Números 13:8 - Bible in Tzotzil de Chenalhó with Deuterocanon

⁸ Li yane ja' Oseas, xnich'on Nun, liquem ta jchop yu'un Efraín.

Bible in Tzotzil de Chamula

⁸ Ta sventa ti jvoc' snitilul ti Efraine, ja' ti Oseas xnich'on ti Nune.

Números 13:8 Iomraidhean Croise

1 Crónicas 7:27

Nun sbi; li Nune inich'naj, Josué sbi.

Éxodo 24:13

Li Moisese imuy batel te ta vits yu'un li Diose. La xchi'in muyel li Josuee, ja' li scoltaubbail ta abtele.

Éxodo 32:17

C'alal laj ya'ay Josué ti toj tsots ch-avanic li xchi'iltaquique, jech laj yalbe li Moisese: —Toj tsots ch-avanic; liquem pleito yu'unic te ta carpanaetic ya'yel —xut.

Números 11:28

Ja' yu'un li Josué, xnich'on Num, ti ta sbic'tal ono'ox lic scolta tal ta abtel li Moisese. Jech laj yal: —Cajval Moisés, pajeso yu'un mu me spasic jech —xi.

Números 13:16

Scotol le'e ja' itacatic batel yu'un Moisés yu'un bat sq'uelic c'u x'elan li banamile. Li Oseas, xnich'on Nune, la sjel li sbie, ja' xa Josué ic'ot sbi.

Números 13:7

Li yane ja' Igal, xnich'on Jos, liquem ta jchop yu'un Isacar.

Números 13:9

Li yane ja' Palti xnich'on Rafú, liquem ta jchop yu'un Benjamín.

Deuteronomio 31:14

Li Muc'ul Diose jech laj yalbe li Moisese: “Q'uelavil, li vo'ote po'ot xa tsta yorail chacham. Ja' yu'un ic'o batel achi'in li Josué te ta ch'ulna pasbil ta nucule yu'un te ta xcac'be yabtel”, xut. Li Moisés xchi'uc Josuee ibatic ta ch'ulna pasbil ta nucul.

Deuteronomio 31:23

Li Muc'ul Diose lic yalbe mantal noxtoc li Josué, ja' li xnich'on Nune, jech laj yalbe: “Tsotsan me, mu me xaxi'. Yu'un vo'ot chavic' ochel scotol achi'iltac ta israelal te ta banamil ti bu caloj ono'ox chcac'beique. Oyuc me stsatsal avo'nton, vu'un chajchi'inot”, xut.

Deuteronomio 32:44

Li Moisés ti la sva'an sba ta stojol scotol xchi'iltac ta israelal xchi'uc li Josué, xnich'on Nune, li q'ueoj la sq'uejintae, la sliques ta sliqueb c'alal ta slajeb.

Deuteronomio 34:9

Li Josué xnich'on Nune, la sta ep sbijil ta stojol li Moisese. Yu'un li Moisese laj ono'ox yac' sc'ob ta sjol li Josuee. Jech li israeletique lic xch'unbeic smantal li Josuee, xchi'uc la spasic scotol li c'usi albil ono'ox yu'un Muc'ul Dios li Moisese.

Josué 1:16

Itac'ovic: —Ta jpascutic scotol li c'usi laj avalbuncutique; ta xibatcutic ti bu chatacuncutic batele.

Josué 19:50

Li Josuee ja' la sc'an li lum Timnat-sera te ta toyolaltic yu'un Efraine. Jech laj yac'beic, yu'un jech ono'ox yaloj li Muc'ul Diose. Li Josuee la xcha'meltsan lec li lume; te inaqui o.