Números 11:8 - Bible in Tzotzil de Chenalhó with Deuterocanon

^8-9 Ta ac'ubaltic c'alal ta xyal job osile, ja'o te chyal tal ec li manavaje. Jech li israeletique chloc' stsobic, jech oy chlic xjuch'ic, oy chlic stenic lec, oy tspanic noxtoc, xchi'uc oy tsmeltsanic lec. Jech chbat yu'unic jech chac c'u cha'al pan. Li smuile co'oltic jech chac c'u cha'al vaj pasbil ta arina xchi'uc aceite.

Bible in Tzotzil de Chamula

⁸ Jech smuil jech c'u cha'al juch'bil trigo ti capal ta aceitee. Jech ti jnaclejetique ta xloq'uic ta stsobel. Va'i un, ta xjuch'ic. Mi mo'oje, ta xchebiltaic. Mi laj une, ta sta'ajesic. Mi mo'oje, ta spasic jech c'u cha'al pan.

Números 11:8 Iomraidhean Croise

Génesis 25:29

Ta yan c'ac'al ja'o sbats'il spasel sve'el li Jacobe, li Esaue luben xa isut tal ta smilel ve'lil ta te'tic.

Éxodo 16:23

Li Moisese jech laj yal: —Le'e ja' jech yaloj mantal li Muc'ul Diose, yu'un li oc'ome ja' xa ch'ul c'ac'al; yorail ta jcux co'ntontic. Ja' xcuxubil co'ntontic ti voc'bil yu'un Muc'ul Diose. Meltsanic me oy meltsanel tsc'an ave'elique. Panic me oy c'usi panel tsc'an avu'unique. Li scomelale naq'uic sventa oc'om —xut.

Éxodo 16:31

Li israeletique maná laj yac'beic sbi li c'usi la stsobique, saquic jech chac c'u cha'al bec' culantu, lec chi' ta ve'el jech chac c'u cha'al bic'tal vaj ti bonbil ta pome.

Números 11:7

Li manavaje co'oltic jech chac c'u cha'al bec' culantu, c'onc'ontic sba jech chac c'u cha'al xuch'.

San Juan 6:27

Mu me ja'uc no'ox xavabtelinic sa'el li ave'elic ti sna' xlaje. Ja' tsc'an chavabtelinic sa'bel sve'el ec li avo'ntonic ti mu sna' xlaj sbatel osile. Vu'un ta xcac'boxuc, vu'un ti Xnich'on cristiano lic'ote. Ja' yu'un li Diose, ja' li Jtote, laj xa yac' ta ilel ti vu'un yac'ojbun cabtele —xi li Jesuse.

San Juan 6:31

Li jmoltot jyame'cutic ta vo'onee la sve'ic li manavaj i'ac'batic te ta xocol banamile. Jech ts'ibabil sc'oplal ta sc'op Dios: ‘Ja' laj yac'be sve'ic li vaj liquem tal ta vinajele’, xi ts'ibabil —xutic.