Números 14:18 - Bible in Tzotzil de Chenalhó with Deuterocanon

¹⁸ ti muc ta aniluc cha'iline, ti toj ep slequil avo'ntone, ti chach'aybe ta avo'nton smulic li jpasmuliletique xchi'uc li boch'otic tstoy sbaic ta atojole. Ta jna' noxtoc ti ma'uc yu'un mu'yuc chavac'be o stoj smulic li boch'otic tsa' smulique. Ta ono'ox xavac'be stoj smulic, xchi'uc chavac'be xcuch c'alal to ta yoxc'olal xchanc'olal yalab xnich'nabic.

Bible in Tzotzil de Chamula

¹⁸ ti mu xana' xacap ta anile, ti jelavem ti xc'uxul avo'ntone, ti xana' xatub ti toyobbaile, ti c'usi chopole, ac'o mi ta ono'ox xavac'be stoj ti buch'u chopole. Yu'un ta ono'ox xavac'be stoj smulic ti totil me'ile, ti ta sta ta maquiel xtoc ti nich'nabile, ti momiletique, ti yialmomiletique, ti smomic xtoc ti yialmomiletique.

Números 14:18 Iomraidhean Croise

Nehemías 9:17

Muc stuc'ulanic, muc svules ta sjolic li atsatsal avu'el laj apas ta stojolique. Ja' no'ox la spas ta tsots yo'ntonic, ta stoyobbailic la sva'anic jun banquilal yu'unic sventa ch-ic'atic sutel yan velta ta Egipto ti bu ochemic to'ox ta mozoile. Pero vo'ot li Diosot ti oy perdón avu'une, ti vocol chlic sc'ac'al avo'ntone, ti ja' toj ep li c'uxubinel avu'une, jech muc xajip comel ta avo'nton.

Job 21:19

Li vo'oxuque chavalic ti ja' tstojbe smul stot sme'ic li alab nich'nabetique, pero tsc'an ja' tstoj smul stuc li boch'o chopolique, yu'un jech ac'o yotquin.

Salmos 103:8

Li Muc'ul Diose ja' jc'anvanej, ja' jc'uxubinvanej stuc; c'unc'un chlic sc'ac'al yo'nton, ja' toj muc' li c'uxubinel yu'une.

Salmos 108:4

Yu'un toj muc' li c'uxubinel avu'une, xjelov to smuc'ul jech chac c'u cha'al li vinajele; staoj c'alal to vinajel li c'usi melel chavale.

Salmos 109:14

Ac'o t'abuc ta yo'nton Muc'ul Dios c'usi chopol spasoj li stote, xchi'uc mu me teuc no'ox xch'ay smul li sme'e.

Salmos 145:8

Li Muc'ul Diose toj muc' yo'nton, toj ep c'uxubinel yu'un; mu sna' xlic sc'ac'al yo'nton ta ora, yu'un ja' toj muc' li c'uxubinel yu'une.

Salmos 78:38

Pero li Diose ja' jc'uxubinvanej o, jech ipasbatic perdón li smulique; muc j'ech'eluc x'ulesatic o. Li Diose ep velta la sts'ic li sc'ac'al yo'ntone; muc j'ech'eluc x'ilin o ta stojolic.

Salmos 86:15

Pero li vo'ote Cajval, Dios cu'un, atalel jc'uxubinvanejot, toj lec avo'nton, toj c'unc'un chlic sc'ac'al avo'nton; ja' toj muc' li c'uxubinel avu'une, xchi'uc puru melelic li ac'ope.

Éxodo 20:5

Mu me xaquejan abaic ta stojol; mu me xavich'ic ta muc'. Yu'un vu'un jtuc Muc'ul Diosun avu'unic, vu'un Diosun ti toj it'ix co'nton me yan c'usi chavich'ic ta muq'ue. Li boch'o mu xiyich'un ta muq'ue ta xcac'be xcuch smulic c'alal to xchanc'olal smomnich'nabic.

Éxodo 20:6

Pero li boch'o chiyich'un ta muq'ue, me chch'unbun jmantale, ep c'ux ta co'nton, ac'o me c'alal to jmil (1,000) ta c'ol smomnich'nabic.

Jeremías 23:2

Ja' yu'un li Muc'ul Diose, ja' li Dios yu'un Israele, jech chal ta sventa li jchabichijetic ti ja' chchabibeic steclumale: “Vo'oxuc laj apuquic batel li jchijtaque; vo'oxuc laj asibtasic batel, yu'un muc xachabiic lec. Ja' yu'un ta xcac'boxuc atoj amulic ta scoj ti chopol avabtelique. Jech chcal vu'un li Muc'ul Diosune.

Jeremías 32:18

Jech noxtoc toj c'ux ta avo'nton ep ta mil cristianoetic, xchi'uc chavac'be svocol alab nich'nabetic ta scoj smul stot sme'ic noxtoc. ¡Vo'ot muc'ul Diosot, toj ech'em avu'el atsatsal! Ja' Muc'ul Dios, ja' tspas ta mantal scotol te ta vinajel, xi li abie.

Lamentaciones 5:7

Li jtot jme'cutique la sa' smulic, jech ichamic; vu'uncutic la jcuchbecutic comel li smulique.

Jonás 4:2

Te lic sc'opan Dios, jech laj yal: —Muc'ul Dios, ja' xa'ox jech c'an calbot ti c'alal te oyun ta cosilale. Ja' ta scoj ti chijatov ox batel ta Tarsise. Yu'un jna'oj ti toj lec avo'ntone, ti toj ep c'uxubinel avu'une, xchi'uc jna'oj ti muc ta aniluc cha'iline, ti toj ep slequil avo'ntone, xchi'uc ti chlecub avo'nton, ti mu'yuc chavac'be stoj li smulique.

Miqueas 7:18

Mu'yuc yan Dios jech chac c'u cha'al vo'ot, ti chapasbe perdón, ti chach'aybe ta avo'nton smulic li scomelal ateclumale. Muc teuc no'ox stsoq'uet o avo'nton ta stojol, yu'un ja' oy ta avo'nton li c'uxubinvaneje.

Números 14:17

Ja' yu'un, Cajval cu'un, li' ta orae ac'o ta ilel li avu'el jech chac c'u cha'al avaloj ono'oxe. Yu'un avaloj

Números 23:21

Mu'yuc boch'o yilojbe yepalc'opic xchi'uc xchopolilic li Israel xnich'nabtac Jacobe. Li Muc'ul Dios yu'unique, te oy ta stojolic. Li stuquique chich'ic ta muc' jech c'u cha'al jun ajvalil.

Romanos 5:21

Jech chac c'u cha'al laj yu'uninutic li mulil, yu'un jech ac'o chamcutic jcotoltique, ja' jech ac'o yu'uninutic noxtoc li slequil yo'nton Diose, yu'un jech ac'o cuxicutic jcotoltic ta sventa li Jesucristoe, ja' li Cajvaltique.

Deuteronomio 5:10

Yan li boch'o chiyich'un ta muq'ue, me chixch'unbun jmantale, ja' c'ux ta co'nton ac'o me ep ta mil ta c'ol smomnich'nabic.

Deuteronomio 5:9

Mu me xaquejan abaic ta stojol. Mu me xavich'ic ta muc' yu'un jtuc no'ox Muc'ul Diosun avu'unic. Vu'un Diosun ti toj it'ix co'nton me oy c'usi yan chavich'ic ta muq'ue. Yu'un me mu xavich'icun ta muq'ue, ta me xcac'boxuc atoj amulic li vo'oxuque xchi'uc c'alal to ta xchanc'olal amomnich'nabic.

Deuteronomio 7:10

Yan li boch'otic tscontrainic Diose, ta xules scotol. Chac'be stojol li c'usi tspasique. Ta ora no'ox chac'be stoj c'usi tspasic li boch'otic mu xich'ic ta muq'ue.

Deuteronomio 7:9

Ja' yu'un na'ic me ti ja' mero Dios stuc li Muc'ul Dios cu'untique. Jayc'oluc cristianoetic chjelov, me tsc'anic li Diose, me chch'unbeic smantaltaque; li Muc'ul Diose mu sjel yo'nton o. Persa chac' c'otuc ta pasel ta stojolic li c'usi xchapanoj ono'oxe.