Números 14:12 - Bible in Tzotzil de Chenalhó with Deuterocanon

¹² Ta jtac tal jun tsatsal chamel ta stojolic yu'un ac'o chamicuc o, yu'un jech mu me xich'ic o li osile. Pero li vo'ote ta xcac' licuc jun muc'ta lum ta aventa, lec tsots ta xbatic. Li achi'iltaque mu'yuc c'usi xu' yu'unic o —xi li Muc'ul Diose.

Bible in Tzotzil de Chamula

¹² Ta xcac' taluc jtsutsesvanej chamel ta stojolic yo' jech ta xmacatic ta be ta yu'ninel ti banomil taje. Yan ti vo'ote ta xa'epajic cu'un yo' jech ta xac'otic ta jun muc' ta jteclum ti x'ech' to xu' avu'unique, ti ja' mu sta ti stuquique.

Números 14:12 Iomraidhean Croise

2 Samuel 24:1

Li Muc'ul Diose lic ilinuc yan velta ta stojol li israeletique, ja' yu'un laj yac'be sna' David ti ac'o stsac ta vun scotol li xchi'iltaque, yu'un jech ac'o sta svocolic.

Éxodo 32:10

¡Ja' yu'un li' ta orae tsots chi'ilin ta stojolic! ¡Mu me c'usi xal avo'nton, yu'un ta xcules scotolic! Vo'ot xa no'ox ta aventa xu' ta jliques jun muc'ta lum —x'utat.

Éxodo 5:3

Li stuquique jech laj yalbeic: —Li Dios cu'uncutic, vu'uncutic li israeluncutique, talem snupuncutic ta be. Jech te chibatcutic ta xocol banamil, ja' oxib c'ac'al sbelal, yu'un te chbat jmilbecutic smoton li Muc'ul Dios cu'uncutique. Yu'un jech mu xismiluncutic ta tsatsal chamel, o me ta espada —xutic.

Ezequiel 20:13

Pero li smomnich'nab Israele la stoy sbaic ta jtojol te ta xocol banamil. Muc ja'uc la xch'unic li jmantaltaque; la sbajic li chanubtaseletic cu'un ti sc'oplal xu' tsta o xcuxlejalic li boch'o ta xch'unique. Li sc'ac'alil cuxub o'ntonal cu'une la sbolibtasic ta jyalel. Ja' yu'un laj calbeic ti ta jmal ta stojolic li sc'ac'al co'ntone, ti ta xculesic o te ta xocol banamile.

Levítico 26:25

Ta jtac tal boch'otic chasmiloxuc; ja' spacol ta sventa ti mu xach'unic li c'usi chapanbil cu'une. Ac'o me chbat anac' abaic ta lumetic avu'unic, pero ta jtac tal chamel ta atojolic; xchi'uc chacac'oxuc o ta sc'ob li avajcontraique.

Números 25:9

Pero ichamic xa'ox chanib xcha'vinic (24,000) ta mil ta scotol.

Deuteronomio 28:21

Li Muc'ul Diose ta stacboxuc tal c'ac'al chamel ta atojolic; ja' chayulesoxuc acotolic te ta avosilalic ti bu chavich'ique.