Números 11:17 - Bible in Tzotzil de Chenalhó with Deuterocanon

¹⁷ Te chiyal tal; te chtal jchi'inot ta lo'il. Xchi'uc chaquich'bot sutel jutuc li jtsatsal avich'oje, ja' ta xcac'betic li banquilaletic yu'un achi'iltaque yu'un jech xu' chascoltaicot ta yiq'uel batel li achi'iltaque. Jech muc atucuc xa chavic' batel.

Bible in Tzotzil de Chamula

¹⁷ Ta xiyal talel. Tey ta xa jc'oponot. Ta xquet'esbe jelavel ta stojolic j'o'loluc ti abijil ti avich'oje yo' jech ta xa scoltaot ta yiq'uel batel ti jteclum le'e. Va'i unbi, mu xa atucuc.

Números 11:17 Iomraidhean Croise

Génesis 11:5

Li Muc'ul Diose iyal tal, yu'un tal sq'uel li lume xchi'uc li q'uelub osil tspasic li cristianoetique.

Génesis 17:22

C'alal laj yo'ntonic ta lo'il xchi'uc Abraham li Diose, isut batel.

Génesis 17:3

Li Abrame la squejan spatan sba ta banamil ti c'alal chc'opanat yu'un Diose:

Génesis 18:33

C'alal laj yo'ntonic ta lo'il xchi'uc Dios li Abrahame, ibat li Muc'ul Diose. Li Abrahame isut batel ta scarpana.

2 Reyes 2:15

Li j'alc'opetic te ta Jericó te va'ajtic chq'uelvanique, c'alal laj yilic ti jech ic'ot ta pasele, jech laj yalic: “¡Li stsatsal Dios yich'oj to'ox Eliase ja' xa laj yich' li Eliseoe!”, xiic. Te bat snupic ta be li Eliseoe; la squejan sbaic ta stojol,

2 Reyes 2:9

C'alal jelovenic xa'ox batel ta jot uc'ume, li Eliase jech laj yalbe li Eliseoe: —Albun li c'usi chac'an ta jpasbote, yu'un yo'to mu'yuc ta jvoc' jbatic —xut. Itac'ov li Eliseoe: —Ta jc'an ti xjelov to jech yepal chquich'be stsatsal Dios jech chac c'u cha'al avich'oje —xi.

Nehemías 9:20

Vo'ot atuc tal achanubtas ta slequil avo'nton. Jech noxtoc mu'yuc laj aquechanbe yac'bel li manavaj sve'ique, xchi'uc laj ono'ox avac'be vo' yuch'ic ti c'alal taquin yo'ntonique.

Éxodo 18:18

Me atuc no'ox chapase, chalubtsaj. Jech ta xlubtsajic ec li achi'iltaque, ta x'ech' yo'ntonic. Yu'un toj ep li abtel acuchoje, mu xlaj apas atuc.

Éxodo 18:22

Ja' ac'o xchapanic scotol c'ac'al li achi'iltaquique. Yan li c'usi tsotsic ta chapanele, ac'o tal yac'bicot achapan. Ja' no'ox ac'o xchapanic li c'usi mu tsotsuc ta chapanele. Jech ta stsul jutuc li avabtele yu'un ja' ta scoltaoxuc ta spasel.

Éxodo 19:11

ac'o xchapan sbaic lec sventa cha'ej. Yu'un cha'ej chiyal tal ta vits Sinaí ta sat scotol achi'iltac, vu'un li Muc'ul Diosune.

Éxodo 19:20

Li Muc'ul Diose te iyal tal ta mero jolvits Sinaí. Laj yalbe Moisés ti ac'o muyuc batel ta jolvitse, jech imuy batel li Moisese.

Éxodo 34:5

Li Muc'ul Diose iyal tal ta toc; te la xchi'in sbaic xchi'uc li Moisese. Te lic yal li sbie.

Isaías 44:3

Vu'un ta xcac' yalel tal vo' ta xocol banamil; jech noxtoc ta xcac' xanovuc tsots uc'umetic ta taqui banamil. Ta xcac' yic'al que sventa ta xcuxiic li amomnich'nabtaque; xchi'uc ta xcac'be bendición li ats'unubaltaque.

Isaías 63:11

Ts'acal it'ab ta yo'ntonic ti c'u x'elan icoltaatic ta sliquebe, ti ja' Moisés la scolta loq'uel tal li xchi'iltaque, ja' yu'un jech la sjaq'uic: “¿Bu oy li Dios ti la scolta loq'uel ta nab li Moisés ta vo'onee?, ja' li jchabichij yu'une, ti laj yac'be ta stojol li svu'ele,

Joel 2:28

“C'alal me i'ech' scotol le'e, ta xcac' tal espíritu cu'un ta stojol scotol li cristianoetique. Jech li querem tsebetic avu'unique chlic yalic c'usi chc'ot ta pasel; li moletic avu'unique oy c'usi chlic yil ta xvayechic; li queremetic avu'unique oy c'usi chlic yil ta xch'ulelic.

Números 11:25

Jech li Muc'ul Diose iyal tal ta toc, tal sc'opan li Moisese. Xchi'uc laj yich'be jutuc li stsatsal yac'ojbee, ja' laj yac'be li lajuneb xchanvinic (70) banquilaletique. C'alal laj yich'ic li stsatsalique, lic c'opojicuc jech chac c'u cha'al j'alc'opetic. Pero li c'usi laj yalique, muc xa xcha'alic yan velta.

Números 12:5

Te iyal tal ta jun ic'al toc li Muc'ul Diose, te laj yac' sba ta sti' li ch'ulna pasbil ta nucule. Te lic yic' li Aarón xchi'uc Mariae. C'alal te xa oyic ta stojole,

Números 12:8

Lec ta jchi'in ta lo'il stuc, xchi'uc lec xvinaj ta a'yel li jc'ope. Li stuque sq'uelojbun jsat. Pero li vo'oxuque, ¿c'u yu'un ti chachopolc'opojic ta stojole?”, x'utatic yu'un li Muc'ul Diose.

Números 27:18

Li Muc'ul Diose jech la stac'be li Moisese: —Li Josué xnich'on Nune ja' jun vinic ti yich'ojbun lec jtsatsale. Ic'o, ac'o ac'ob ta sjol.

Números 7:89

C'alal i'och ta ch'ulna pasbil ta nucul li Moisés sventa tsc'opan sbaic xchi'uc Diose, laj ya'ay ti laj yich' c'opanel yu'un Dios te ta jot spat xcaxail smantal Dios te ta o'lol yo' bu va'ajtic li sloc'obal querubinetique.

San Juan 3:13

“Mu'yuc boch'o ayem sq'uel tal ta vinajel ti xu' ta xalboxuque. Vu'un no'ox te liquemun tal; vu'un ti Xnich'on cristiano lic'ote.

San Juan 7:39

Le'e ja' laj yalbe sc'oplal yabtel li Ch'ul Espíritu ti sc'oplal chich'ic li boch'otic ta xch'unique. Pero mu'yuc to'ox talem li Ch'ul Espiritue, yu'un mu'yuc to muyem batel ta lequilal li Jesuse.

Romanos 8:9

Pero li vo'oxuque mu xa ja'uc chapasic c'usi tsc'an li abec'talique; ja' xa chapasic c'usitic tsc'an Espíritu yu'un Dios me te xa nacal ta avo'ntonique. Yu'un li boch'o mu'yuc yich'oj li Espíritu yu'un Cristoe ma'uc yu'un Cristo.

1 Corintios 2:12

Li vu'utique ma'uc laj quich'tic li espíritu li' ta banamile. Ja' quich'ojtic li Espíritu liquem tal ta stojol Diose, yu'un jech ac'o jna'tic li c'usi snopoj Dios chijyac'butique.

1 Tesalonicenses 4:8

Me oy boch'o ja' no'ox tsna'le li mantal li'i, muc ja'uc cristiano tsna'le; ja' tsna'le li Dios ti laj yac'butic li Ch'ul Espiritue.

1 Pedro 1:22

Li vo'oxuque pocbil xa avo'ntonic ta sventa ti ach'unojic xa li sc'op Dios ti ja' melele, yu'un chac'anan abaic ta sventa ti achi'il xa abaic ta voq'uel c'oteme. Jech tsc'an j'ech'el chac'anan abaic o ta scotol avo'ntonic xchi'uc ta scotol atsatsalic.

Judas 1:19

Li cristianoetic le'e ja' ta sliquesic li voc'baile; ja' ta spasic o li c'usi tsc'an stuquique. Mu'yuc yich'ojic o li Espíritu yu'un Diose.

1 Samuel 10:6

Ventainbilot chac'ot ta stsatsal Muc'ul Dios, chlic apas jech chac c'u cha'al li yan j'alc'opetique, jech chlic jeluc atalel.