Números 12:10 - Bible in Tzotzil de Chenalhó with Deuterocanon

¹⁰ C'alal inamaj xa'ox batel li toc te ta ti'na pasbil ta nucule, li Mariae tsacbil xa ta c'a'el chamel icom, jeche' saclo'an ibat li snuculile. C'alal ijoyij li Aarone, ja' to laj yil ti tsacbil xa ta c'a'el chamel li Mariae.

Bible in Tzotzil de Chamula

¹⁰ C'alal tots batel ti toc ta Axibalnae, ti Mariae bolol liquel ta c'a'emal chamel ti sac lo'an xa liquel ti snuculil ta sjunule. C'alal joybij ti Aaróne, toj c'otel ta sat ti bolol xa ta c'a'emal chamel ti Mariae.

Números 12:10 Iomraidhean Croise

2 Reyes 15:5

Ja' yu'un li Muc'ul Diose laj yac'be stoj smul li ajvalile; laj yac' tsacatuc ta c'a'el chamel, ja' jech ip o c'alal to icham, jech stuc voc'bil o ta jun na. Li spasubmantale ja' la sventain xnich'on, Jotam sbi; ja' xa la sventain o li israeletique.

2 Reyes 5:27

Ja' yu'un li sc'a'el chamel Naamane, vo'ot chacuch o comel achi'uc anich'nab, amomnich'nabtac —x'utat. C'alal iloc' batel ta stojol yajval li Giezie, tsacbil xa ta c'a'el chamel, saclo'an xa sbec'tal jech chac c'u cha'al tayo.

2 Reyes 7:3

Oy chanib jc'a'el chameletic te oyic ta ti'lum, jech laj yalbe sbaic: —¿C'u yu'un ti li' no'ox chotolutic ta jmalatic chijchame?

Éxodo 4:6

Li' ta orae tic'o ochel ta xch'ut ac'u' li ac'obe —xi li Muc'ul Diose. Li Moisese la stic' ochel ta xch'ut sc'u' li sc'obe. C'alal la sloq'ues tale, ja' to laj yil ti tsacbil xa ta c'a'el chamele, solel saclo'an jech chac c'u cha'al tayo.

Oseas 9:12

Ac'o me oy bu chch'i li squeremique, ta jpojbeic loq'uel ta stojolic. ¡Toj abul sbaic ec c'alal me ta jvoc' jba loq'uel ta stojolique!

Números 5:2

“Albo scotol achi'iltac ta israelal ti ac'o sloq'uesic te yo' bu nacalic scotol li boch'otic yich'ojic c'a'el chamele, o me chamel ta sc'unilic ti chloc' ya'lele, o me mu'yuc yac'oj sba ta lecubtasel me oy la spiquic animae.

San Mateo 25:41

“Jech chcalbeic noxtoc li boch'otic te oyic ta jts'ete: ‘Voc'o abaic ta jtojol, yu'un toj chopoloxuc. Batanic ta c'oc' sbatel osil. Ja' li c'oc' ti chapanbil cu'un sventa li banquilal pucuje xchi'uc li its'inal pucujetique.

Deuteronomio 24:9

Na'ic me c'usi ipasbat ta be yu'un Muc'ul Dios cu'untic li María ti c'alal laloq'uic tal ta Egiptoe.