Números 14:43 - Bible in Tzotzil de Chenalhó with Deuterocanon

⁴³ Te me smalaojoxuc li amalequetique xchi'uc li canaanetique yu'un tsc'an ac'o apasic pleito achi'uquic, jech te chasmiloxuc acotolic. Li vo'oxuque laj xa acomtsanic li Muc'ul Diose, jech mu'yuc xa li' xchi'inojoxuc ec —x'utatic yu'un li Moisese.

Bible in Tzotzil de Chamula

⁴³ Ti li' xjelav ech'ele, malabil ta xac'otic yu'un ti amalecitaetique xchi'uc ti cananeoetique. Ta xastsacoxuc ta leto. Ta xasmiloxuc. Yu'un ti vo'oxuque laj xa atenic comel ti Diose. Jech ti stuque mu'yuc xa oy ta atojolic.

Números 14:43 Iomraidhean Croise

1 Crónicas 28:9

Jech ec li vo'ote, jquerem Salomón, otquino me lec li Dios cu'un, vu'un li atotune. Junuc me avo'nton, yutsiluc me avo'nton tunan yu'un. Yu'un xotquin c'usi ta jnoptic; sna' c'usi oy ta co'ntontic. Me oy ta avo'nton chasa'e, chac' sba ta ilel ta atojol. Yan me chavicta comele, j'ech'el chascomtsanot o ec.

2 Crónicas 15:2

jech iloc' batel, bat sc'opan li Asae, jech laj yalbe: “Asa, xchi'uc vo'oxuc judaetic xchi'uc benjaminetic, a'yic c'usi ta xcal: Li Muc'ul Diose li' xchi'inojoxuc o ti me te oyoxuc o ta stojol eq'ue. Me chasa'ique, chataic. Yan me chacomtsanique, chascomtsanoxuc ec.

Salmos 44:10

Laj avac' jatovcuncutic sutel ta anil yu'un li cajcontracutique; laj avac' yelc'an c'usi oy cu'uncutic li boch'o chopol yo'nton ta jtojolcutique.

Isaías 63:10

Pero li stuquique la stoy sbaic ta stojol; laj yaq'uic ilinuc sjol yo'nton li ch'ul Diose, jech ic'atajic ta yajcontra, lic tsacaticuc ta c'op.

Oseas 9:12

Ac'o me oy bu chch'i li squeremique, ta jpojbeic loq'uel ta stojolic. ¡Toj abul sbaic ec c'alal me ta jvoc' jba loq'uel ta stojolique!

Levítico 26:17

Ta xlic jcontrainoxuc, jech tsalbil chac'otic yu'un li avajcontraique. Ja' chlic spasoxuc ta mantal li boch'otic chopol to'ox chavilique. Xchi'uc jech no'ox chajatovic batel, ac'o me mu'yuc boch'o chtal snutsoxuc.

Números 13:29

Te ta nopol Negueve ja' te nacajtic li amalequetique. Ta toyolal te'tic ta vitsetique ja' te nacajtic li hetetique, li jebusetique, xchi'uc li amorretique. Te ta ti'ti' nab xchi'uc ta ti'ti' uc'um Jordane ja' te nacajtic li canaanetique —xiic.

Números 14:25

(Li amalequetic xchi'uc canaanetique te nacajtic ta stenlejaltic). Li vo'oxuque chasutic batel oc'om. Tamic batel li be xbat ta xocol banamil xc'ot ta Tsajal Nabe —xi li Muc'ul Diose.

Números 14:42

Mu me xabatic ta yipal avo'ntonic yu'un li Muc'ul Diose mu'yuc xa xchi'inojoxuc. Ta me xastsaloxuc tal li avajcontraique.

Números 14:44

Pero li stuquique ijelovic ono'ox batel ta yipal yo'ntonic; imuyic batel te ta vitstic ta toyolaltic. Pero li xcaxail smantal Muc'ul Diose xchi'uc li Moisese me jutuc muc stotsic batel.

Deuteronomio 28:25

Xchi'uc chac' j'ech'el chaxpech'oxuc o ta teq'uel li avajcontraique. C'alal ja' to cha'ochic batel yu'un chbat apasic pleito achi'uquique, lec chapaloxuc; lec acholoj abaic ochel. Pero chajatovic sutel tal ta ora yu'unic. Solel tanpuc chajatovic batel ta anil acotolic. Ta xavaq'uic xi'icuc yantic ajvaliletic li' ta banamil.

Josué 22:15

Jech ibatic ta Galaad yo' bu oyic li jchop liquemic ta Rubén, ta Gad xchi'uc li o'lol jchop liquemic ta Manasese. Jech c'ot yalbeic:

Josué 7:12

Ja' ta scoj ti mu xa xu' avu'un chatsalic li avajcontraique. Persa nutsbil chasutic tal yu'un li avajcontraique, yu'un vo'oxuc tsc'an chc'ot ta atojol atuquic li vocole. Me mu xaloq'uesic li c'usi chopol te oy ta atojolique, mu'yuc xa bu chajchi'inoxuc o.

Jueces 16:20

Jech laj yal li Dalilae: —¡Sansón, ta xa xtal stsaquicot li filistaetique! —xut. Ijulov li Sansone; la snop ti xu' to yu'un jech chac c'u cha'al ono'oxe. Muc sna' me icomtsanat xa yu'un li Muc'ul Diose.