Números 14:4 - Bible in Tzotzil de Chenalhó with Deuterocanon

⁴ Jech lic yalbe sbaic: “Jsa'tic junuc banquilal cu'untic yu'un ja' ac'o yic'utic sutel ta Egipto”, xiic.

Bible in Tzotzil de Chamula

⁴ Xi lic yalanbe sbaic ta jujun tale: “¡Jva'antic junuc banquilal cu'untic, sutcutic ech'el ta Egipto!”

Números 14:4 Iomraidhean Croise

Jeremías 42:14

me jech chavalique: ‘Mu jc'an xicomcutic li'i, ja' te chbat naquicuncutic ta Egipto. Mu'yuc chquilcutic c'op te; mu'yuc chca'icutic oq'ues sventa pleito, xchi'uc mu'yuc vi'nal te’, me xachiique,

Números 11:20

Sjunul u puru ti'bol ta sti'ic, ja' to ti me tsc'an xa chen xchi'uquique, xchi'uc ti me i'ac'batic ep ib-o'ntonale. Yu'un la scontrainicun, vu'un li Avajvalicun ti li' oyun ta o'lol avu'unique. Ep i'oq'uic, xchi'uc jech laj yalic ta jtojol: ‘¿C'u yu'un ti lijloc'utic tal ta Egiptoe?’, xiic —x'utat yu'un Muc'ul Dios li Moisese.

Números 14:5

Li Moisés xchi'uc Aarone la spatan sbaic ta banamil ta stojol scotol li xchi'iltaquique.

San Lucas 17:32

Na'ic me c'u x'elan icom li yajnil Lote.

Hechos 7:39

“Pero li jmoltotactic ta vo'onee muc xich'ic ta muc'. Ja' te oy ta yo'ntonic ti tsutic batel ta Egiptoe.

Deuteronomio 17:16

Li ajvalil ch-oche mu xu' ta sa' ep sca', xchi'uc mu xu' tstac batel viniquetic ta Egipto yu'un te ac'o bat bolesbatuc li sca'e. Yu'un li Muc'ul Dios cu'untique jech yaloj: ‘Mu'yuc xa bu chtal ateq'uic yan velta li sbelal Egipto li'i’, xi.

Deuteronomio 28:68

Ac'o me laj yalboxuc Muc'ul Dios ti mu'yuc chasutic yan velta ta sbelal li Egiptoe, pero chac' ti ta puru barco chasutic batel yan velta tee. Xchi'uc te chavich'ic chonel batel ta mozoil yu'un li avajcontraique, pero mu junuc boch'o tsc'an chasmanoxuc noxtoc”, xut xchi'iltac li Moisese.

Hebreos 11:15

Ti ja'uc laj yalbeic sc'oplal bu iliquic tale, xu' te no'ox tsutic batel yan velta ti jechuque.