Números 11:7 - Bible in Tzotzil de Chenalhó with Deuterocanon

⁷ Li manavaje co'oltic jech chac c'u cha'al bec' culantu, c'onc'ontic sba jech chac c'u cha'al xuch'.

Bible in Tzotzil de Chamula

⁷ (Ti mana taje, co'ol s'elan sbec' culantu, sac pojan sba sc'anal, co'ol s'elan xuch'al te'.

Números 11:7 Iomraidhean Croise

Génesis 2:12

Li c'anal taq'uin te oy ta yosilal Havilae toj ven lec. Jech noxtoc oy xuch'al te' toj lec mu yic', xchi'uc oy ónice ton te.

Éxodo 16:23

Li Moisese jech laj yal: —Le'e ja' jech yaloj mantal li Muc'ul Diose, yu'un li oc'ome ja' xa ch'ul c'ac'al; yorail ta jcux co'ntontic. Ja' xcuxubil co'ntontic ti voc'bil yu'un Muc'ul Diose. Meltsanic me oy meltsanel tsc'an ave'elique. Panic me oy c'usi panel tsc'an avu'unique. Li scomelale naq'uic sventa oc'om —xut.

Éxodo 16:31

Li israeletique maná laj yac'beic sbi li c'usi la stsobique, saquic jech chac c'u cha'al bec' culantu, lec chi' ta ve'el jech chac c'u cha'al bic'tal vaj ti bonbil ta pome.

Números 11:8

Ta ac'ubaltic c'alal ta xyal job osile, ja'o te chyal tal ec li manavaje. Jech li israeletique chloc' stsobic, jech oy chlic xjuch'ic, oy chlic stenic lec, oy tspanic noxtoc, xchi'uc oy tsmeltsanic lec. Jech chbat yu'unic jech chac c'u cha'al pan. Li smuile co'oltic jech chac c'u cha'al vaj pasbil ta arina xchi'uc aceite.

Apocalipsis 2:17

Li boch'o oy xchiquine, ac'o ya'ibe smelol c'usi ch-albat yu'un Ch'ul Espíritu li jujutsob jch'unolajeletique. Li boch'o tstsal yu'un scotole ja' chcac'be sve'ic li manavaj ti mu'yuc boch'o sna' c'u x'elane, xchi'uc ta xcac'beic jbej unin saquil ton yo' bu ts'ibabil ach' sbi stuc ti mu'yuc boch'o yan xotquine. Ja' no'ox stuc xotquin li boch'otic chich'e, xayutoxuc li Cajvaltique’, uto”, xiyutun.