Números 11:11 - Bible in Tzotzil de Chenalhó with Deuterocanon

¹¹ Jech laj yalbe li Muc'ul Diose: —¿C'u yu'un ti mu'yuc lec avo'nton ta jtojol ec, vu'un li avajtunelune? ¿C'u yu'un ti mu'yuc lec chavilune, yu'un vu'un laj avac' jventain scotol li jchi'iltac li'i?

Bible in Tzotzil de Chamula

¹¹ Jech o xal xi laj yalbe ti Diose: —¿C'u cha'al ta xavilbajinun ti avajtunelune? ¿C'usi chopol laj jpasbot ti ta xacajan ta jba ti jteclum li'e?

Números 11:11 Iomraidhean Croise

Job 10:2

Dios cu'un, mu me xach'un ti oy jmule; albun ca'ay c'usi jmul avu'un ti jech chapasbune.

Salmos 130:3

Muc'ul Dios, ti tauc xavac' ta aventa li jmulcutique, ¿boch'o xu' lec va'al chcom ta atojol ti jechuque?

Salmos 143:2

Mu me xachapanun, vu'un li avajtunelune, yu'un me junuc cristiano mu'yuc boch'o tuc' yo'nton ta atojol.

Éxodo 17:4

Ja' yu'un li Moisese tsots la sc'anbe vocol li Muc'ul Diose, jech laj yalbe: —¿C'usi ta xcut li jchi'iltaque? ¡Yu'un jutuc xa muc chismilicun ta ton! —xut.

Éxodo 5:22

Ja' yu'un li Moisese te lic sc'opan li Muc'ul Diose, jech laj yalbe: —Cajval, ¿c'u yu'un ti chavac'be svocol li jchi'iltaque? ¿C'u yu'un laj atacun batel cha'e?

Jeremías 15:10

¡Toj abul jba yaya, yu'un ja' no'ox lavoq'uesun ta sventa liquesej c'op, xchi'uc ta sventa ta jcontrain scotol li cristianoetic ta banamile! Mu'yuc bu jq'uexoj taq'uin, xchi'uc mu'yuc cac'oj ta q'uexel jtaq'uin, pero scotol cristianoetic chixchopolc'optaicun.

Jeremías 15:18

¿C'u yu'un ti mu x'ech' o li jvocole? ¿C'u yu'un mu sbalin poxtael, mu xcol o li jtuch'emale? Ja' jech laj apas aba ta jtojol jech chac c'u cha'al bevo'tic ti ch-ul ya'lele.

Malaquías 3:14

Yu'un jech chavalic: ‘¿C'usi stu ti chijtunutic yu'un Diose? ¿C'usi chloc' o ti ta jch'unbetic smantale? ¿C'usi ta jtatic o ti solel biq'uit chcac' jbatic ta stojol li Muc'ul Dios ti tspas ta mantal scotol te ta vinajele?

Números 11:10

Li Moisese laj ya'ay ti scotol israeletic ch-oq'uic xchi'uc yol xnich'onic te ta sti' li scarpanaique. Pero li Muc'ul Diose tsots ilinem ta stojolic. Jech ec li Moisese isoc yo'nton ec.

Números 11:15

Me jech vu'un chavac'bun o jventain batele, ja' lec pojbun jch'ulel me ta melel c'uxun ta avo'ntone yu'un jech mu xa me xquil li epal vocoletique —xi li Moisese.

2 Corintios 11:28

Oy to ep c'usitic yan. Jujun c'ac'al toj ep slo'il co'nton ta sventa li steclumal Cristoe.

Deuteronomio 1:12

Ja' yu'un li vu'une mu xu' cu'un chajventainoxuc jtuc. Yu'un xco'laj xchi'uc yalal epal icatsil ta cuchel chca'ay li avocolique xchi'uc li c'opetic chlic avu'unique.