Números 14:10 - Bible in Tzotzil de Chenalhó with Deuterocanon

¹⁰ C'alal ja'o jech chalique, scotol li israeletique tsc'an chac'beic ox ton. Jech te lic vinajuc xojobal Muc'ul Dios ta ch'ulna pasbil ta nucul ta stojol scotol li israeletique.

Bible in Tzotzil de Chamula

¹⁰ Ac'o mi jech taj une, ti jnaclejetique ja' xa no'ox ta spujic ya'iic ton ta j'ech'el. Ja' yu'un un, ti c'alal jech taje, laj svinajes yutsil slequilal ti Dios ta sba ta satic scotol ti israeletic ta Axibalna ti bu nupel ta bee.

Números 14:10 Iomraidhean Croise

Éxodo 16:10

C'alal ja'o te chchi'in ta lo'il scotol xchi'iltac li Aarone, scotolic la sq'uelic batel ta xocol banamil; te laj yilbeic xojobal ta jvol toc li Muc'ul Diose.

Éxodo 16:7

Sob oc'ome chavilbeic slequilal li Muc'ul Diose, yu'un laj ya'ay ti chachopolc'opojic ta stojole. Li vu'uncutique ¿c'usi xu' cu'uncutic ec ti chachopolc'opojic ta jtojolcutique? —xut.

Éxodo 17:4

Ja' yu'un li Moisese tsots la sc'anbe vocol li Muc'ul Diose, jech laj yalbe: —¿C'usi ta xcut li jchi'iltaque? ¡Yu'un jutuc xa muc chismilicun ta ton! —xut.

Éxodo 40:34

li ch'ulna pasbil ta nucule ital pixatuc ta toc, jech inoj ta xojobal Muc'ul Dios li yut ch'ulnae.

Levítico 9:23

Li Moisés xchi'uc Aarone i'ochic batel ta yut li ch'ulna pasbil ta nucule. C'alal iloq'uic tale, laj yac'beic bendición li xchi'iltaquique. Li Muc'ul Diose te laj yac' sba ta ilel xchi'uc tsots xojobal ta stojol scotol li israeletique:

Números 16:19

Li Coree stsoboj xa tal scotol te ta stuq'uil ti'ch'ulna li xchi'iltaquic ta israelale yu'un tscontrainic li Moisés xchi'uc Aarone. Te ivinaj xojobal Muc'ul Dios ta stojol scotol li israeletique.

Números 16:42

C'alal te tsobol scotol israeletic ta scontrainel li Moisés xchi'uc Aarone, la sq'uelic batel li ch'ulna pasbil ta nucule. Laj yilic imac ta toc, xchi'uc te ivinaj xojobal li Muc'ul Diose.

Números 17:7

Li Moisese te bat yac' ta stojol Muc'ul Dios ta yut ch'ulna pasbil ta nucul li namte'aletique.

Números 20:6

Li Moisés xchi'uc Aarone iloq'uic batel ta stojol li xchi'iltaquique. Ibatic ta ti'ch'ulna pasbil ta nucul; te c'ot spatan sbaic ta banamil. Te ivinaj xojobal Muc'ul Dios ta stojolic.

San Mateo 23:37

“¡Jerusalén, Jerusalén, vo'ot ti atalel o chamil li yaj'alc'optac Diose, ti chavac'be ton li boch'otic tacbilic tal yu'un Dios li' ta atojole! Pero ep xa velta ta jc'an ta jtsob jnaclumetic avu'un jech chac c'u cha'al ta stsob yol ta yolon xic' jcot me'caxan, pero muc xac'anic.

Hechos 7:52

¿Me oy j'alc'opetic mu'yuc la scontrainic li amoltotic ta vo'onee? La smilic scotol li boch'otic laj yalic ti ta to xtal li Boch'o tuc' yo'ntone. Ja' ti laj avaq'uic ta c'abal, ti laj amilic ec li vo'oxuque.

Hechos 7:59

C'alal ja'o chac'beic tone, la sc'opan Dios li Estebane, jech laj yal: “Cajval Jesús, ic'bun jch'ulel”, xi.

1 Samuel 30:6

Li Davide ep laj yat yo'nton, yu'un laj ya'ay ti tsc'an xa ch-ac'bat ton yu'un li svinictaque yu'un abul sba cha'yic ti ichucbatic batel xnich'nabique. Li Davide ja' xa no'ox la xch'un ti chcoltaat yu'un li Muc'ul Dios yu'une.