querem; Emanuel ta xac'be sbi”, xi ono'ox. “Dios li' jchi'uctic”, xi smelol li sbie.

Romanos 8:31

¿C'usi yan xu' chcaltic ta sventa scotol le'e? Me jech oy yo'nton ta jtojoltic stuc li Diose, ¿boch'o xu' chiscontrainutic?

Deuteronomio 1:21

Q'uelavilic, li osil li'i yac'ojboxuc xa ta ac'obic li Dios cu'untique. Ochanic batel. Ich'ic li avosilic jech chac c'u cha'al yaloj ono'ox li Muc'ul Diose, ja' li Dios yu'un jmoltotactic ta vo'onee. Mu me xaxi'ic. Mu me xchibaj avo'ntonic’, xacutoxuc.

Deuteronomio 1:26

Pero li vo'oxuque muc xac'an xa'ochic batel. Jech laj abajbeic smantal li Muc'ul Dios cu'untique.

Deuteronomio 1:29

“Li vu'une jech laj calboxuc: ‘Mu xachibajes avo'ntonic. Mu xaxi'ic.

Deuteronomio 31:6

C'alal chatsac xa abaic ta pleito achi'uquique, mu me xaxi'ic. Oyuc me lec stsatsal avo'ntonic; me jutuc mu me xaniquic. Na'ic me ti te oy ta atojolic li Muc'ul Dios cu'untique; me jutuc mu'yuc chascomtsanoxuc atuquic”, xut xchi'iltac li Moisese.

Deuteronomio 31:8

Ja' ba'yucbe ta xbat avu'un stuc li Muc'ul Diose; ja' chaxchi'inot o scotol c'ac'al. Mu'yuc chayictaot; mu'yuc chascomtsanot. Ja' yu'un mu me xaxi'; mu me xastsalot li xi'ele”, xut.

Deuteronomio 32:42

Ta xatin ch'ich' li flechaetic cu'une; ta xve' ta sbec'talic li espada cu'une, ja' ta xch'ich'al li boch'o chtuch'ique xchi'uc li jchuqueletique, xchi'uc ta sjolic li cajcontratac ti natuben sjolique’, xi li Muc'ul Diose.

Deuteronomio 7:18

Pero mu me xaxi'ic yu'un. Na'ic me c'usi la spas Muc'ul Dios ta stojol li faraone xchi'uc ta stojol scotol li egiptoetique.

Deuteronomio 7:21

Ja' yu'un mu me xaxi'ic yu'un. Yu'un li Muc'ul Dios avu'unic ti toj ech'em smuc'ul ti toj ech'em stsatsale, te xchi'inojoxuc.

Deuteronomio 9:7

“Mu me xch'ay ta avo'ntonic ti ep laj avaq'uic ilinuc te ta xocol banamil li Muc'ul Diose. C'alal laloq'uic tal ta Egiptoe, xchi'uc c'alal to lavulic li'i, scotol ora laj abajilanbeic li smantale.

Filipenses 1:27

Ja' no'ox tsots sc'oplal ti ac'o apasic batel jech chac c'u cha'al chal li Lequil A'yej yu'un Cristoe. Yu'un jech c'alal chtal jq'ueloxuc, o c'alal nom oyune, ta xca'ay ac'oplalic ti staoj yav jun avo'ntonic oe, ti co'ol avo'nton chavac'beic yipal xch'unel li Lequil A'yeje,

Josué 1:5

Mu'yuc boch'o xu' chastsalot ti jayib c'ac'al cuxulote. Vu'un chajchi'inot o, jech chac c'u cha'al la jchi'in scotol c'ac'al li Moisese. Me jliqueluc mu'yuc chajcomtsanot.

Josué 14:12

Ja' yu'un chacalbot ti ac'o avac'bun ta ora li osil le' ta toyolaltic ti yalojbun ono'ox Muc'ul Dios ja' cu'une. Yu'un ana'oj ono'ox ti ja' te nacajtic li smomnich'nab muc'ta vinic Anaque. Lec spasoj li lumetic yu'unique; lec setel ta tsatsal coralton. Pero ja' no'ox ta jch'un ti Muc'ul Dios chixchi'inun batele; ja' chiscoltaun jech xu' cu'un ta jnuts loq'uel jech chac c'u cha'al yalojbun ono'oxe”, xi li Calebe.

Jueces 1:22

Li smomnich'nabtac Josee imuyic batel ta Betel, te chi'inbilic yu'un li Muc'ul Diose.