Números 11:10 - Bible in Tzotzil de Chenalhó with Deuterocanon

¹⁰ Li Moisese laj ya'ay ti scotol israeletic ch-oq'uic xchi'uc yol xnich'onic te ta sti' li scarpanaique. Pero li Muc'ul Diose tsots ilinem ta stojolic. Jech ec li Moisese isoc yo'nton ec.

Bible in Tzotzil de Chamula

¹⁰ Ti Moisese laj ya'i ti x'oc'oletic ti israeletic ta sti' snaic xchi'uc ti yalab xnich'nabique. Ilin ta j'ech'el ti Diose. Jech ti Moisese mu xa lecuc ta xa'i ec.

Números 11:10 Iomraidhean Croise

Salmos 106:25

Te ta scarpanaic iliquic ta bic'talvulajetel ta stojol li Muc'ul Diose; muc xch'unbeic li c'usitic laj yale.

Salmos 139:21

Muc'ul Dios, li boch'otic chopol chayilicote, chopol chquilic ec; li boch'otic chasbajicote ta jbajic ec.

Salmos 78:21

Pero li Muc'ul Diose laj ya'ay, jech i'ilin. Itsan sc'ac'al yo'nton jech chac c'u cha'al c'oc'; lic yilinta li Jacobe.

Salmos 78:59

Li Diose i'ilin ti c'alal laj yile, ja' yu'un j'ech'el la scomtsan o li israeletique.

Isaías 5:25

Ja' yu'un li Muc'ul Diose ilic sc'ac'al yo'nton ta stojol li steclumale; la stoy sc'ob ta stojolic sventa chac'be stoj smulic. Inic li vitsetique; li sbec'talique te icoman ta xoraltic jech chac c'u cha'al c'a'ep, pero li Muc'ul Diose muc ono'ox x'ech' o li sc'ac'al yo'ntone; te to stoyoj o li sc'obe.

Jeremías 17:4

Ta xcac' acomtsan li banamil cac'ojbote, yu'un ja' chbat tunan yu'un avajcontra te ta yan banamil ti mu xavotquine, yu'un laj avac' tsanuc sc'ac'al co'nton jech chac c'u cha'al c'oc' ti mu xtu'p oe”, xi li Muc'ul Diose.

Números 11:1

Li israeletique oy jun c'ac'al iliquic ta bic'talvulajetel ta stojol Muc'ul Dios ta sventa ti oy svocolique. C'alal laj ya'ay li Muc'ul Diose, tsots i'ilin ta stojolic, jech la stac tal c'oc'; ic'ac' sjoylijil sti'ti' ti bu spasoj scarpanaique.

Números 11:11

Jech laj yalbe li Muc'ul Diose: —¿C'u yu'un ti mu'yuc lec avo'nton ta jtojol ec, vu'un li avajtunelune? ¿C'u yu'un ti mu'yuc lec chavilune, yu'un vu'un laj avac' jventain scotol li jchi'iltac li'i?

Números 12:3

Ta melel, li Moisese ja' jun vinic ti toj biq'uit yac'oj sba li' ta banamile.

Números 12:9

Li Muc'ul Diose bats'i tsots i'ilin ta stojolic, jech ibat.

Números 16:27

Li israeletique la svoc' sbaic loq'uel yo' bu oyic li Coré, Datán, xchi'uc Abirame. Li Datán xchi'uc Abirame te va'ajtic ta sti' scarpanaic xchi'uc yajnil xnich'nabic.

Números 21:5

jech te lic chopolc'opojicuc ta stojol li Diose xchi'uc ta stojol li Moisese. Jech laj yalic: —¿C'u yu'un ti laj avic'uncutic loq'uel tal ta Egiptoe? Yu'un li' xa chichamcutic ta xocol banamil avu'un. Yu'un mu'yuc vo' chcuch'cutic, xchi'uc mu'yuc jve'elcutic. I'ech' xa co'ntoncutic yu'un li ve'lil li'i —xiic.

Marcos 10:14

C'alal laj yil Jesús ti ta spajesvanic li yajchanc'optaque, chopol laj ya'ay. Jech laj yalbe: —Ac'o talicuc ta jtojol li ololetique; mu me xapajesic. Yu'un li boch'otic ja' jechic jech chac c'u cha'al ololetique ja' chventainatic yu'un Dios.

Marcos 3:5

Li Jesuse ilinem ti c'alal la sq'uel ta jujujot xocone. Laj yat yo'nton ta scoj ti toj tsots yo'ntonique, jech laj yalbe li vinique: —Xach'o li ac'obe —xut. Jech la xach' li sc'obe, ta ora icol.

Deuteronomio 32:22

Li sc'ac'al co'ntone tsanem jech chac c'u cha'al c'oc'. Ta to stsan batel c'alal to ta yavil animaetic. Ta xchic' li banamile xchi'uc li sat c'usi ch'iemique. Ta xac'be sc'ac'al li snaclebtac vitsetique.