Números 13:26 - Bible in Tzotzil de Chenalhó with Deuterocanon

²⁶ Te ivulic yan velta ta Cades ta xocol banamil ta Parán. Te ivul staic li Moisés, li Aarón, xchi'uc scotol li israeletique. Te vul yalic scotol li c'usi laj yilic tale, xchi'uc vul yaq'uic ta ilel li sat c'usitic yich'ojic tale.

Bible in Tzotzil de Chamula

²⁶ Batic ta Cades ti oy ta sbajtical banomil yu'un ti Parane. Ti bu taje, tey oy ti Moisese, ti Aarone, xchi'uc scotol ti israeletique. Va'i un, xchapet lic yalic ti c'usitic laj staic talel ta ilele, xchi'uc lic yaq'uic ta ilel ti sat sts'unubalil ti jteclume.

Números 13:26 Iomraidhean Croise

Génesis 14:7

C'alal isut batel li Quedorlaomer xchi'uc xchi'iltaque, te ic'otic ta En-mispat, ja' li Cades yan sbie. Laj yulesic comel scotol li c'usitic la staic c'alal ijelovic batel ta yosilal amalequetique. Jech la spasbeic comel noxtoc li amorretic te nacalic ta Hazezon-tamare.

Salmos 29:8

Li sc'opojel Muc'ul Diose chnic yu'un li xocol banamile; li Muc'ul Diose tsniques li muc'ta xocol banamil ta Cadese.

Números 13:25

Cha'vinic (40) c'ac'al la sq'uelic c'u x'elan li osile, jech isutic tal.

Números 13:3

Li Moisese la spas jech chac c'u cha'al i'albat yu'un li Diose. La stac batel li viniquetique, te iliquic ta xocol banamil ta Parán. Scotolic oy yabtelic ta stojol li xchi'iltaquique.

Números 20:1

Ta sliquebal jabil ic'otic te ta xocol banamil ta Zin scotol li israeletique. Te la spas scarpanaic jayibuc c'ac'al ta Cades. Te icham li Mariae; te laj yich' muquel.

Números 20:14

C'alal te oyic ta Cadese, li Moisese la stac batel jayibuc j'almantaletic ta stojol li ajvalil yu'un edometique. Jech c'ot yalbeic: “Li yalab xnich'nab avits'in Israele, jech laj yalic tal ta atojol: ‘Li vo'ote lec xana' ti c'u x'elan jvocolcutique.

Números 20:16

Jech te lic jc'anbecutic vocol li Muc'ul Diose. Laj ya'ibun li jc'opcutique. Jech la stac tal yaj'almantal; tal sloq'uesuncutic ta Egipto. Li' ta orae li' xa oyuncutic ta nopol sts'aquil avosilal ta lum Cades.

Números 32:8

Ja' ono'ox jech la spasic ec li atotic ta vo'one c'alal la jtaquic tal ta sq'uelel ba'yuc c'u x'elan li osile.

Números 32:9

Ic'otic c'alal to ta bevo'tic Escol; la sq'uelic lec c'u x'elan li osile. Pero ts'acal c'ot xchibajesbeic yo'nton scotol li jchi'iltactique, yu'un jech mu me x'ochic batel ta banamil yo' bu yac'ojbutic li Muc'ul Diose.

Números 33:36

Iloq'uic tal ta Ezión-geber; te vul spas scarpanaic ta xocol banamil ta Zin, ja' li Cades yan sbie.

Deuteronomio 1:19

“C'alal lijloc'utic tal ta vits Horebe, tuc' lijtalutic ta vitsetic ta yosilal amorretic, ja' la jch'untic ti jech ono'ox yalojbutic li Muc'ul Dios cu'untique. La jxantic tal scotol li muc'ta xocol banamil ti toj xi'bal sba laj avilique, ja' to ti c'alal lijc'otutic ta Cades-barneae.

Deuteronomio 1:2

Ja' buluchib (11) c'ac'al sbelal ti xlic ta vits Horeb c'alal ta Cades-barnea, me ja' tstamic batel li be xjelov ta vits Seire.

Josué 14:6

Li smomnich'nabtac Judae ibat sc'opanic li Josué c'alal te oyic ta Gilgale. Li Caleb, xnich'on Jefone cenezeo vinique, jech laj yalbeic li Josuee: “Vo'ote, ana'oj c'usi i'albat yu'un Muc'ul Dios te ta Cades-barnea li Moisese, ja' li yajtunel Diose. Ja' i'albat ac'oplal li vo'ote xchi'uc jc'oplal ec li vu'une.

Josué 14:7

C'alal te oyutic ta Cades-barneae, quich'oj xa'ox cha'vinic (40) jabil; ja'o la stacun tal ta sq'uelel osil li Moisese, ja' li yajtunel Muc'ul Diose. C'alal c'ot calbe ya'yic li ca'yeje, ja' jech c'ot cal ti c'u x'elan laj ca'ay ta co'ntone.