Números 12:13 - Bible in Tzotzil de Chenalhó with Deuterocanon

¹³ Ja' yu'un li Moisese lic sc'anbe vocol li Diose, jech laj yalbe: “Dios cu'un, avocoluc coltao ta sventa li xchamele”, xi.

Bible in Tzotzil de Chamula

¹³ Va'i un, ti Moisese xi xvocolet laj yalbe ti Diose: “Avocoluc, Ch'ul Dios, ta jc'anbot ti abolajan ta xpoxtaele.”

Números 12:13 Iomraidhean Croise

Génesis 20:17

Li Abrahame la sc'opanbe Dios ta stojol li Abimeleque. Li Diose la scolta li Abimelec xchi'uc yajnile xchi'uc li squiarataque yu'un jech xu' ch-alajic.

1 Reyes 13:6

Ja' yu'un li ajvalile jech laj yalbe li j'alc'ope: —Ach'ul vocoluc, c'opano li Muc'ul Dios avu'une yu'un ac'o lecubuc yan velta li jc'obe —xut. Li j'alc'ope la sc'opan li Muc'ul Diose jech ilecub yan velta sc'ob li ajvalile, jech icom jech chac c'u cha'al ono'oxe.

Salmos 30:2

Muc'ul Dios, Dios cu'un, la jc'anbot vocol, jech laj apoxtaun.

Salmos 41:4

Jech laj cal: “Muc'ul Dios, avocoluc c'uxubinun, tsatsubtasun, ac'o me ep jtaoj jmul ta atojol”, xichi.

Éxodo 15:26

Jech i'albatic: “Me chavich'ic lec ta muc' c'usi chacalboxuc vu'un li Muc'ul Diosun avu'unique, me chapasic li c'usi ta jc'ane, me chach'unic, me chavich'ic ta muc' li mantaletic cu'une, mu'yuc ta xcac' taluc jchopuc avocolic jech chac c'u cha'al laj cac' ta stojol li egiptoetique. Yu'un vu'un Muc'ul Diosun; vu'un chajcoltaoxuc ta achamelic”, x'utatic yu'un li Diose.

Éxodo 4:7

Li Muc'ul Diose jech laj yalbe noxtoc: —Tic'o ochel yan velta ta xch'ut ac'u' li ac'obe —xut. Jech la stic' ochel yan velta. C'alal la sloq'uese, lec xa oy jech chac c'u cha'al ono'oxe.

Isaías 30:26

C'alal tsta yorail chlic xpoxtabe, chlic xpixbe syayijemalic steclumal li Muc'ul Diose, li ue chlic yac' xojobal jech chac c'u cha'al c'ac'al; li c'ac'ale vucub velta tsots chac' xojobal jech chac c'u cha'al xojobal ta vucbej c'ac'al.

Jeremías 17:14

Muc'ul Dios, poxtaun, jech ta xcol li jchamele; coltaun, jech colem chicom, yu'un vo'ot no'ox quich'ojot ta muc'.

Números 11:2

Li israeletique lic avanicuc; la sc'anbeic vocol Moisés ti ac'o coltaaticuque. Ja' yu'un li Moisese lic sc'anbe vocol Muc'ul Dios ta sventaic. Jech lic tubuc li c'oq'ue.

Números 12:12

Mu me xavac' ti jech chcom o snuculil li María jech chac c'u cha'al snuculil olol ti c'a'emtic xa sba chvoc' c'alal te chcham ta yut ch'utile”, xi.

Números 14:2

Scotolic lic chopol c'opojicuc ta stojol li Moisés xchi'uc Aarone. Jech laj yalic: “Ja' lec ti teuc ono'ox chamcutic ta Egiptoe, xchi'uc ti li'uc chamcutic ta xocol banamile.

Números 16:41

Ta yoc'omal lic chopolc'opojicuc ta stojol Moisés xchi'uc Aarón scotol li israeletique. Jech laj yalbeic: —Vo'oxuc laj amilic li xnich'nabtac Muc'ul Diose —xiic.

San Lucas 23:34

[Li Jesuse jech laj yalbe li Stote: —Tati, pasbeic perdón, yu'un mu sna'ic li c'usi tspasique —xi.] Li soldadoetique la svoc'be sbaic li sc'u' spoc' Jesuse; la spasic canal tajimol yu'un jech chilic bu jlicucal chc'ot ta stojol jujunic.

San Lucas 6:28

C'anbeic slequilal li boch'o ta xchopolc'optaoxuque. C'opanbeic Dios ta stojol li boch'o chopol c'usi chaspasboxuque.

Hechos 7:60

La squejan sba, tsots i'avan: “Cajval, mu me xavac'be xcuch smulic li jchi'iltac li'i”, xi. C'alal laj yal jeche, icham.

Romanos 12:21

Mu me ja'uc xastsaloxuc li c'usi chopole. Ja' tsalic ta sventa c'usi lec li c'usi chopole.

Santiago 5:15

Me oy xch'unojel yo'nton ta sc'opan Diose, ta xcol li jchamele, yu'un ja' ta stsatsubtasat yu'un li Cajvaltique. Me oy smul li boch'o icole, ta spasbat perdón noxtoc.

1 Samuel 12:23

Li vu'une, Muc'ul Dios ac'o scoltaun ti mu me jta jmul ta stojol ta sventa ti ta jquechan sc'anel vocol ta atojolique. Ja' no'ox venta laj calboxuc ava'yic ti bu lec tuc' be tsc'an chabatique.

1 Samuel 15:11

—Manchuc cani ja' la jtic' ta ajvalil li Saule yu'un la svoc' sba ta jtojol; muc xch'un li c'usitic laj calbee —xut. Li Samuele toj tsots laj ya'ay, jech sbejel ac'ubal la sc'anbe vocol li Muc'ul Diose.