Números 14:19 - Bible in Tzotzil de Chenalhó with Deuterocanon

¹⁹ Pero ta sventa ti toj ep slequil avo'ntone, pasbo perdón yu'un smulic li jchi'iltac li'i, yu'un lic ono'ox ats'icbe tal c'u x'elan stalelic te ta Egipto xchi'uc c'alal to li' yo' bu oyuncutique —xi li Moisese.

Bible in Tzotzil de Chamula

¹⁹ Yu'un ti jech ech'em xc'uxul avo'ntone, ch'aybo ti xchopolalic ti jteclum li'e. Yu'un ts'ic xa talel avu'un ti staoj o yav ti c'u s'elan stalelic ti loq'uic talel ta Egiptoe, ti jech to yacalic ti bu xa xtalic avi tana li'e.

Números 14:19 Iomraidhean Croise

Éxodo 34:9

Jech laj yal: —Cajval, Cajval, me ta melel lec chavilune, bat chi'inuncutic jchi'uc li jchi'iltaque. Ac'o me toj tsots yo'ntonic ta melel li jchi'iltaque, pasbuncutic perdón li jmulcutique li jchopolilcutique. Ic'uncutic ta mero anich'on —xut.

Salmos 78:38

Pero li Diose ja' jc'uxubinvanej o, jech ipasbatic perdón li smulique; muc j'ech'eluc x'ulesatic o. Li Diose ep velta la sts'ic li sc'ac'al yo'ntone; muc j'ech'eluc x'ilin o ta stojolic.

Salmos 106:45

Yu'un it'ab ta yo'nton li c'usi xchapanoj ono'ox ta stojolique, jech lic c'uxubajuc ta yo'nton, yu'un toj ep c'uxubinel yu'un.

Éxodo 32:32

Ja' yu'un ta jc'anbot vocol ti ac'o apasbe perdón yu'un li smulique. Yan me mu xach'aybe ta avo'nton li smulique, vu'un xatu'pbun jbi ta vun ti te tsacal avu'une —xut.

Santiago 5:15

Me oy xch'unojel yo'nton ta sc'opan Diose, ta xcol li jchamele, yu'un ja' ta stsatsubtasat yu'un li Cajvaltique. Me oy smul li boch'o icole, ta spasbat perdón noxtoc.

Miqueas 7:18

Mu'yuc yan Dios jech chac c'u cha'al vo'ot, ti chapasbe perdón, ti chach'aybe ta avo'nton smulic li scomelal ateclumale. Muc teuc no'ox stsoq'uet o avo'nton ta stojol, yu'un ja' oy ta avo'nton li c'uxubinvaneje.

Jonás 4:2

Te lic sc'opan Dios, jech laj yal: —Muc'ul Dios, ja' xa'ox jech c'an calbot ti c'alal te oyun ta cosilale. Ja' ta scoj ti chijatov ox batel ta Tarsise. Yu'un jna'oj ti toj lec avo'ntone, ti toj ep c'uxubinel avu'une, xchi'uc jna'oj ti muc ta aniluc cha'iline, ti toj ep slequil avo'ntone, xchi'uc ti chlecub avo'nton, ti mu'yuc chavac'be stoj li smulique.

Jonás 3:10

C'alal laj yil Dios li c'usi la spasique, ti la sutes yo'ntonic ta sventa li c'usitic chopol tspasique, jech lic lecubuc yo'nton ta stojolic, muc spasbe o li c'usi snopoj xa'ox tspasbee.

Daniel 9:19

Cajval, a'ibun li jc'ope. Cajval, pasbuncutic perdón. Tuc'ulanbun li jc'ope Cajval. Paso no'ox ta ora; mu xa me xamala jal, yu'un jech ac'o ich'atuc ta muc' li abie. Yu'un li abie ja' te ch-ich'at ta muc' ta lum avu'un xchi'uc ta stojol li ateclumale’, xichi ta stojol li Diose.

Isaías 55:7

Vo'oxuc li jpasmuliloxuque, comtsanic li be atamojique; vo'oxuc ti ep sbolil avo'ntonique, comtsanic li c'usi chopol chanopique. Sutanic tal ta stojol li Muc'ul Diose, yu'un li stuque toj ep c'uxubinel yu'un; li Dios cu'untique toj ep perdón yu'un.

1 Reyes 8:34

a'ibo sc'opic c'alal ta vinajel. Pasbo perdón li smulique. Ac'o me suticuc ta yosilalic ti bu avac'ojbe ono'ox jmoltotacutic ta vo'onee.

Éxodo 33:17

Itac'ov li Muc'ul Diose: —Xu' ta jpas li c'usitic laj avalbune yu'un lec chaquilot ta melel, xchi'uc jpatoj co'nton avu'un —xi.

Números 23:21

Mu'yuc boch'o yilojbe yepalc'opic xchi'uc xchopolilic li Israel xnich'nabtac Jacobe. Li Muc'ul Dios yu'unique, te oy ta stojolic. Li stuquique chich'ic ta muc' jech c'u cha'al jun ajvalil.

Salmos 85:2

Laj apasbe perdón yu'un smulic li ateclumale; laj atu'pbe scotol ti c'u yepal smul staojique.

Habacuc 3:2

Muc'ul Dios, laj ca'ay lec ac'oplal; chquich' ta muc' li avabtele. Ti c'alal li' to cuxuluncutique, paso me li avabtele; ac'bun quilcutic ti c'alal li' to oyuncutique. C'alal yorail cha'iline, mu me xach'ay li xc'uxul avo'ntone.

Amós 7:2

Ts'acal to, c'alal lajubal xa'ox ta lo'el ts'i'laltic yu'un li c'ulubetique, jech laj calbe: —Cajval, Muc'ul Dios, pasbuncutic perdón, mu xcuch yu'unic li smomnich'nabtac Jacobe, yu'un solel mu'yuc stsatsalic —xcut.

Amós 7:5

Jech laj calbe: —Cajval, Muc'ul Dios, pajeso li c'oq'ue. Mu xcuch yu'unic li smomnich'nab Jacobe, yu'un solel mu'yuc stsatsalic —xcut.