Números 11:22 - Bible in Tzotzil de Chenalhó with Deuterocanon

²² ¿Bu chata epal chijetic, epal vacaxetic xu' tsmil sti'ic yo' xu' chloq'uic o scotolique? Ac'o me chcac'betic sti'ic scotol li choyetic ta nabe, pero mu ono'ox xloq'uic o —xi.

Bible in Tzotzil de Chamula

²² ¿Bu to ta tael ti epal chije, ti vacaxe, ti xu' ta xich' milele yo' jech ta staic scotolic? Mi ja'uc ono'ox xloc' o ti ta xcac'betic scotol ti choy ti oy ta nabe.

Números 11:22 Iomraidhean Croise

2 Reyes 7:2

Li yajcoltaubbail stuc ajvalile jech la stac'be li j'alc'ope: —Ac'o me tsjambe sventanail vinajel li Muc'ul Diose, mu xc'ot ta pasel li c'usi chavale —xi. Itac'ov li Eliseoe: —Te chavil ta xchibal asat atuc, pero mu'yuc chave' li vo'ote —xut.

Números 11:13

¿Bu chbat jsa' tal ti'bol sventa chcac'be sti'ic scotol li jchi'iltac li'i? Yu'un vu'un x'oc'oletic tal ta jtojol jech chtal yalbicun: ‘Ac'bun ti'bol jti'cutic’, xiyuticun.

Números 11:21

Li Moisese jech la stac'be li Muc'ul Diose: —Li jchi'iltac li' quic'oj tale, ja' vaquib ciento (600,000) ta mil ta scotol li viniquetique, pero puru xanubal tspas scotolic. Chaval ti chavac'be ti'bol sti'ic sjunul ue.

Números 11:23

Pero li Muc'ul Diose jech laj yal: —¿Me yu'un chanop ti jutuc no'ox jvu'ele? Tana tsc'an chaq'uel me chc'ot ta pasel li c'usi laj cale, o me mo'oj —xi li Muc'ul Diose.

San Mateo 15:33

Jech la stac'beic: —¿Li vu'uncutique bu ta jtacutic epal pan li' ta xocol banamil sventa ta jmac'lincutic li epal cristianoetic li'i? —xutic.

Marcos 6:37

Itac'ov li Jesuse: —Ac'beic sve'el vo'oxuc —x'utatic. Itac'ovic: —¿Me yu'un chbat jmancutic tal lajunvinic (200) denario taq'uin pan sventa chcac'becutic sve'ic? —xutic.

Marcos 8:4

Itac'ov li yajchanc'optaque: —¿Boch'o xu' tsta epal pan li' ta xocol banamil sventa chich' mac'linel li epal cristianoetique? —xutic.

San Lucas 1:18

Li Zacariase jech la sjac'be li j'almantale: —¿C'uxi ta jna' me melel li c'usi laj avalbune? Yu'un molun xa; me'el xa ec li cajnile —xut.

San Lucas 1:34

Li Mariae jech la stac'be li j'almantale: —¿C'uxi ta x'ayin col, yu'un mu'yuc to quiloj vinic? —xut.

San Juan 6:9

—Oy jun querem li'i yich'oj tal vo'ob pan pasbil ta cebada, xchi'uc cha'cot choy. Pero mu xloc' o, yu'un toj ep li cristianoetique —xi.