Números 11:29 - Bible in Tzotzil de Chenalhó with Deuterocanon

²⁹ Pero li Moisese jech laj yal: —¿Me it'ix xa avo'nton ta jtojol? Oyuc c'uxi xc'ot ta pasel ch-ac'batic espíritu yu'un Muc'ul Dios scotol li jchi'iltactique, scotol j'alc'opetic chc'otic ti jechuque —xi.

Bible in Tzotzil de Chamula

²⁹ Ja' no'ox un, ti Moisese xi laj staq'ue: —¿Mi it'ix xa ta xava'i un? ¡Toj lec jechuc ti tauc xac'be sbijil scotol jteclum ti Diose!

Números 11:29 Iomraidhean Croise

Joel 2:27

Jech chlic ana'ic ti te oyun ta atojolic, vo'oxuc li israeloxuque, xchi'uc chlic avotquinic ti vu'un Muc'ul Diosun avu'unique, ti mu'yuc yane. Jech mu'yuc xa chayalic o ta q'uexlal yan velta, vo'oxuc li jteclumaloxuque.

Joel 3:1

Jech ta xal noxtoc li Muc'ul Diose: “C'alal me ic'ot li sc'ac'alil, me ic'ot li yoraile, ta jcha'lecubtas li Judá xchi'uc Jerusalene.

Números 11:30

Li Moisés xchi'uc lajuneb xchanvinic (70) banquilaletique isutic batel ta scarpanaic.

San Lucas 10:2

Jech laj yalbe scotolic: “Ta melel toj ep li c'aoje; ja' mu'yuc ep li boch'o tsc'ajique. Ja' lec c'anbeic Yajval c'aoj ti ac'o stac batel ep jc'aojetic yu'une.

Hechos 26:29

Li Pabloe jech laj yal: —Lec me chach'un ta orae; lec noxtoc me ja' to c'usi orae. Ja' no'ox ti sc'anuc Dios muc vo'ocot no'ox atuc ac'o ach'un jech chac c'u cha'alune, ti oyuc c'uxi jech xch'unic ec ti jayib li' laj ya'yic c'usi laj cale. Ja' no'ox ti mu me xachucatic ta cadena jech chac c'u cha'al chuculune —xi li Pabloe.

1 Corintios 13:4

Li boch'o chc'anvane oy smuc'ul yo'nton, lec yo'nton, mu xti'etuc yo'nton. Mu xac' sba ta ich'el ta muc' ta sventa c'usi xu' yu'un; mu stoyilan sba.

1 Corintios 14:5

Lec chca'ay me acotolic xu' chac'opojic ta yan c'ope, pero ja' tsots sc'oplal chca'ay ti ja' ac'o avalic c'usi tsc'an Diose. Yu'un ja' muc' yabtel chc'ot li boch'o ja' chal c'usi tsc'an Diose. Ja' mu sta jech li boch'o chc'opoj ta yan c'ope, yu'un tsc'an chich' jelubtasel li c'usi chale, yu'un jech xu' tstsatsubic ta stojol Dios li jch'unolajeletique.

1 Corintios 3:21

Ja' yu'un mu xu' chatoy abaic ta sventa ti chat'ujic boch'o lec chavilique, yu'un chtun avu'unic scotol.

1 Corintios 3:3

Yu'un ja' to spasojoxuc ta mantal li abec'talique, yu'un ta to xati'-o'nta abaic; ta to xasa'ilanic c'op. ¿Me mu ja'uc yabtel abec'talic le'e? ¿Me mu ja'uc co'ol chapas achi'uquic li yan cristianoetique?

Filipenses 2:3

Mu me c'usi xapasic ta sventa yu'un chac'an chatsalvanic, xchi'uc ta sventa chatoy abaic. Biq'uit xavac' abaic, oyuc me stu ta avo'ntonic ec li achi'ilique.

Santiago 4:5

Mu me xanopic ti mu'yuc stu ti jech ts'ibabil ta sc'op Diose: “Li Diose laj yac' ta co'ntontic ti tsc'an stuc no'ox ac'o quich'tic ta muq'ue”, xi ts'ibabil.

Santiago 5:9

Quermanotac, mu me xatic'be aba amulic, yu'un jech mu xavich'ic chapanbel amulic. Yu'un li Jchapanvaneje va'al xa tal ta ti'na.

1 Pedro 2:1

Ja' yu'un tsc'an chacomtsanic scotol li c'usitic chopole, li lo'lavaneje, ti chamacbeic sat achi'ilique, li ti'o'ntavaneje, xchi'uc scotol li lo'iltavaneje.

1 Samuel 10:6

Ventainbilot chac'ot ta stsatsal Muc'ul Dios, chlic apas jech chac c'u cha'al li yan j'alc'opetique, jech chlic jeluc atalel.