Números 13:32 - Bible in Tzotzil de Chenalhó with Deuterocanon

³² Jech lic yalbeic scotol israeletic ti mu'yuc lec li osil bu ay sq'uelic tale. Jech laj yalbeic: —Li osil bu ay jq'uelcutic tale mu'yuc lec. Ta smilan li boch'otic te nacajtique. Li cristianoetic te nacajtique, ven muc'tic ta jyalel.

Bible in Tzotzil de Chamula

³² Va'i un, xi lic yalilanbeic ti israeletique: —Ti jteclum ti bu ay jmucul chajcutic ta q'uelele, toj chopol. Yu'un ti banomil ti bu ay jmucul chajcutic ta q'uelele, naca xch'ay no'ox yu'un ti jnaclejetic ti buch'u ta xc'ot teye. Scotol ti viniquetique toj ech'em xa no'ox smuc'tiquil laj quilcutic.

Números 13:32 Iomraidhean Croise

2 Samuel 21:20

Ts'acal la spasic yan velta pleito te ta lum Gat. Oy jun vinic bats'i nat ta jyalel. Oy vaquib sbic'tal jujun sc'ob xchi'uc jujun yacan; ja' chanib cha'vinic (24) ta scotol. Ja' sts'unubal noxtoc li natil viniquetique.

1 Crónicas 20:6

Ilic yan pleito noxtoc te ta lum Gat yo' bu nacal jun vinic ti toj nate, ti oy chanib xcha'vinic (24) sbic'tal yoc sc'obe, ti oy vaquib sbic'tal jujun sc'ob, jujun yacane. Ja' smomnich'on noxtoc li natil viniquetique.

Salmos 106:24

Ts'acal lic sbajic noxtoc li lequil banamil ch-ac'batique; muc xch'unic li c'usi albilic ono'ox ta jamal yu'un Diose.

Ezequiel 36:12

Vitsetic ta Israel, te ta xvul cac' xanovicuc ta atojolic li jteclum cu'une. Te chlic yich' yosilic ta atojolic, vo'oxuc yu'unoxuc chac'otic o; mu'yuc xa bu chlic ati'beic yol xnich'onic.

Amós 2:10

Vu'un la jloq'uesoxuc tal ta Egipto banamil noxtoc. Vu'un la jbeiltasoxuc tal ta xocol banamil cha'vinic (40) jabil, yu'un jech ac'o avich'beic li yosil amorretique.

Amós 2:9

Ac'o me vu'un la jtsalboxuc li amorretic ta vo'one, ti toj natic jech chac c'u cha'al stayalil ch'ut te'etique, ti toj tsotsic jech chac c'u cha'al tsatsal tulanetique; la jlilinbe yalel li sat ta toyole xchi'uc li yibel ta yut banamile.

Números 13:28

Pero li cristianoetic te nacajtique, toj tsotsic, xchi'uc toj muc'tic li lumetic yu'unique, xchi'uc bats'i lec setbilic ta coralton ta joyob. Xchi'uc te laj quilbecutic sts'unubal li muc'ta natil vinic Anaque.

San Mateo 23:13

“¡Toj abul abaic, vo'oxuc li jchanubtasvanejoxuc ta smantal Diose xchi'uc vo'oxuc li fariseooxuque, jlo'lavanejoxuc! Yu'un chamaquic ta be li ventainel yu'un Diose. Yu'un li vo'oxuque mu xac'anic ventainel yu'un Dios, ja' yu'un chamaquic li boch'otic tsc'anique.

Deuteronomio 1:28

¿Bu xa chijbatutic? Yu'un li jchi'iltactique laj xa xchibajesbutic o co'ntontic. Yu'un chalic ti toj tsots slomoic, xchi'uc ti ven natic li viniquetic tee. Xchi'uc chalic ti toj muc'tic li lumetique xchi'uc ti lec setbilic ta coraltone, ti bats'i toyolic li coraltonetic yu'unique. Xchi'uc laj yalbutic ti te laj yilbeic sts'unubal li Anac ti ven tsots slomoe xchi'uc ti toj nate’, xachiic.