Números 13:29 - Bible in Tzotzil de Chenalhó with Deuterocanon

²⁹ Te ta nopol Negueve ja' te nacajtic li amalequetique. Ta toyolal te'tic ta vitsetique ja' te nacajtic li hetetique, li jebusetique, xchi'uc li amorretique. Te ta ti'ti' nab xchi'uc ta ti'ti' uc'um Jordane ja' te nacajtic li canaanetique —xiic.

Bible in Tzotzil de Chamula

²⁹ Ti ta yosilal Négueve, nacalic xtoc ti amalecitaetique. Ti ta stuq'uil vitstique, nacalic xtoc ti hititaetique, ti jebuseoetique, xchi'uc ti amorreoetique. Ja' jech xtoc ti ta ti' nabe, xchi'uc ti ta sti'il uc'um Jordane, nacalic ti cananeoetique.

Números 13:29 Iomraidhean Croise

Génesis 14:7

C'alal isut batel li Quedorlaomer xchi'uc xchi'iltaque, te ic'otic ta En-mispat, ja' li Cades yan sbie. Laj yulesic comel scotol li c'usitic la staic c'alal ijelovic batel ta yosilal amalequetique. Jech la spasbeic comel noxtoc li amorretic te nacalic ta Hazezon-tamare.

Nehemías 9:8

laj avil ti lec jun yo'nton ta atojole; laj achapan achi'uc ti chavac'be li banamil te ta yosilal cananetic, hetetic, amorretic, ferezetic, jebusetic, xchi'uc gergesetique yu'un ja' chich' comel li smomnich'nabtaque. Ic'ot ta pasel li c'usi laj avale, yu'un toj tuc' avo'nton.

Salmos 83:7

li gebaletique, li amonetique, li amalequetique, li filistaetique, xchi'uc li boch'otic te nacajtic ta Tiroe,

Éxodo 3:17

Xchi'uc laj yalbun ti chascoltaoxuc loq'uel ta sventa li xc'uxul avocolic li' ta Egiptoe, yu'un chayic'oxuc batel ta banamil yo' bu nacalic li canaanetique, li hetetique, li amorretique, li ferezetique, li hevetique, xchi'uc li jebusetique. Ja' li jun banamil ti bu ta xloc' ep ya'lel xchu' vacax xchi'uc pom jech chac c'u cha'al chloc' vo'e’, uto.

Éxodo 3:8

Ja' yu'un liyal tal; tal jcolta loq'uel ta sc'obic li egiptoetique. Ta xbat jloq'uesic tal te ta banamil yo' bu oyique. Ta xquiq'uic batel ta yan banamil ti lec jamale, ti toj jun yutsile. Ja' ti bu chloc' ep ya'lel xchu' vacax, xchi'uc pom jech chac c'u cha'al chloc' vo'e. Ja' li banamil yo' bu nacalic li canaanetique, li hetetique, li amorretique, li ferezetique, li hevetique, xchi'uc li jebusetique.

Números 13:17

Li Moisese, la stac batel ta sq'uelel li Canaán banamile. Jech laj yalbe batel: —Batanic te ta Néguev, te xamuyic batel ta vitsetic.

Números 13:30

Li Calebe lic spajes ta lo'il li xchi'iltac te oyic ta stojol li Moisese. Jech laj yal: —Ja' lec bat quich'tic li banamile. Ta xvu' cu'untic ti chbat quich'tique —xi.

Números 14:25

(Li amalequetic xchi'uc canaanetique te nacajtic ta stenlejaltic). Li vo'oxuque chasutic batel oc'om. Tamic batel li be xbat ta xocol banamil xc'ot ta Tsajal Nabe —xi li Muc'ul Diose.

Números 14:43

Te me smalaojoxuc li amalequetique xchi'uc li canaanetique yu'un tsc'an ac'o apasic pleito achi'uquic, jech te chasmiloxuc acotolic. Li vo'oxuque laj xa acomtsanic li Muc'ul Diose, jech mu'yuc xa li' xchi'inojoxuc ec —x'utatic yu'un li Moisese.

Números 14:45

Li amalequetic xchi'uc canaanetic te nacajtique iloq'uic tal scotolic. La snutsic tal scotol c'alal to ta Horma li israeletique. Jech tsalbil icomic o li israeletique.

Números 24:20

Li Balaame i'ac'bat yil c'usi chc'ot ta pasel ta stojol li lum Amaleque, jech lic yal noxtoc c'usi ta to xc'ot ta pasel: “Li Amaleque ja' jun muc'ta lum ich'bil ta muc', pero ta to xich' jinesel, solel chich' ulesel o”, xi.

Deuteronomio 20:17

J'ech'el ulesic o scotol jech chac c'u cha'al yalojboxuc li Muc'ul Diose. Ja' li hetetique, li amorretique, li canaanetique, li ferezetique, li hevetique, xchi'uc li jebusetique. Me laj avulesic scotol le'e, xco'laj xchi'uc milbil smoton Dios chc'ot avu'unic.

Deuteronomio 7:1

“Li Muc'ul Dios cu'untique ja' chayic'oxuc ochel ta banamil ti bu chayac'boxuc avich'ique. Xchi'uc ta snuts loq'uel ta atojolic li vucub muc'tic lum ti toj tsotsique: ja' li hetetique, li gergesetique, li amorretique, li canaanetique, li ferezetique, li hevetique, xchi'uc li jebusetique.

Josué 10:5

Ja' yu'un li vo'ob ajvaliletic le'e la stsob sbaic tal scotolic xchi'uc yajsoldadoic; te ivul spas scarpanaic ta sjoyobal lum Gabaón sventa tstsaquic ta pleito.

Josué 10:6

Li jnaclumetic ta Gabaone la staquic batel mantal ta ora ta stojol li Josué te ta Gilgal yo' bu spasoj scarpanaique. Jech c'ot yalbeic: “Mu me xajip ta avo'nton li amozotaque. La' me coltauncutic ta ora; la' me pojuncutic. Yu'un scotol li ajvaliletic yu'un amorretic ti te nacajtic ta vitsetic ta toyolaltique stsoboj sbaic tal scotolic yu'un chtal smiluncutic”, xutic.

Josué 3:10

Li'i ja' svinajeb ti ta melel li' xchi'inojutic li mero cuxul Diose. C'alal chijxanovutic batele, ja' stuc ta smes loq'uel scotol li canaanetic, hetetic, hevetic, ferezetic, gergesetic, amorretic, xchi'uc li jebusetique.

Josué 5:1

Scotol li ajvaliletic yu'un amorretic te nacajtic ta jot uc'um Jordán ta stuq'uil smaleb c'ac'ale xchi'uc li ajvaliletic yu'un canaanetic te nacajtic ta nopol muc'ta Nab Mediterraneoe laj ya'yic c'u x'elan la staquijes uc'um Jordán Muc'ul Dios ti c'alal ijelovic li israeletique. C'alal laj ya'yique, bats'i ep ixi'ic; solel mu sc'an stsac sbaic ta pleito xchi'uc li israeletique.

Josué 9:1

Li ajvaliletic yu'un hetetic, amorretic, canaanetic, ferezetic, hevetic, xchi'uc jebusetique laj ya'yic li c'usi ic'ot ta pasele. (Li ajvaliletic le'e ja' te nacajtic ta smaleb c'ac'al yu'un li uc'um Jordán ta toyolaltic, ta vitsetic, ta stenlejaltic, xchi'uc ta scotol ti'ti' Nab Mediterráneo c'alal to ta yosilal Libanoe.)

Jueces 3:5

Ja' yu'un li israeletique te inaqui xchi'uquic li canaanetique, li hetetique, li amorretique, li ferezetique, li hevetique, xchi'uc li jebusetique.

Jueces 6:3

Li israeletique oy ono'ox c'usitic sts'unojic, pero li madianetic, li amalequetic, xchi'uc li cristianoetic te nacajtic ta stuq'uil sloq'ueb c'ac'ale tal slajesic scotol.

1 Samuel 14:48

Lic stsob yajsoldadotac, bat stsalic li Amaleque, jech la scolta o israeletic ta sventa li j'eleq'uetic te ch-elc'aj ta stojolique.

1 Samuel 27:8

Li David xchi'uc svinictaque ibatic ta lum Gesur, ta lum Gezer, xchi'uc ta lum Amalec, bat spojbeic c'usitic oy yu'unic. Yu'un li cristianoetic le'e vo'one xa snaclejic te. Li banamil bu nacalique te xlic ta stuq'uil Shur c'alal to ta yosilal Egipto.

1 Samuel 30:1

C'alal ic'otic ta Siclag ta yoxibal c'ac'al li Davide, ja' to laj yilic ti te xa ochemic ta Néguev li amalequetique, xchi'uc ayem xa soquesic li lum Siclague; laj yac'beic comel sc'ac'al.

1 Samuel 7:14

Li lumetic yu'un israeletic ti la spojic li filistaetique, xlic ta Ecrón c'alal to ta Gate, lic yu'uninic yan velta li israeletique. La spojic sutel scotol li yosilalic ti yich'ojic to'ox filistaetique. Xchi'uc ipaj pleito yu'unic li amorretic xchi'uc israeletique.