Números 13:16 - Bible in Tzotzil de Chenalhó with Deuterocanon

¹⁶ Scotol le'e ja' itacatic batel yu'un Moisés yu'un bat sq'uelic c'u x'elan li banamile. Li Oseas, xnich'on Nune, la sjel li sbie, ja' xa Josué ic'ot sbi.

Bible in Tzotzil de Chamula

¹⁶ Ja' jech sbiic ti viniquetic ti tacatic batel yu'un ti Moisés ta smucul xchajel ta q'uelel ti jteclume. Ti Oseas xnich'on ti Nune laj yich' jelbel sbi, Josué laj yac'be sbiin.

Números 13:16 Iomraidhean Croise

1 Crónicas 7:27

Nun sbi; li Nune inich'naj, Josué sbi.

Éxodo 17:9

Li Moisese jech laj yalbe li Josuee: —T'ujo jayibuc viniquetic bat pasic pleito achi'uquic li amalequetique. Yan li vu'une oc'om te chibat ta toyol vits, chquich'be batel li ste' Diose —xut.

Oseas 1:1

Li Oseas xnich'on Beerie ic'opanat yu'un Muc'ul Dios ti c'alal ja'o i'ochic ta ajvalilal ta Judá li Uzías, Jotam, Acaz, xchi'uc Ezequiase, xchi'uc ti c'alal ja'o ochem ta ajvalilal ta Israel li Jeroboam xnich'on Joase.

Números 13:15

Li yane ja' Geuel, xnich'on Maqui, liquem ta jchop yu'un Gad.

Números 13:2

“Taco batel jayibuc viniquetic yu'un ac'o bat sq'uelic tal c'u x'elan li osil te ta Canaán ti chcac'be yich'ic li achi'iltac ta israelale. Taco batel jujun vinic ta jujuchop achi'iltac, ja' xatac batel li boch'otic oy yabtelic ta stojol achi'iltaquique”, xi.

Números 13:8

Li yane ja' Oseas, xnich'on Nun, liquem ta jchop yu'un Efraín.

Números 14:30

Ja' no'ox chcomic li Caleb xchi'uc Josuee. Li vo'oxuque me junuc mu'yuc cha'ochic batel ta banamil ti bu laj calboxuc chbat cac' naclanique.

Números 14:6

Li Josué xchi'uc Caleb ti ja' ay sq'uelic tal c'u x'elan li osile, la sli' sc'u'ic, ja' senyail ti mu xa xnel li at-o'nton laj ya'yique.

Números 27:18

Li Muc'ul Diose jech la stac'be li Moisese: —Li Josué xnich'on Nune ja' jun vinic ti yich'ojbun lec jtsatsale. Ic'o, ac'o ac'ob ta sjol.

Hechos 7:45

Jech laj yich'ic o comel li jmoltotactique. Ja' yu'un li boch'otic i'ic'atic ochel tal yu'un Josué li' ta yosilal yanlumetic ti la snutsbe loq'uel yajvaltac li Diose, la xcuchic tal li ch'ulna pasbil ta nucule. Ja' itun yu'unic o c'alal to i'och ta ajvalilal li Davide.

Romanos 9:25

Yu'un jech ono'ox laj yal Dios ta svun li Osease: “Li boch'otic muc ja'uc jteclumale ja' jteclumal chc'otic. Li boch'otic muc c'anbilicuc cu'une ja' lec jc'anoj chc'otic”, xi.

Deuteronomio 32:44

Li Moisés ti la sva'an sba ta stojol scotol xchi'iltac ta israelal xchi'uc li Josué, xnich'on Nune, li q'ueoj la sq'uejintae, la sliques ta sliqueb c'alal ta slajeb.

Hebreos 4:8

Ti ja'uc bats'i xcuxubil yo'ntonic ti bu i'ic'atic ochel yu'un Josué ta vo'onee, li Diose muc xal yan velta ti tsta yorail oy boch'o chac'be xcux yo'ntonic ti jechuque.