Números 14:11 - Bible in Tzotzil de Chenalhó with Deuterocanon

¹¹ Li Muc'ul Diose jech laj yalbe li Moisese: —¿Baq'uin to chlic lecubuc yo'ntonic ta jtojol li cristianoetic li'i? ¿Baq'uin to chlic xch'unic lec?, yu'un ep xa sq'uelubil jtsatsal la jpas ta stojolic.

Bible in Tzotzil de Chamula

¹¹ Jech o xal ti Diose xi laj yalbe ti Moisese: —¿C'usi to ora ta spajes sbaic ta sbajelun ti jnaclejetic li'e? ¿C'usi to ora ta spajes sbaic ti xna'etic ta jtojole, manchuc mi laj xa yilic ti jlequilal cutsilal ta stojolique?

Números 14:11 Iomraidhean Croise

Salmos 106:24

Ts'acal lic sbajic noxtoc li lequil banamil ch-ac'batique; muc xch'unic li c'usi albilic ono'ox ta jamal yu'un Diose.

Salmos 78:22

Yu'un muc xich'ic ta muc' li Diose; muc xch'unic ti ja' chcoltaatic yu'une.

Salmos 78:32

Ac'o me jech ipasbatic, pero yo'to la sa' ep smulic; muc xich'ic ta muc' li sq'uelubil stsatsal Dios laj yac' ta ilele.

Salmos 95:8

“Mu me xatsatsubtas avo'ntonic, jech chac c'u cha'al la spasic te ta Meriba ti c'alal ja'o yorail te oyic ta Masah ta xocol banamile.

Éxodo 10:3

Jech li Moisés xchi'uc Aarone ibatic ta stojol li faraone. Jech laj yalbeic: —Jech chayalbot li Muc'ul Diose, ja' li Dios yu'un hebreoetique: ‘¿Baq'uin to chabic'tajes aba ta jtojol? Coltabun batel li jteclum cu'une yu'un chbat yich'icun ta muc'.

Éxodo 16:28

Ja' yu'un li Muc'ul Diose jech laj yalbe li Moisese: —¿Baq'uin to chlic ach'unic li jmantaltaque xchi'uc li c'usitic yan calojboxuque?

Éxodo 23:21

Mu me xavoc' abaic ta stojol; a'ibeic me li sc'ope. Mu me xabajbeic smantal, mu'yuc me xaspasboxuc perdón me laj ata amulique, yu'un ja' ta jventa ti ch-abteje.

Éxodo 32:9

Li Muc'ul Diose jech to laj yalbe li Moisese: —Li achi'iltaque, laj xa quil ti stalelic toj tsots yo'ntonique.

Proverbios 1:22

Jech ta xal li bijubtasele: “Vo'oxuc ti mu c'usi xana'ique, ¿me lec no'ox chava'yic ti jech oyoxuc oe? Vo'oxuc li jlabanvanejoxuque, ¿baq'uin to chacomtsanic li labanvaneje? Vo'oxuc ti boloxuque, ¿baq'uin to chacomtsanic sna'leel li chanubtasele?

Jeremías 13:10

Li chopol cristianoetic li'i, ti mu sc'an xa'ibicun jc'ope, ti ja' lec cha'yic o spasel li c'usi lec cha'ay stuquique, ti ja' bat yich'ic o ta muc', bat tunicuc yu'un, bat squejan sbaic ta stojol li yantic diosetique, ja' jech ta xc'otic jech chac c'u cha'al li achuc li'i ti mu'yuc xa c'usi stu oe.

Jeremías 4:14

Jerusalén, ac'o ta poquel li sbolil avo'ntone, ja' no'ox jech xu' chacol. ¿Baq'uin to chaloq'ues ta atojol li c'usi chopol ta nopele?

Ezequiel 20:13

Pero li smomnich'nab Israele la stoy sbaic ta jtojol te ta xocol banamil. Muc ja'uc la xch'unic li jmantaltaque; la sbajic li chanubtaseletic cu'un ti sc'oplal xu' tsta o xcuxlejalic li boch'o ta xch'unique. Li sc'ac'alil cuxub o'ntonal cu'une la sbolibtasic ta jyalel. Ja' yu'un laj calbeic ti ta jmal ta stojolic li sc'ac'al co'ntone, ti ta xculesic o te ta xocol banamile.

Oseas 8:5

Samaria, toj chopol chquil li sloc'obal ch'ium vacax laj avich' ta muq'ue. Bats'i ilinemun ta sventa, yu'un mu xalecubic yu'un.

Zacarías 8:14

Jech chal noxtoc li Muc'ul Dios ti tspas ta mantal scotol te ta vinajele: “Jech chac c'u cha'al la jnop ti chopol c'usi la jpasbe li amoltot ayame'ic ti c'alal la sa'bicun sc'ac'al co'ntone, laj ono'ox jpas.

Números 14:23

le'e me junuc mu'yuc chbat sq'uelic c'u x'elan li osil yo' bu caloj ono'ox chcac'beic li smoltotaquic ta vo'onee. Li boch'o chopol laj yilicune, me junuc mu'yuc ta xilic.

Números 14:27

—¿Baq'uin to xu' chlaj ts'icumal cu'un ta stojol li achi'iltac ta israelal ti ep ta xchopolc'opojic ta jtojole? Yu'un ca'yoj ti ep c'usi chopol chalic ta jtojole.

Números 32:10

Ja' yu'un li Muc'ul Diose tsots i'ilin ta stojolic ti c'alal jech la spasique, jech laj yal ta jamal:

San Mateo 17:17

Li Jesuse jech laj yal: —Vo'oxuc ti li' oyoxuc ta orae, mu xac'an xach'unic, solel ch'ayemoxuc. Ep xa c'ac'al li' jchi'ucoxuc. Ep xa c'ac'al la jts'icboxuc ti c'u xa'elanique. Iq'uic tal li quereme —xi.

Marcos 9:19

Itac'ov li Jesuse: —Toj tsots avo'ntonic, vo'oxuc ti li' oyoxuc ta banamile mu xac'an xach'unic. Ep xa c'ac'al li' jchi'inojoxuc, ep xa c'ac'al la jts'icboxuc ti c'u xa'elanique. Iq'uic tal li quereme —xi.

San Juan 10:38

Pero me ja' yabtel ta jpasbe chavilique, ac'o me mu xach'unicun li vu'une, ch'unic ta sventa li cabtel ta jpase, yu'un jech chana'ic o ti li' oy ta jtojol li Jtote, xchi'uc ti oyun ta stojol eq'ue —xi li Jesuse.

San Juan 12:37

Ac'o me ep sq'uelubil stsatsal la spas li Jesuse, pero muc ono'ox xch'unic ti ja' Jcoltavaneje.

San Juan 15:24

Ti mu'yucuc la jpas sq'uelubil jtsatsal ta stojolic ti mu'yuc boch'o yan xu' yu'un jech tspase, mu'yuc smulic ti jechuque. Pero li' ta orae laj xa yilic, pero la sbajicun, xchi'uc laj xa sbajic li Jtote.

Deuteronomio 1:32

Ac'o me jech laj calboxuc, pero muc ono'ox xc'ot ta avo'ntonic ti ja' chascoltaoxuc li Muc'ul Diose, ja' li Dios cu'untique;

Hebreos 3:16

¿Boch'o sc'oplalic ti laj ya'yic ic'opanatic yu'un Diose, ti ja' no'ox la scontrainique? ¿Me mu ja'uc sc'oplalic scotol li israeletic ti iloq'uesatic tal ta Egipto yu'un Moisese?

Hebreos 3:18

¿Boch'o sc'oplalic ti laj yal ta jamal Dios ti jbel sc'oplal mu x'ochic o bu sc'oplal chcux yo'ntonique? Ja' sc'oplalic noxtoc li boch'otic muc xch'unic c'usi i'albatic yu'un Diose.

Hebreos 3:8

mu me xatsatsubtas avo'ntonic, jech chac c'u cha'al la spasic te ta xocol banamil ta vo'one ti c'alal la sq'uelbeic yo'nton Diose.