Números 13:23 - Bible in Tzotzil de Chenalhó with Deuterocanon

²³ Te ic'otic c'alal to ta biq'uit uc'um Escol. Te laj yich'ic tal jec sc'ob ts'usub oy jchoj sat. La xojic tal ta te'; chib yajval la xq'uechic tal. Xchi'uc la stulic tal caranatoetic xchi'uc higoetic noxtoc.

Bible in Tzotzil de Chamula

²³ C'otic c'alal to ta ch'in uc'um yu'un Escol. Ti bu taje, laj xtuch'ic batel jep sc'ob uva ti vojol lec ti sate, ti ta cha'vo' yajval xchechojic batel ta te'e. Ja' jech xtoc laj sc'oquic batel sat granada xchi'uc icux.

Números 13:23 Iomraidhean Croise

Génesis 14:13

Pero oy jun vinic icol to batel; ja' bat yalbe ya'ay ta ora Abram ja' li hebreo vinic te nacal ta toyolal tulantic yu'un Mamree, ja' li amorreo vinique. Li Mamree ja' xchi'iltac ta voq'uel li Escol xchi'uc li Anere. Li viniquetic le'e ja' co'ol tscolta sbaic ta pleito xchi'uc li Abrame.

Números 13:24

Li biq'uit uc'ume, Escol laj yac'beic sbi, ta sventa ti ja' te laj yich'ic tal jchoj ts'usub li israeletique.

Números 32:9

Ic'otic c'alal to ta bevo'tic Escol; la sq'uelic lec c'u x'elan li osile. Pero ts'acal c'ot xchibajesbeic yo'nton scotol li jchi'iltactique, yu'un jech mu me x'ochic batel ta banamil yo' bu yac'ojbutic li Muc'ul Diose.

Deuteronomio 8:8

Ja' jun banamil ti lec xac' trigo, cebada, ts'usub, higo, caranato, oliva, xchi'uc pome.

Jueces 16:4

Ts'acal to li Sansone lec laj yil jun tseb te nacal ta stenlejaltic Sorec, Dalila sbi.