Números 13:20 - Bible in Tzotzil de Chenalhó with Deuterocanon

²⁰ me lec yox, o me taquinaltic no'ox, me oy lec ste'tical o me mu'yuc. Mu me xaxi'ic; ich'beic tal jutuc sat li c'usitic xloc' te ta banamile —x'utatic batel yu'un li Moisese. C'alal jech ic'ot ta pasele, ja'o yorail chtuch'ic li sba tuch'elal sat ts'usub yu'unic te ta Canaane.

Bible in Tzotzil de Chamula

²⁰ mi ve'ebal banomil, mi sbajtical banomil, mi oy ste'tical, mi mu'yuc. Mi oy c'usiticuc lo'bolal sat te'al ti x'ayan ta osile, ich'ic talel, mu xaxi'ic. Ti c'ot ta pasel ti va'i s'elan taje, ja' o xa yorail ta xich' tuch'el ti sba sat uvae.

Números 13:20 Iomraidhean Croise

1 Crónicas 22:11

Ja' yu'un jnich'on, ac'o xchi'inot li Muc'ul Dios cu'untique yu'un jech xu' chc'ot ta pasel ti vo'ot chapasbe li ch'ulna yu'un jech chac c'u cha'al yaloj ta aventae.

Nehemías 9:25

Ja' i'och ta sc'obic li lumetic ti lec setbilic ta tsatsal coraltone xchi'uc li yaxal banamiletique. Xchi'uc laj yu'uninic ep naetic puru lequic c'usitic te oy, xchi'uc pozoetic, ts'usubtic, olivaetic, xchi'uc jsatinom te'etic. Ja' la slajesic scotol, lec noj xch'utic o, jech xcuxet no'ox yo'ntonic ta sventa li slequil avo'ntone.

Nehemías 9:35

C'alal oy to'ox ajvalil yu'unique, ac'o me laj avac'be ep c'usitic oy yu'unic, ac'o me laj avac'be lec epal osil, lec yaxal banamil, pero mu'yuc ono'ox laj yich'icot ta muc'; muc scomtsanic li c'usitic chopol tspasique.

Ezequiel 34:14

Te ta xcac' ve'icuc ta lequil jobeltic, ja' xcuxubil yo'ntonic chc'ot li toyol vitsetic ta Israele; toj lec yavilic chc'ot staic, ja' te chvayic o. Ja' tsve'ic li lequil jobeltic te ta vitsetic yu'un Israele.

Daniel 11:24

Ta x'och batel ta jujun banamil ti bu toj c'ulejique, ti mu sna'ic me oy boch'o chc'ot ta stojolique. Ja' ta spas li c'usi mu'yuc jech spasic li smoltotac ijelovique. Ta spucbe yajsoldadotac scotol li c'usi toj lequique xchi'uc li c'ulejalil ta staic ta pasc'ope. Ta xchapan lec c'u x'elan xu' yu'un tstsal li lumetic ti lec setbilic ta coraltone, pero mu'yuc ep c'ac'al jech tspas.

Miqueas 7:1

Ay, toj abul jba, yu'un ja' jechun jech chac c'u cha'al boch'o chbat xc'uxc'ulta li c'usi tulbil xae, ti chbat to sq'uel me oy to tsta li ts'usub ti c'alal tulbil xa'ox sat, ti c'alal pits'bil xa'ox ya'lele, pero mu'yuc xa jta jchojuc; me jbejuc sba sat ti ja' tsc'an co'ntone mu'yuc la jta.

Números 13:19

Q'uelic lec noxtoc c'u x'elan li lumetic yu'unique, me pasbilic no'ox ta carpanaetic, o me setbilic lec ta coraltonetic. Xchi'uc q'uelic lec c'u x'elan li osile, me lec, o me mu lecuc,

Deuteronomio 1:24

Ja' ibatic, ixanovic batel ta scotol vitsetic. Ic'otic c'alal ta stenlejaltic Escol. La xanic comel scotol li osile.

Deuteronomio 1:25

Laj yich'butic tal jq'ueltic sat li c'usitic ch'iemic te ta osile. Jech vul yalbutic: ‘Toj lec li osil chijyac'butic Muc'ul Dios cu'untique’, xiic vulel.

Deuteronomio 31:23

Li Muc'ul Diose lic yalbe mantal noxtoc li Josué, ja' li xnich'on Nune, jech laj yalbe: “Tsotsan me, mu me xaxi'. Yu'un vo'ot chavic' ochel scotol achi'iltac ta israelal te ta banamil ti bu caloj ono'ox chcac'beique. Oyuc me stsatsal avo'nton, vu'un chajchi'inot”, xut.

Hebreos 13:6

Jech ta sjunul co'ntontic xu' jech jamal chcaltic: “Ja' Jcoltavanej cu'un li Cajvale, jech mu'yuc chixi'. ¿C'usi xu' yu'un chispasbicun li cristianoetique?”, xu' xijchi.

Josué 1:6

Tsotsan me, oyuc me lec stsatsal avo'nton, yu'un vo'ot chavoc'be yosilic li achi'iltaque yu'un ja' yu'unic o, jech chac c'u cha'al calojbe ono'ox li amoltotaquic ta vo'onee.

Josué 1:9

Q'uelavil, vu'un jtuc chacalbot. Tsotsan me; oyuc me lec stsatsal avo'nton. Mu me xaxi'; mu me xchibaj avo'nton. Vu'un chajchi'inot scotol c'ac'al buyuc no'ox chabat, vu'un li Muc'ul Diosun avu'une”, xut.

Josué 2:1

C'alal te oyic ta Sitime, li Josuee la stac batel ta mucul chib viniquetic jech laj yalbe batel: “Bat q'uelic tal c'u x'elan li banamile xchi'uc li lum Jericoe”, xut. Jech ibatic, te ic'otic ta sna jun jmulavil ants, Rahab sbi; te ivayic ta sna.

Josué 2:3

Ja' yu'un li ajvalile oy boch'o la stac batel jech bat yalbe li Rahabe: —Loq'ueso batel li viniquetic te vulemic ta anae yu'un ja' no'ox talemic ta spamuc'tael jlumaltic —xutic.