Números 10:33 - Bible in Tzotzil de Chenalhó with Deuterocanon

³³ Jech itotsic batel te ta vits yu'un Muc'ul Dios; oxib c'ac'al ixanovic batel. Li xcaxail smantal Diose ja' ba'yucbe ibat yu'unic. Te la sa'ilanic batel bu banamilal xu' ta xcux yo'ntonic, yu'un jech xu' te ta spas scarpanaic.

Bible in Tzotzil de Chamula

³³ Ja' yu'un un, loq'uic batel ta vits yu'un ti Diose, oxib c'ac'al laj stam batel ti sbeique. Ja' jba'be batel yu'unic ti xcaxail trate yu'un ti Diose, ta sa'ilanic batel bu xu' ta xcux ti yo'ntonique.

Números 10:33 Iomraidhean Croise

Salmos 95:11

Ja' yu'un ta sc'ac'al co'nton jamal laj cal ti j'ech'el mu x'ochic o ti bu caloj chcux yo'ntonique’, xichi”, xi li Diose.

Éxodo 19:3

Li Moisese imuy batel yo' bu oy li Dios te ta vits Sinaie. Te ic'opanat yalel tal yu'un li Muc'ul Diose. Jech i'albat: —Jech xavalbe ya'yic scotol li smomnich'nabtac Jacobe, ja' li israeletique:

Éxodo 3:1

Li Moisese ja' chchabibe xchij li smuni' Jetroe, ja' li pale te ta Madiane. Ta yan c'ac'al laj yic' jelovel ta xocol banamil li chijetique; ic'ot c'alal to ta vits yu'un Dios, ja' li Horeb sbie.

Isaías 11:10

C'alal tsta sc'ac'alil chloc' li sq'uelum Isaie, ja' jech chc'ot ta stojol jujun lum jech chac c'u cha'al bandera ti toyol muyesbile. Sa'bil yu'un scotol li cristianoetique; ti bu chnaquie, toj jun no'ox yutsil.

Isaías 28:12

Jech ono'ox albilic yu'un Dios ta ba'yuc: “Junuc xa avo'ntonic, cuxo xa avo'ntonic; ac'o xa xcux li boch'o lubene”, xi. Pero muc xich'ic ta muc'.

Isaías 66:1

Li Muc'ul Diose jech chal: “Li vinajele ja' jchotleb; li banamile ja' stec'ub cacan. ¿C'u x'elan chapasbicun jna li vo'oxuque? ¿Bu xu' chapasbicun xcuxubil co'nton?

Jeremías 3:16

C'alal me la'epajic, me labolic xa'ox te ta avosilalique, mu'yuc xa boch'o chc'opoj ta sventa li xcaxail jmantale, mu'yuc xa boch'o tsnop, mu'yuc xa boch'o tst'ab, yu'un mu'yuc xa ta yo'ntonic o, xchi'uc mu snopic me tspasic yan. Jech chcal vu'un li Muc'ul Diosune.

Jeremías 31:2

Jech chal li Muc'ul Diose: “Li jteclumal ti icolic ta milele, laj cac'be yilic slequil co'nton te ta xocol banamil ti c'alal ja'o chbat sa' bu ta xcux yo'nton li Israele.

Jeremías 6:16

Li Muc'ul Diose jech chalbe noxtoc li yu'untaque: “Va'ano abaic ta be, q'uelo lec avilic. Jac'o c'u x'elan li beetic ta vo'onee; jac'o ava'yic bu li tuq'uil bee. Ja' xat'unic batel, jech cux xi avo'ntonic”, xut. Pero li stuquique jech chalic: “Mu jc'an te xibatcutic”, xiic.

Ezequiel 20:6

Ja'o yorail te laj calbeic ta jamal ti ta jloq'uesic tal ta Egipto banamile, ti ta xquiq'uic batel ta banamil ti bu jt'ujojbeique, ja' li jun banamil ti bu chloc' ep ya'lel chu' vacax xchi'uc pome, ti stuc no'ox toj c'upil sba ta scotole.

Números 10:12

Li israeletique itotsic batel scotolic, la scomtsanic li xocol banamil Sinaie. Li toque te ic'ot pajuc ta xocol banamil ta Parán.

Deuteronomio 1:33

ja' ti ba'yucbe ono'ox ital avu'unique, ti laj yic'oxuc tal li' ta osil yo' bu chanaquiique. C'alal laj yac' tal avilic be ta ac'ubaltique, c'oc' la stojobtasoxuc tal. Yan ta c'ac'altique, toc la stojobtasoxuc tal.

Deuteronomio 31:26

“Ich'ic li svunal mantaletic li'i. Aq'uic ta sc'al li xcaxail c'usi xchapanoj Muc'ul Diose yu'un jech te ac'o oyuc o. Ja' sventa chana'ic o c'usi chc'ot ta pasel ta atojolic.

Deuteronomio 9:9

Li vu'une ja'o muyemun batel ta jolvits yu'un bat quich' tal li pech'ajtic ton yo' bu ts'ibabil li c'usitic xchapanoj Dios tspas ta atojolique. Te lijalij cha'vinic (40) c'ac'al xchi'uc cha'vinic (40) ac'ubal. Mu'yuc c'usi la jve'; mu'yuc c'usi laj cuch'.

Hebreos 13:20

Li Dios ti chac' jun o'ntonale, ti la xcha'cuxes loq'uel ta smuquinal li Cajvaltic Jesucristoe, ja' li Banquilal Jchabichij cu'untique, ti ja' ta sventa xch'ich'al laj yac' c'otuc o ta pasel sbatel osil li c'usi chapanbil yu'une,

Josué 4:7

jech xavalbeic: ‘Li'i, ja' senyail ti la svoc' sba li uc'um ta sventa li xcaxail smantal Muc'ul Diose. Yu'un c'alal ijelov tal ta uc'um li xcaxail smantal Diose, la svoc' sba li uc'ume. Ja' yu'un li tonetic li'i ja' sna'ubil chcom o cu'untic c'alal ta calab jnich'nabtic ti oy c'usi lec ic'ot ta pasel ta jtojoltic, vu'utic li israelutique’, utic”, xi li Josuee.

Jueces 20:27

Ja'o ochem ta paleal yu'unic li Finees, xnich'on Eleazar, ja' li smomnich'on Aarone, xchi'uc ja'o te oy ta Betel li xcaxail smantal Diose. Li israeletique jech la sjac'beic yan velta li Muc'ul Diose: “¿Me chbat jpascutic pleito yan velta xchi'uc li jchi'ilcutic ta israelal, ja' li xnich'nabtac Benjamine, o me ja' lec ti te tsalbil chicomcutique?”, xutic. Li Muc'ul Diose jech laj yal: “Batanic, oc'om chacac'boxuc xa ta ac'obic”, xi.

1 Samuel 4:3

C'alal isutic ta scarpanaic li israeletique, li banquilaletic yu'unique jech laj yalic: “¿C'u yu'un laj yac'utic ta milel yu'un filistaetic li Muc'ul Diose? Ja' lec bat quich'tic tal li xcaxail smantal Muc'ul Dios te ta Siloe yu'un li' ac'o oyuc ta jtojoltic, jech xu' chiscoltautic loq'uel ta sc'ob li cajcontratique”, xiic.