Números 13:17 - Bible in Tzotzil de Chenalhó with Deuterocanon

¹⁷ Li Moisese, la stac batel ta sq'uelel li Canaán banamile. Jech laj yalbe batel: —Batanic te ta Néguev, te xamuyic batel ta vitsetic.

Bible in Tzotzil de Chamula

¹⁷ Ti Moisese xi laj yalbe ti viniquetic ti c'alal laj stac ech'el ta smucul xchajel ta q'uelel yosilal ti Canaáne: —Ta Néguev xatamic ochel, muyanic batel ta toyol vitstic.

Números 13:17 Iomraidhean Croise

Génesis 12:9

Ts'acal lic xanovuc batel ta c'unc'un c'alal to ta yosilal Néguev.

Génesis 13:1

C'alal iloc' batel ta Egipto li Abram xchi'uc yajnile xchi'uc scotol c'usitic oy yu'une, te isutic batel ta yosilal Néguev. Te xchi'uc batel li sjunich'on Lote.

Génesis 13:17

Lican; bat xano ava'ay c'u snatil, c'u sjamlej li banamil chacac'bote”, xut.

Génesis 13:3

Ta c'unc'un iloc' batel ta yosilal Néguev ic'ot c'alal to ta Betel. Iloc' batel noxtoc; te ibat ti bu to'ox inaqui ta ba'yuque, ja' cacal ta o'lol yu'unic li Betel xchi'uc Haie.

Génesis 14:10

Ta scotol li stenlejaltic Sidime oy ep vomlumetic te. Puru chapopote te oy; asfalto sbi. C'alal ijatovic batel ta anil ta pleito li ajvaliletic ta lum Sodoma xchi'uc ta Gomorrae, te ibalch'ujic ochel ta vomlumetic. Li yantic xchi'iltaquic ta ajvalilale ijatovic batel ta vitsetic.

Números 13:18

Q'uelic lec c'u x'elan li banamile, xchi'uc q'uelic c'u x'elan li viniquetic tee, me tsots slomoic, o me c'unic no'ox, xchi'uc me epic, o me jutuc no'ox.

Números 13:29

Te ta nopol Negueve ja' te nacajtic li amalequetique. Ta toyolal te'tic ta vitsetique ja' te nacajtic li hetetique, li jebusetique, xchi'uc li amorretique. Te ta ti'ti' nab xchi'uc ta ti'ti' uc'um Jordane ja' te nacajtic li canaanetique —xiic.

Números 14:40

Ta yoc'omal sob iliquic, imuyic batel ta vitstic ta toyolaltic. Jech laj yalic: —Li' xa oyutique. Batic te ta banamil ti bu yaloj ono'ox Muc'ul Dios chijyac'butique. Ta melel jtaoj xa jmultic ta stojol —xiic.

Deuteronomio 1:44

Pero li amorretique iloq'uic tal, tal staoxuc. La snutsoxuc tal ta Seir c'alal to ta Horma jech chac c'u cha'al tsnutsvan xchanul mumetic.

Josué 10:40

Ja' jech i'och ta sc'ob Josué scotol li banamil te ta vitsetic ta toyolaltique. I'och ta sc'ob li Néguev, xchi'uc li stenlejaltique, xchi'uc li svitsticale. I'och ta sc'ob noxtoc li ajvaliletique. La smilic scotol; me junuc mu'yuc c'usi cuxul la scomtsanic jech chac c'u cha'al albilic ono'ox yu'un Muc'ul Dios li israeletique.

Josué 15:3

Ts'acal xjoyij batel ta muyebaltic ta Acrabim; te xjelov batel ta xocol banamil Zin xchi'uc ta stuq'uil sur ta Cades-barnea. Ts'acal te stsac batel c'alal ta Hezrón; te xmuy batel c'alal ta Adar; te xjoyij tal ta stuq'uil Carca.

Josué 2:1

C'alal te oyic ta Sitime, li Josuee la stac batel ta mucul chib viniquetic jech laj yalbe batel: “Bat q'uelic tal c'u x'elan li banamile xchi'uc li lum Jericoe”, xut. Jech ibatic, te ic'otic ta sna jun jmulavil ants, Rahab sbi; te ivayic ta sna.

Jueces 1:15

—Yu'un oy c'usi ta jc'an chavac'bun. Yu'un avac'ojbun xa ono'ox li Negueve; ac'bun noxtoc li nio'etic tee —xut. Jech li Calebe laj yac'be li nio'etic ta cajal xchi'uc ta olone.

Jueces 1:19

Li Judae te chi'inbil yu'un li Muc'ul Diose, jech ivu' yu'un la stsalic li boch'otic te nacajtic ta vitsetic ta toyolaltique. Ja' xa no'ox muc stsal yu'unic li boch'otic te nacajtic ta stenlejaltique yu'un oy lec scaretaic pasbilic ta stsatsal taq'uin.

Jueces 1:9

Ts'acal bat stsalic noxtoc li canaanetic te nacajtic ta toyolaltic ta yosilal Néguev xchi'uc ta stenlejaltique.