Números 14:2 - Bible in Tzotzil de Chenalhó with Deuterocanon

² Scotolic lic chopol c'opojicuc ta stojol li Moisés xchi'uc Aarone. Jech laj yalic: “Ja' lec ti teuc ono'ox chamcutic ta Egiptoe, xchi'uc ti li'uc chamcutic ta xocol banamile.

Bible in Tzotzil de Chamula

² Scotolic lic chopol c'opojicuc ta stojol ti Moisese xchi'uc ta stojol ti Aarón ti xi ta xalique: “¡Ti oc no'ox la ta alele teyuc lijchamotic ta Egiptoe, mi mo'oje, li'uc no'ox la ta sbajtical banomile!

Números 14:2 Iomraidhean Croise

1 Reyes 19:4

Jech te ibat ta xocol banamil; ja' jun c'ac'al ixanov batel. Te ic'ot chotluc ta yolon jpets mes te'. La sc'an ti te ac'o chamuque, jech laj yal: “¡Muc'ul Dios, li' no'ox c'alale, milun ta ora! Muc vu'cun toj lecun jech chac c'u cha'al li jmoltotaque”, xut li Muc'ul Diose.

Job 3:11

¿C'u yu'un mu teuc licham ta yut xch'ut li jme'e? ¿C'u yu'un muc xicham ta ora ti c'alal ja' to no'ox livoq'ue?

Salmos 106:24

Ts'acal lic sbajic noxtoc li lequil banamil ch-ac'batique; muc xch'unic li c'usi albilic ono'ox ta jamal yu'un Diose.

Salmos 106:25

Te ta scarpanaic iliquic ta bic'talvulajetel ta stojol li Muc'ul Diose; muc xch'unbeic li c'usitic laj yale.

Salmos 106:45

Yu'un it'ab ta yo'nton li c'usi xchapanoj ono'ox ta stojolique, jech lic c'uxubajuc ta yo'nton, yu'un toj ep c'uxubinel yu'un.

Éxodo 14:11

Jech laj yalbeic li Moisese: —¿Me yu'un mu'yuc muquinaltic te ta Egipto ti laj aloq'uesuncutic tal, ti li' tal chamcuncutic ta xocol banamil avu'une? ¿C'u yu'un ti jech laj apasbuncutique? ¿C'u yu'un ti laj aloq'uesuncutic tal ta Egiptoe?

Éxodo 15:24

Li israeletique te lic chopolc'opojicuc ta stojol li Moisese, jech la sjac'beic: “¿C'usi ta xcuch'tic?”, xutic.

Éxodo 17:3

Pero li israeletique taquin yo'ntonic, jech te chopol ic'opojic ta stojol li Moisese. Jech laj yalbeic: —¿C'u yu'un ti laj aloq'uesuncutic tal ta Egiptoe? ¿Me yu'un ja' no'ox li' tal amiluncutic ta taqui-o'nal xchi'uc calab jnich'nabcutic xchi'uc scotol li jts'unub covolcutique? —xutic.

Jonás 4:3

Ja' yu'un, Muc'ul Dios, ta jc'anbot vocol ti ac'o amilun ta orae, yu'un ja' lec chca'ay ti chichame; mu xa jc'an ti li' to cuxulune —xut.

Jonás 4:8

C'alal iloc' c'ac'ale, la stac tal tsots q'uixin ic' li Diose. Jech bats'i c'ux c'ac'al laj ya'ay li Jonase. Ic'ac' ta jyalel li sjole, jech ta xa x'alub laj ya'ay. Jech la snop ti ja' lec ac'o chamuc oe, jech laj yal: —Ja' lec ac'o xa chamcun; mu xa xnel chca'ay ti li' to cuxulune —xi.

Números 11:1

Li israeletique oy jun c'ac'al iliquic ta bic'talvulajetel ta stojol Muc'ul Dios ta sventa ti oy svocolique. C'alal laj ya'ay li Muc'ul Diose, tsots i'ilin ta stojolic, jech la stac tal c'oc'; ic'ac' sjoylijil sti'ti' ti bu spasoj scarpanaique.

Números 11:15

Me jech vu'un chavac'bun o jventain batele, ja' lec pojbun jch'ulel me ta melel c'uxun ta avo'ntone yu'un jech mu xa me xquil li epal vocoletique —xi li Moisese.

Números 11:5

Tsna' xa co'ntontic ya'yel li choy ti la jti'tic te ta Egipto ti ta jmotontic lij'ac'bate. Jech noxtoc lec la jtatic ta lo'el pepino, melón, tomal cebolla, jol cebolla xchi'uc axuxetic.

Números 14:1

Jech scotol li israeletique lic avanicuc. Sbejel ac'ubal puru oq'uel la spasic.

Números 14:22

Scotol li boch'otic laj xa yilic jtsatsale, xchi'uc ti laj yilic li senyail la jpas te ta Egipto xchi'uc ta xocol banamile, xchi'uc ti ep xa ta velta ja' no'ox la sq'uelbicun c'u x'elan co'ntone, ti mu xch'unic li jmantale,

Números 16:13

¿Me yu'un mu'yuc tsots sc'oplal ta avo'nton ti laj aloq'uesuncutic tal ta jun banamil ti bu ta xloc' ep ya'lel xchu' vacax xchi'uc pom jech chac c'u cha'al chloc' vo'e? ¿Me yu'un chac'an li' chavac' chamcuncutic ta xocol banamil? Xchi'uc ¿me yu'un chac'an ti vo'ot no'ox banquilal jpasmantalot cu'uncutique?

Números 16:41

Ta yoc'omal lic chopolc'opojicuc ta stojol Moisés xchi'uc Aarón scotol li israeletique. Jech laj yalbeic: —Vo'oxuc laj amilic li xnich'nabtac Muc'ul Diose —xiic.

Números 17:6

Li Moisese ja' jech lic yalbe scotol li xchi'iltac ta israelale. Jech laj yich'ic tal jujuch'ix snamte'ic li banquilaletic yu'unic ta jujuchope. Ja' lajcha'ch'ix namte'al ic'ot ta scotol. Te oy ec li snamte' Aarone.

Números 20:2

Ta sventa ti mu'yuc vo' yuch'ic scotol li israeletique, jech jmoj la stsob sbaic tal scotolic; tal scontrainic li Moisés xchi'uc Aarone.

Números 20:3

Jech laj yalbeic li Moisese: —Ja' lec ti co'oluc chamcuncutic jchi'uc li yantic jchi'iltactic ti ichamic ta stojol Muc'ul Diose.

Números 20:4

¿C'u yu'un ti laj aviq'uic tal li' ta xocol banamil li xnich'nabtac Muc'ul Diose? ¿Me yu'un chac'anic ti co'ol li' chichamcutic jchi'uc li jts'unub covolcutique?

Números 21:5

jech te lic chopolc'opojicuc ta stojol li Diose xchi'uc ta stojol li Moisese. Jech laj yalic: —¿C'u yu'un ti laj avic'uncutic loq'uel tal ta Egiptoe? Yu'un li' xa chichamcutic ta xocol banamil avu'un. Yu'un mu'yuc vo' chcuch'cutic, xchi'uc mu'yuc jve'elcutic. I'ech' xa co'ntoncutic yu'un li ve'lil li'i —xiic.

1 Corintios 10:10

Mu me xabic'talvulajeticuc jech chac c'u cha'al la spasique. Yu'un ital tsots chamel ta stojolic, te ichamic o.

Deuteronomio 1:27

Lic ajapuic bic'talvulajetel te ta anaic. Jech laj avalic: ‘Li Muc'ul Diose laj xa sbajutic. Ja' no'ox la sloq'uesutic tal ta Egipto, tal yac'utic ta sc'ob li amorretique yu'un ac'o yulesutic o ta j'ech'el.

Deuteronomio 9:23

Xchi'uc c'alal laj yalboxuc ti ac'o xa loc'anic tal ta Cades-barnea yu'un ac'o bat avich'ic li banamil ti bu sc'oplal chayac'boxuque, muc xach'unic noxtoc. Laxi'ic; muc xach'unic ti xu' yu'un chascoltaoxuque.

Hebreos 3:16

¿Boch'o sc'oplalic ti laj ya'yic ic'opanatic yu'un Diose, ti ja' no'ox la scontrainique? ¿Me mu ja'uc sc'oplalic scotol li israeletic ti iloq'uesatic tal ta Egipto yu'un Moisese?

Judas 1:16

Li jlo'lavanejetic le'e mu'yuc c'usi lec chilic. Ta puru sa'sa'c'op oyic o; mu'yuc c'usi lec cha'yic o. Ja' no'ox tsa'ic li c'usi tsc'an sbec'talique. Tstoy sba xchi'uquic li c'usi chalique; ven lec xa xc'opojic ta stojol cristianoetic yilel sventa tsa'ic li c'usi tsc'an stuquique.