Números 14:23 - Bible in Tzotzil de Chenalhó with Deuterocanon

²³ le'e me junuc mu'yuc chbat sq'uelic c'u x'elan li osil yo' bu caloj ono'ox chcac'beic li smoltotaquic ta vo'onee. Li boch'o chopol laj yilicune, me junuc mu'yuc ta xilic.

Bible in Tzotzil de Chamula

²³ mi junicuc ta xilic ti banomil ti calojbe ya'i ta xcac'beic ti smolmuc'totique. Ti buch'u laj xa sbajicune, mi junuc ta xilic.

Números 14:23 Iomraidhean Croise

Nehemías 9:23

Laj abolesbe yalab xnich'nabic jech chac c'u cha'al c'analetic ta vinajel, xchi'uc laj avic' batel ta banamil ti bu avalojbe ono'ox jmoltot jyame'cutic ta vo'one chavac'be yich'ique.

Salmos 106:26

Ja' yu'un li Diose la sye' sc'ob ta stojolic; laj yal ta jamal ti te no'ox tsmil scotol ta xocol banamile,

Salmos 95:11

Ja' yu'un ta sc'ac'al co'nton jamal laj cal ti j'ech'el mu x'ochic o ti bu caloj chcux yo'ntonique’, xichi”, xi li Diose.

Jeremías 18:10

Pero me ta xlic spasic c'usi chopol ta jtojol, me mu sc'an xa'yic li c'usi chcale, ja' jech mu'yuc ta xcac'beic ec li c'usi lec jnopoj ta xcac'beique.

Ezequiel 20:15

‘Te ta xocol banamil la jtoy jc'ob ta stojolic noxtoc. Laj calbeic ta jamal ti mu'yuc ta xcac' ochicuc o ta banamil ti bu sc'oplal chcac'beique, ja' li banamil ti bu chloc' ep ya'lel chu' vacax xchi'uc pome, ti ja' no'ox stuc toj c'upil sba ta scotole.

Números 26:64

Scotol li boch'otic te to'ox oyic c'alal la spasic tsactsacvun li Moisés xchi'uc Aarón ta xocol banamil Sinaie, me junuc mu'yuc xa te oyic li stuquique.

Números 26:65

Yu'un laj ono'ox yal Muc'ul Dios ti te chchamic scotolic ta xocol banamile. Ja' xa no'ox muc xcham li Caleb, xnich'on Jefone, xchi'uc li Josué, xnich'on Nune. Jech ja' xa no'ox te xchi'uquic li yantique.

Números 32:11

‘Scotol li boch'otic iloq'uic tal ta Egipto ti xlic ta jtob (20) sjabilalic c'alal ta moletique, mu'yuc ta xcac' chbat sq'uelic o c'u x'elan li banamil ti bu calojbeic ono'ox ta jamal li Abraham, Isaac, Jacob ti ta xcac'beique, yu'un muc j'ech'eluc jun yo'ntonic o ta jtojol.

Deuteronomio 1:8

Yu'un laj xa cac'boxuc ta ac'obic scotol li osil le'e. Ochanic batel; ich'ic li avosilique, ja' ti laj ono'ox calbe amoltotic Abraham, Isaac, xchi'uc Jacob ta vo'one ti chcac'beic xchi'uc smomnich'nabique’, xijyututic.

Hebreos 4:3

Yan li vu'utic ti laj xa jch'untique, chij'ochutic ti bu ta jcux co'ntontique, yu'un jech laj yal li Diose: “Ja' yu'un ta sc'ac'al co'nton laj cal ti j'ech'el mu x'ochic o ti bu caloj chcux yo'ntonique”, xi. Ac'o me jech laj yal li Diose, pero li yabtele ivu' ono'ox yu'un ti c'alal imeltsaj yu'un li banamile.