Números 11:25 - Bible in Tzotzil de Chenalhó with Deuterocanon

²⁵ Jech li Muc'ul Diose iyal tal ta toc, tal sc'opan li Moisese. Xchi'uc laj yich'be jutuc li stsatsal yac'ojbee, ja' laj yac'be li lajuneb xchanvinic (70) banquilaletique. C'alal laj yich'ic li stsatsalique, lic c'opojicuc jech chac c'u cha'al j'alc'opetic. Pero li c'usi laj yalique, muc xa xcha'alic yan velta.

Bible in Tzotzil de Chamula

²⁵ Va'i un, ti Diose yal talel ti oy ta toque. Lic c'opoj ta stojol ti Moisese. Laj stam loq'uel juteb sbijil ti Moisese. Laj yac'be jelavel ta stojolic ti lajuneb xchanvinic ta vo' moletique. Ti c'alal laj yich' ti sbijilique, co'ol s'elan j'alc'opetic lic c'opojicuc. Ja' no'ox ti mu teyuc no'ox xlic xcaj liquele.

Números 11:25 Iomraidhean Croise

2 Reyes 2:15

Li j'alc'opetic te ta Jericó te va'ajtic chq'uelvanique, c'alal laj yilic ti jech ic'ot ta pasele, jech laj yalic: “¡Li stsatsal Dios yich'oj to'ox Eliase ja' xa laj yich' li Eliseoe!”, xiic. Te bat snupic ta be li Eliseoe; la squejan sbaic ta stojol,

Nehemías 9:20

Vo'ot atuc tal achanubtas ta slequil avo'nton. Jech noxtoc mu'yuc laj aquechanbe yac'bel li manavaj sve'ique, xchi'uc laj ono'ox avac'be vo' yuch'ic ti c'alal taquin yo'ntonique.

Salmos 99:7

Ta jvol toc ic'opanatic yu'un li Diose; la xch'unbeic li smantaltaque xchi'uc li c'usi yan i'albatic comele.

Éxodo 32:32

Ja' yu'un ta jc'anbot vocol ti ac'o apasbe perdón yu'un li smulique. Yan me mu xach'aybe ta avo'nton li smulique, vu'un xatu'pbun jbi ta vun ti te tsacal avu'une —xut.

Éxodo 34:5

Li Muc'ul Diose iyal tal ta toc; te la xchi'in sbaic xchi'uc li Moisese. Te lic yal li sbie.

Éxodo 40:38

Ta c'ac'altique te oy ta sba ch'ulna li toc yu'un Muc'ul Diose. Yan ta ac'ubaltique c'oc' xa tsanem laj yilic li israeletique. Ja' jech ic'ot ta pasel ti buyuc no'ox ixanovic batele.

Isaías 63:11

Ts'acal it'ab ta yo'ntonic ti c'u x'elan icoltaatic ta sliquebe, ti ja' Moisés la scolta loq'uel tal li xchi'iltaque, ja' yu'un jech la sjaq'uic: “¿Bu oy li Dios ti la scolta loq'uel ta nab li Moisés ta vo'onee?, ja' li jchabichij yu'une, ti laj yac'be ta stojol li svu'ele,

Ezequiel 8:11

Ta stuq'uil li c'usi loc'tabilique te va'ajtic lajuneb xchanvinic (70) viniquetic, ja' li banquilaletic yu'un israeletique. Ja' te oy ta o'lol yu'unic li Jaazanías xnich'on Safane. Stsacanojic jujun xchic'ubil pom; te ta xchiq'uic pom ta stojol li c'usi loc'tabilique. Ic'uben no'ox xch'ayilal chmuy yu'unic li pome.

Números 11:17

Te chiyal tal; te chtal jchi'inot ta lo'il. Xchi'uc chaquich'bot sutel jutuc li jtsatsal avich'oje, ja' ta xcac'betic li banquilaletic yu'un achi'iltaque yu'un jech xu' chascoltaicot ta yiq'uel batel li achi'iltaque. Jech muc atucuc xa chavic' batel.

Números 12:5

Te iyal tal ta jun ic'al toc li Muc'ul Diose, te laj yac' sba ta sti' li ch'ulna pasbil ta nucule. Te lic yic' li Aarón xchi'uc Mariae. C'alal te xa oyic ta stojole,

Números 16:25

Li Moisese itotsic xchi'uc li banquilaletic yu'un israeletique. Te ibatic ta anil yo' bu oyic li Datán xchi'uc Abirame.

Números 24:2

C'alal laj yil Balaam ti lec ta jujuchop spasoj scarpanaic li israeletique, ital stsatsal Dios ta stojol.

Números 27:18

Li Muc'ul Diose jech la stac'be li Moisese: —Li Josué xnich'on Nune ja' jun vinic ti yich'ojbun lec jtsatsale. Ic'o, ac'o ac'ob ta sjol.

Hechos 11:28

Te lic sva'an sba jun li j'alc'ope, Agábo sbi. Ta sbijil Ch'ul Espíritu laj yal ti ta xtal tsots vi'nal ta scotol banamile. C'alal ital li vi'nale, ja'o ochem ta ajvalilal li Claudioe.

1 Corintios 14:32

Yu'un li boch'o chalic c'usi ch-ac'bat sna'ic yu'un Diose, ventainbilic lec yu'un li Ch'ul Espiritue, jech xu' tspajes sbaic.

Santiago 1:17

Scotol li c'usi leque xchi'uc li c'usitic lec tuc' chij'ac'bate ja' te ta xlic tal ta vinajel. Ja' chistacbutic tal li Jtotic Dios ti la spas li c'usitic chac' xojobale. Li Diose ja' jech oy o; mu sna' sjelilan c'usi chijyac'butic.

2 Pedro 1:21

Yu'un li sc'op Diose mu ta yo'ntonuc cristiano iloc' tal. Ja' iventainatic yu'un Ch'ul Espíritu. Ja' viniquetic ic'opojic ta sventa Dios.

Jueces 3:10

Li Muc'ul Dios ti mu'yuc sbec'tale ital ta stojol li Otoniele, jech ivu' yu'un la spoj li xchi'iltaque. Li Otoniele iloc' batel ta pleito, li Muc'ul Diose laj yac' ti ac'o tsalatuc li Cusan-risataime.

1 Samuel 10:10

C'alal ic'ot ta Gabaae, te ital nupatuc ta be yu'un li jtsob j'alc'opetique. Li Saule iventainat ta stsatsal Dios, jech lic spas jech chac c'u cha'al li yantic j'alc'opetique.