Números 14:41 - Bible in Tzotzil de Chenalhó with Deuterocanon

⁴¹ Pero li Moisese jech lic yalbe: —¿C'u yu'un ti chabajbeic smantal li Muc'ul Diose? Li c'usi chac'an chapasique ja' no'ox chata avocolic o.

Bible in Tzotzil de Chamula

⁴¹ Ja' no'ox un, xi laj yal ti Moisese: —¿C'u cha'al mu xach'unbeic smantal ti Diose? ¡Yu'un ta me xich' tabel stojolal ti ta yip no'ox o'ntonal ta xich' pasele!

Números 14:41 Iomraidhean Croise

2 Crónicas 24:20

Li Zacarías xnich'on anima pale Joiadae iventainbat yo'nton yu'un Dios; lic sva'an sba ta toyol, jech laj yalbe scotol li xchi'iltaque: “Jech chal li Muc'ul Diose: ‘¿C'u yu'un ti mu xach'unbicun jmantale? Ja' no'ox chasa' avocol atuquic. Ta sventa ti laj acomtsanicune, ja' no'ox jech ta jcomtsanoxuc ec’, xayutoxuc li Muc'ul Diose”, xut.

Job 4:9

Jech ta xlajic ta yic'al ye li Diose; ta xchamic ta sc'ac'al yo'nton li Diose.

Jeremías 2:37

Solel abul aba ta q'uexlal ti c'alal chasut tale, yu'un laj xa jip comel li boch'otic apatoj avo'nton yu'une, jech mu'yuc c'usi lec chata o yu'unic”, xi li Diose.

Jeremías 32:5

Persa chich' iq'uel batel ta Babilonia; te chcom o, ja' to c'alal chbat jq'uele. Ac'o me chlic spas pleito xchi'uc li caldeaetique, mu xu' yu'un o’, xi li Muc'ul Diose”, xut.

Números 14:25

(Li amalequetic xchi'uc canaanetique te nacajtic ta stenlejaltic). Li vo'oxuque chasutic batel oc'om. Tamic batel li be xbat ta xocol banamil xc'ot ta Tsajal Nabe —xi li Muc'ul Diose.

Deuteronomio 1:42

Pero li Muc'ul Diose laj yalbun ti mu me xabatique. Jech laj yalbun: ‘Albo li achi'iltaque: mu me xbatic; mu me xbat spasic pleito stuquic yu'un jech mu teuc stsalatic tal yu'un li avajcontraique yu'un mu'yuc ta jchi'inic batel’, xiyutun.

1 Samuel 15:19

Pero ¿c'u yu'un muc xach'unbe c'usi laj yalbot li Muc'ul Diose yu'un laj avich' tal c'usi laj apojbeic li cajcontratique? Toj chopol c'usi laj apas ta stojol li Muc'ul Diose —xut.