Números 11:23 - Bible in Tzotzil de Chenalhó with Deuterocanon

²³ Pero li Muc'ul Diose jech laj yal: —¿Me yu'un chanop ti jutuc no'ox jvu'ele? Tana tsc'an chaq'uel me chc'ot ta pasel li c'usi laj cale, o me mo'oj —xi li Muc'ul Diose.

Bible in Tzotzil de Chamula

²³ Va'i un, xi tac'bat yu'un ti Diose: —¿Mi ta xanop ti juteb no'ox ti jmuc'ul jtsatsale? Ti jech laj cal taje, ta xavil mi ta xc'ot ta pasel cu'un, mi mo'oj.

Números 11:23 Iomraidhean Croise

Génesis 18:14

¿Me yu'un oy c'usi mu xu' yu'un tspas li Diose? Le' ta jun jabile ta xtal jvu'lanot yan velta, li Sarae oy xa'ox yol —xi.

2 Reyes 4:43

Itac'ov li smozoe: —Pero mu xloc' o, yu'un oy vo'vinic (100) ta scotolic —xi. Itac'ov li Eliseoe: —Ac'bo sve'ic li jchi'iltactique, yu'un jech yaloj li Muc'ul Diose: ‘Lec xave'ic o, xchi'uc chcom to scomelal’, xi yaloj —xut.

2 Reyes 7:2

Li yajcoltaubbail stuc ajvalile jech la stac'be li j'alc'ope: —Ac'o me tsjambe sventanail vinajel li Muc'ul Diose, mu xc'ot ta pasel li c'usi chavale —xi. Itac'ov li Eliseoe: —Te chavil ta xchibal asat atuc, pero mu'yuc chave' li vo'ote —xut.

Salmos 78:41

Ts'acal la sa'beic sc'ac'al yo'nton yan velta noxtoc; laj yac'beic yat yo'nton li Ch'ul Dios yu'un Israele.

Éxodo 6:1

Itac'ov li Muc'ul Diose: —Tana chavil c'usi ta jpas ta stojol li faraone. Yu'un me tsots c'usi ta jpasbee, ja' to jech xu' ch-ac'van loq'uel li' ta slumale. Stuc xa chlic yal ti ac'o loc'anic batele —xi.

Isaías 50:2

¿C'u yu'un ti mu junuc boch'o la jta ti c'alal litale? ¿C'u yu'un ti mu'yuc boch'o itac'ov ti c'alal li'ic'vane? ¿Me yu'un chanopic ti mu xu' cu'un chajcoltaoxuque? ¿Me yu'un chanopic ti mu xu' cu'un chajpojoxuc sutel tale? Li vu'une ta jbel no'ox jc'op xu' ta jtaquijes li nabe; xu' ta jc'atajes ta taqui banamil li uc'umetique. Jech te chc'a'ic o li choyetique; te chchamic o ta taqui-o'nal ta scoj ti mu'yuc ya'lele.

Isaías 59:1

Li Muc'ul Diose mu yu'unuc lajem stsatsal ti mu xcoltavane; mu yu'unuc ipas ta coc ti mu xa'ay ac'opique.

Jeremías 14:9

¿C'u yu'un ti ja' jechot jech chac c'u cha'al jun vinic mu c'usi xu' yu'une, xchi'uc jech chac c'u cha'al jun soldado ti mu xu' yu'un ta xcoltavane? Ta melel li' oyot ta jtojolcutic, Muc'ul Dios; vu'un ta jventacutic ti chich' alilanel li abie, ja' yu'un, mu me xacomtsanuncutic.

Jeremías 32:17

Cajval, Muc'ul Dios, vo'ot laj apas li vinajel banamil ta avu'el ta atsatsal, ta avoc ta ac'obe. Mu'yuc c'usi tsots chava'ay li vo'ote.

Jeremías 32:27

“Vu'un Muc'ul Diosun yu'un scotol li c'usitic cuxulique; mu'yuc c'usi tsots ta pasel chca'ay li vu'une.

Ezequiel 12:25

Yu'un vu'un chic'opoj jtuc, vu'un li Muc'ul Diosune, jech persa chc'ot ta pasel li c'usi chcale; mu xa epuc c'ac'al chjalij. Vo'oxuc li jtoyba israeloxuc ti cuxuloxuc li' ta orae, ta xavil ta asat atuquic ti chc'ot ta pasel li c'usitic laj cale, xi li Diose’, uto”, xiyutun.

Ezequiel 24:14

Vu'un jtuc ta xcal jech, jech persa chc'ot ta pasel. Mu'yuc ta jsutes jc'op; mu'yuc chac'uxubaj ta co'nton; mu'yuc chisut ta jva'lupat. Ta persa ta xcac'bot atoj ti c'u x'elan avabtele xchi'uc ti c'u x'elan laj apase’, xi li Muc'ul Diose”, xiyutun.

Daniel 6:20

C'alal nopol xa x'ech' ta ch'ene, ta yatel yo'nton laj yapta li Daniele, jech laj yalbe: —Daniel, vo'ot li yajtunelot cuxul Dios avu'une, ti scotol ora avich'oj ta muq'ue, ¿me la scoltaot ta sventa li leonetique? —xut.

Miqueas 2:7

Vo'oxuc li smomnich'naboxuc Jacobe, jech chavalbicun: “¿Me chanop ti chopol chil Muc'ul Dios li smomnich'nab Jacobe? ¿Me yu'un laj xa smuc'ul yo'nton li Diose? ¿Me ja' jech ch-abtej Dios jech chac c'u cha'al chavale? ¿Me mu oyuc c'usi lec tsta c'alal chc'opanat yu'un Dios li boch'o tuq'uil be stamoje?”, xachiic.

Números 11:22

¿Bu chata epal chijetic, epal vacaxetic xu' tsmil sti'ic yo' xu' chloq'uic o scotolique? Ac'o me chcac'betic sti'ic scotol li choyetic ta nabe, pero mu ono'ox xloq'uic o —xi.

Números 23:19

Li Diose mu jechuc jech chac c'u cha'al cristianoetic ti sna' xchamique. Mu sna' x'epalc'opoj; mu sna' sjel li c'usi tsnope. Me oy c'usi chloc' ta yee, persa tspas. Me oy c'usi chal ta jamale, persa chac' c'otuc ta pasel.

San Mateo 19:26

Li Jesuse la sq'uelbe lec satic, jech laj yalbe: —Li cristianoetique mu xu' yu'un tscolta sba stuquic. Yan li Diose scotol xu' yu'un tspas —xut.

San Mateo 24:35

Li vinajel banamile ta xlaj, pero li c'usitic laj cale mu xlaj sc'oplal o.

San Lucas 1:37

Li Diose xu' yu'un ta spas scotol —xi li j'almantale.