Números 14:21 - Bible in Tzotzil de Chenalhó with Deuterocanon

²¹ Pero oy ono'ox c'usi ta jpasbeic ta sventa ti vu'un cuxulun ta melele, xchi'uc ta sventa ti ech'em jxojobale.

Bible in Tzotzil de Chamula

²¹ Ja' no'ox un, ti jech cuxulun ta melele, ti jech ta xvinaj ti cutsilal ta scotol banomile,

Números 14:21 Iomraidhean Croise

Salmos 57:6

La syaquicun yalojic ti bu chijelove; ilaj xa jtsatsal yu'unic chca'ay; la sjoq'uic jun ch'en sventa te chi'och yalel yu'unic, pero ja' te ibalch'uj yalel stuquic.

Salmos 72:19

Ac'o ich'atuc ta muc' sbatel osil li xch'ul bie; ac'o nojuc ta slequilal scotol li banamile. Jech ac'o c'otuc ta pasel. Jechuc.

Éxodo 9:16

Pero li' to cuxulot cu'un, yu'un jech chcac'bot avil c'u x'elan li jvu'ele, yu'un jech ac'o vinajuc batel jbi ta scotol banamil.

Isaías 49:18

Toyo avil asat ta jujujot; le' xa xtalic li boch'otic tsutic tal ta atojole. “Vu'un li Muc'ul Diosun ti cuxulun oe, jech chcal ta jamal ta jbi jtuc: Scotol le'e ja' jech chc'otic ta atojol jech chac c'u cha'al ac'u' apoc' ti toj c'upilic sbae, jech chac c'u cha'al sc'u' spoc' jun tseb ti c'alal chnupine.

Isaías 6:3

Jech laj yalbe sbaic jujunic: “Ja' Ch'ul Dios, Ja' Ch'ul Dios, Ja' Ch'ul Dios li Muc'ul Dios ti ech'em svu'ele. Nojem ta slequilal scotol li banamile”, xiic.

Jeremías 22:24

Li Muc'ul Diose jech chalbe li Jeconías xnich'on Joacim, ajvalil ta Judae: “Vu'un ti cuxulune, ac'o me ja' jechot jech chac c'u cha'al yixtolal jbats'ic'ob ti ja' sventa jselloe, pero ta jipot loq'uel.

Ezequiel 18:3

Vu'un li Muc'ul Diosun ti cuxulun oe, vu'un li Avajvalicune, chcal ta jamal ti chlaj sc'oplal ta alel te ta Israel li lo'il le'e.

Ezequiel 20:36

jech chac c'u cha'al la jpasbeic te ta xocol banamil ta Egipto li amoltot ayame'ique. Vu'un chcal jtuc, vu'un li Muc'ul Diosune.

Ezequiel 33:11

Pero vu'un li Muc'ul Diosun ti avajvalicune, jech chcal ta jamal ta jbi: Mu jc'an ti te xcuchoj smul chcham li jpasmulile; ja' ta jc'an ti ac'o scomtsan li chopol be stamoje yu'un jech xu' chcuxi. Sutanic tal, sutanic tal ti bu chopol be atamojique. ¿C'u yu'un ti te no'ox avabinoj abaic chachamique, israeletic?’, uto.

Ezequiel 33:27

“Jech xavalbe ya'yic noxtoc: ‘Jech chal li Cajvaltique, ja' li Muc'ul Diose: Ta xcal ta jamal ta sventa jbi, scotol li boch'otic te to nacajtic ta lumetic ti jinesbilic xae ta xmilatic ta espada. Li boch'otic te oyic batel ta te'tique ta xlajic ta chonbolometic; li boch'otic snac'oj sbaic batel ta tsatsal nailch'entique ta xchamic ta tsatsal chamel.

Ezequiel 5:11

Vu'un li Muc'ul Diosun ti yajvalun scotole, jamal ta xcal ta jbi jtuc ti jech ta jpase. Yu'un laj asoquesbeic sc'oplal ch'ulna cu'un ta scoj li loc'ometic laj avich'ic ta muc' ti toj chopol chquile, xchi'uc ta scoj li c'usi toj chopol laj apasique, ja' yu'un chajlilinoxuc o ta j'ech'el ec; mu'yuc chajpasboxuc perdón; mu'yuc chajc'uxubinoxuc o.

Habacuc 2:14

Ta xnoj ta scotol banamil li boch'o chotquinbeic slequilal yutsilal Muc'ul Diose jech chac c'u cha'al vo' ti smacoj scotol li banamil ta nabe.

Sofonías 2:9

Ja' yu'un chcal ta jamal ta sventa jbi jtuc, vu'un li Cuxul Diosun yu'un Israele: Li Moabe ja' jech ta xcom jech chac c'u cha'al Sodoma; li Amone ja' jech ta xcom jech chac c'u cha'al Gomorra. Yavil ch'ixtic ta xcom, sloq'uem ats'am ta xcom; jeche' xch'ijan ta xcom o. Li scomelal jteclumale ja' ta xlic spojic scotol; li scomelal jteclumale ja' ta xu'uninic o”, xi li Diose.

Números 14:28

Ja' lec bat albo ya'yic achi'iltac li c'usi chcal li'i: ‘Vu'un li cuxul Muc'ul Diosune, jech jamal chcal. Ti c'u x'elan ca'yoj chavalique, ja' jech ta xcac' c'otuc o ta pasel.

San Mateo 6:10

Ac'o sta yorail chapas mantal, ac'o pasuc c'usi tsc'an avo'nton li' ta banamil jech chac c'u cha'al te ta vinajele.

Deuteronomio 32:40

Ta jtoy jc'ob ta vinajel; chcal ta jamal ti vu'un cuxulun o sbatel osile.