Números 12:14 - Bible in Tzotzil de Chenalhó with Deuterocanon

¹⁴ Li Muc'ul Diose jech laj yal: “Ti stotuc la stubtabe sate, vucub c'ac'al mu'yuc stu ta asatic chcom ti jechuque. Ja' yu'un loq'uesic ta atojolic vucubuc c'ac'al; mu me xaxchi'inoxuc te yo' bu oy acarpanaique. Ts'acal xu' chtal xchi'inoxuc yan velta”, xi.

Bible in Tzotzil de Chamula

¹⁴ Xi tac'bat talel yu'un ti Diose: “Ti mi ta scoj ti q'uexlal sba sat c'ot yu'un ti stote, vucub c'ac'al (7) nel satibil ta xcom. Ja' yu'un un, jipic loq'uel vucub (7) c'ac'al ti bu vololoxuque. Ts'acal to un, xu' ta sut talel.”

Números 12:14 Iomraidhean Croise

2 Reyes 15:5

Ja' yu'un li Muc'ul Diose laj yac'be stoj smul li ajvalile; laj yac' tsacatuc ta c'a'el chamel, ja' jech ip o c'alal to icham, jech stuc voc'bil o ta jun na. Li spasubmantale ja' la sventain xnich'on, Jotam sbi; ja' xa la sventain o li israeletique.

Job 17:6

“Laj xa avac' ti vu'un sbel yeicun li cristianoetique; solel yixtolicun xa lic'ot.

Job 30:10

Toj j'i'lal xa jba chiyilicun, xbat'-batic xa loq'uel ta jtojol; bats'i xtulajetic xa ta jsat.

Isaías 50:6

Solel la jq'uelan o ta nucul li jpate; laj cac'beic o xocon jsat li boch'otic tsbulic isimile. Mu'yuc bu la jnac' jsat ta stojol li boch'otic la sna'leicun xchi'uc li boch'otic la stubtaicune.

Levítico 13:4

“Me ja' no'ox sacleban li snuculile, me mu'yuc c'a'em ochele, xchi'uc me mu'yuc sacuben li stsotsile, li palee ac'o smac ta na vucubuc c'ac'al.

Levítico 14:8

“Li boch'o chich' lecubtasele, ac'o xchuc' lec sc'u'. Ac'o xjux scotol stsotsil sbec'tal xchi'uc sjol; ac'o atinuc lec, jech lecuben xa chcom o. Jech xu' xa ch-och batel te yo' bu apasoj acarpanaique, pero vucub c'ac'al te no'ox ac'o oyuc ta osilaltic. Mu to xu' ch-och ta scarpana.

Números 5:1

Li Muc'ul Diose la sc'opan yan velta li Moisese. Jech laj yalbe:

San Mateo 26:67

Jech lic stubtabeic sat, la smajic. Oy yantic la slec'beic ta majel xocon sat.

Deuteronomio 25:9

li antse ac'o nopajuc tal ta sts'el li smu'e. Te ta sat banquilaletic ac'o sloc'be xonob li smu'e, xchi'uc ac'o stubtabe sat. Jech ac'o yalbe: ‘Ja' jech tsc'an chich' pasbel li vinic ti mu sc'an ac'o ayinuc sts'unubal li xchi'il ta voq'uele’, ac'o yut.

Hebreos 12:9

Li jtotic li' ta banamile laj yalbutic mantal, laj yac'butic nucul ti c'alal ololutic toe, pero laj quich'tic ta muc'. ¿C'u yu'un mu ech'emuc to jech chquich'tic ta muc' c'usi chijyalbutic li Jtotic ti ja' laj yac'butic jch'uleltique, yu'un ja' sventa chijcuxiutic?