Números 13:4 - Bible in Tzotzil de Chenalhó with Deuterocanon

⁴ Li boch'otic ibatique, ja' Samúa, xnich'on Zacur liquem ta jchop yu'un Rubén.

Bible in Tzotzil de Chamula

⁴ Yu'un xi s'elan ti chaplujic batele: Ta sventa ti jvoc' snitilul ti Rubene, ja' ti Samuae, xnich'on ti Zacure.

Números 13:4 Iomraidhean Croise

Génesis 35:22

C'alal ja'o te nacal li Israele, li Rubene ibat xchi'in ta vayel li Bilhae, ja' li yan ants yu'un stote. C'alal laj ya'ay li Jacobe, bats'i tsots i'ilin. Li xnich'nabtac Jacobe ja' lajchabic (12) ta voq'uel.

Génesis 35:23

Li yalabtac Leae ja' Rubén sbi li banquilale; ja'o ital Simeón, Leví, Judá, Isacar, xchi'uc Zabulón.

1 Crónicas 2:1

Li xnich'nabtac Israele ja' li'i: Rubén, Simeón, Leví, Judá, Isacar, Zabulón,

Ezequiel 48:1

“Ja' jech sbiic li jaychop israeletic ti laj yich'ic voc'bel yosilic ta nortee: Li sti' yosilalic ta stuq'uil nortee xlic ta Nab Mediterráneo; xjelov batel ta Hetlón, ta yochebal lum Hamat, xchi'uc ta Azar-enán. Ta sts'ac li Damasco xchi'uc Hamat xyal ta stuq'uil sure; ja' te lic yich' yosil li Dane. Li sjamalile xlic ta sloq'ueb c'ac'al c'alal to ta smaleb c'ac'al.

Números 13:3

Li Moisese la spas jech chac c'u cha'al i'albat yu'un li Diose. La stac batel li viniquetique, te iliquic ta xocol banamil ta Parán. Scotolic oy yabtelic ta stojol li xchi'iltaquique.

Números 13:5

Li yane ja' Safat, xnich'on Hori, liquem ta jchop yu'un Simeón.

Números 14:36

Li viniquetic ti itacatic batel yu'un Moisés ta sq'uelel c'u x'elan li banamile, ti mu'yuc lec c'usi vul yalbeic li xchi'iltaquique, xchi'uc ti ja' ta scojic lic sjapuic bic'talvulajetel ta stojol Muc'ul Dios li yantique, le'e te no'ox imilatic yu'un li Muc'ul Diose.

Números 32:7

¿C'u yu'un ti chac'an chachibajesbeic yo'nton li jchi'iltactique, yu'un jech mu xa sc'an xjelovic batel ta banamil ti bu yac'ojbutic li Muc'ul Diose?

Números 34:19

Li boch'otic tsc'an chaviq'uique ja' li'i: “Ta sventa li jchop liquemic ta Judae ja' xaviq'uic li Caleb xnich'on Jefone.

Apocalipsis 7:5

Li jchop liquemic ta Judae lajcha'mil (12,000) laj yich' smarcail sti'baic. Li jchop liquemic ta Rubene lajcha'mil (12,000) laj yich'ic ec. Li jchop liquemic ta Gade lajcha'mil (12,000) laj yich'ic ec.