Números 12:2 - Bible in Tzotzil de Chenalhó with Deuterocanon

² Jech laj yalic: “Li Moisese ma'uc no'ox stuc chc'opanat yu'un li Muc'ul Diose, jech chisc'opanutic ec li vu'utique”, xiic. Li Muc'ul Diose laj ya'ay li c'usi laj yalique.

Bible in Tzotzil de Chamula

² Ma'uc no'ox taje, yu'un xi laj yalique: “Yu'un ti Diose ma'uc no'ox ta sc'opon ti Moisese, yu'un ta xisc'oponotic ec” Ti va'i s'elan taje, laj ya'i ti Diose.

Números 12:2 Iomraidhean Croise

Génesis 29:33

Ts'acal ivoc' yan yol noxtoc li Leae, Simeón laj yac'be sbi, jech laj yal: “Li Muc'ul Diose laj ya'ay ti chisbajicune, jech laj yac'bun yan col”, xi.

2 Samuel 11:27

C'alal i'ech' li at-o'nton yu'une, li Davide la stac ta iq'uel ta sna. Jech te laj yic' sbaic o; te ivoc' jcot yol. Pero li Muc'ul Diose mu lecuc laj yil ti jech la spas li Davide.

2 Reyes 19:4

Li Muc'ul Dios avu'une oy yic'al laj ya'ay c'usitic laj yal li Rabsaces tacbil tal yu'un ajvalil ta Asiria tal xchopolc'opta li cuxul Diose. Oyuc c'uxi yac'be stoj smul ca'tic ta sventa li c'usi laj yalique, yu'un laj ya'ay stuc li Diose. C'opano Dios ta sventa ti c'u to quepaltic li' oyutique, xi laj yal tal li ajvalile’, utic c'otel”, xut.

Éxodo 4:14

Li Muc'ul Diose i'ilin ta stojol li Moisese, jech laj yalbe: —Te oy li abanquil Aarón ti liquem ta levie. Vu'une jna'oj ti lec xu' yu'un xlo'ilaje. Te ta xtal snupot ta be. C'alal chayilote, toj xcuxet no'ox yo'nton.

Éxodo 4:30

Li Aarone c'ot yalbe ya'yic scotol c'usi albil yu'un Muc'ul Dios li Moisese. Xchi'uc la spasic te ta stojol xchi'iltaquic li sq'uelubil stsatsal Dios ti yaloj Muc'ul Dios ac'o spasique.

Éxodo 5:1

Ja' yu'un li Moisés xchi'uc Aarone bat sc'opanic li faraone. Jech c'ot yalbeic: —Jech ta xal li Muc'ul Diose, ja' li Dios yu'un Israele: ‘Coltabun batel li jteclumale yu'un chbat spasic jun q'uin te ta xocol banamil sventa chiyich'icun ta muc'’, xi —xutic c'otel.

Éxodo 7:10

Li Moisés xchi'uc Aarone ibatic ta stojol li faraone; te la spasic li c'usi albilic yu'un Muc'ul Diose: Li Aarone la sjip yalel ta banamil snamte' te ta stojol li faraón xchi'uc xchi'iltac ta abtele. Li snamte'e ic'ataj ta jti'val chon.

Proverbios 13:10

Li toybaile ja' no'ox xu' tsliques c'op; yan li bijubtasele ja' te oy ta stojol li boch'o chich' ta muc' tojobtasele.

Isaías 37:4

Oy yic'al laj ya'ay Dios avu'un c'usi laj yal li yaj'abtel ajvalil ta Asiriae. Ja' tacbil tal sventa ay xchopolc'opta li cuxul Diose, laj yac' ta na'leel ta sventa li c'usitic laj yale. Oyuc c'uxi x'ac'bat stoj smul yu'un Muc'ul Dios ta sventa li c'usitic laj yale. C'opano Dios yu'un ac'o scolta li jchi'iltactic ti c'u to yepal li' comenique, xi li ajvalile’, utic c'otel —xut.

Miqueas 6:4

Vu'un laj quic'ot loq'uel tal ta Egipto; vu'un la jpojot loq'uel ti bu abul aba ta mozoinele; vu'un la jtac batel ta atojolic li Moisés, li Aarón, xchi'uc li Mariae.

Números 11:1

Li israeletique oy jun c'ac'al iliquic ta bic'talvulajetel ta stojol Muc'ul Dios ta sventa ti oy svocolique. C'alal laj ya'ay li Muc'ul Diose, tsots i'ilin ta stojolic, jech la stac tal c'oc'; ic'ac' sjoylijil sti'ti' ti bu spasoj scarpanaique.

Números 11:29

Pero li Moisese jech laj yal: —¿Me it'ix xa avo'nton ta jtojol? Oyuc c'uxi xc'ot ta pasel ch-ac'batic espíritu yu'un Muc'ul Dios scotol li jchi'iltactique, scotol j'alc'opetic chc'otic ti jechuque —xi.

Números 12:3

Ta melel, li Moisese ja' jun vinic ti toj biq'uit yac'oj sba li' ta banamile.

Números 16:3

Scotolic la stsob sbaic batel ta stojol li Moisés xchi'uc Aarone. Jech c'ot yalbeic: —Li' no'ox c'alal avabtelic li vo'oxuque. Scotol jchi'iltactic t'ujbilic yu'un Dios xu' chtunic yu'un, xchi'uc jcotoltic li' oy ta jtojoltic li Muc'ul Diose. ¿C'u yu'un ti toj muc' chavac' abaic xchi'uc avabtelic ta stojol li steclumal Diose? —xutic.

Romanos 12:10

Talbat xac'an abaic ta sventa ti co'ol ach'unojique. Talbat chavich' abaic ta muc'.

Romanos 12:3

Ta sventa ti yac'ojbun cabtel ta yutsil yo'nton li Diose, ja' yu'un jech chacalboxuc ta acotolic. Mu me boch'o toj muc' spas sba avu'unic. Ja' tsc'an chanopic lec jujunoxuc c'usi amotonic ac'biloxuc yu'un Dios ta sventa ti ach'unojique.

Filipenses 2:14

Scotol li c'usitic chapasique pasic me ta yutsil avo'ntonic, mu me xabic'talvulajeticuc, mu me xavutilan abaic o.

Filipenses 2:3

Mu me c'usi xapasic ta sventa yu'un chac'an chatsalvanic, xchi'uc ta sventa chatoy abaic. Biq'uit xavac' abaic, oyuc me stu ta avo'ntonic ec li achi'ilique.

1 Pedro 5:5

Jech ec li vo'oxuque queremetic, ich'ic me ta muc' li jcholc'opetique. Acotolic tsc'an talbat chavich' abaic ta muc'; biq'uit xavac' abaic, yu'un jech ts'ibabil: “Li Diose chopol chil li jtoybaetique; yan li boch'o biq'uit chac' sbaique ja' chc'uxubin”, xi ts'ibabil.