Números 10:29 - Bible in Tzotzil de Chenalhó with Deuterocanon

²⁹ Ta yan c'ac'al li Moisese jech laj yalbe li sbole, ja' li Hobab xnich'on Reuel madián vinique: —Li vu'uncutique chibatcutic xa ta banamil ti bu yaloj ono'ox Dios chiyac'buncutique. Batic, bat chi'inuncutic, lec chajc'anotcutic yu'un li Muc'ul Diose yaloj ta jamal ti lec sc'anoj ec li israeletique —xut.

Bible in Tzotzil de Chamula

²⁹ Oy jun c'ac'al, ti Moisese xi laj yalbe ti Hobabe, ti ja' sbole, xnich'on ti Reuele, ti ja' jun madianita vinique: —Ti vu'uncutique ta xibatcutic ta jteclum ti bu yaloj ti Dios ti ta xac'buncutique. La' chi'inotic. Lec ta jpas jbacutic ta atojol. Yu'un ti Diose yaloj ti ta xc'uxul yo'nton ta xc'uxubin ti Israele.

Números 10:29 Iomraidhean Croise

Génesis 12:7

Li Muc'ul Diose te laj yac' sba ta ilel ta stojol li Abrame. Jech laj yalbe: “Li banamil li'i ja' ta xcac'beic li amomnich'nabtaque”, x'utat. Ja' yu'un li Abrame te lic spasbe jun scajleb smoton li Muc'ul Diose yu'un chich' ta muc' ta sventa ti laj yac' sba ta ilel ta stojole.

Génesis 13:15

Scotol li banamil chaq'uel batele vu'un chacac'bot. Ja' avu'un o xchi'uc amomnich'nabtac.

Génesis 15:18

Ja'o yorail oy c'usi la xchapanic xchi'uc Abram li Muc'ul Diose, jech laj yalbe: —Li banamil le' xlic tal ta yuc'umal Egipto c'alal to ta muc'ta uc'um Eufratese ja' ta xcac'be li amomnich'nabtaque.

Génesis 17:8

Li vo'ot xchi'uc amomnich'nabtaque chacac'boxuc scotol li Canaán banamil te yo' bu nacalote. J'ech'el chavich'ic o comel. Jech noxtoc vu'un Diosun avu'unic o —x'utat.

Génesis 32:12

Vo'ot laj avalbun ta jamal ti lec chic'ot avu'une. Xchi'uc laj avalbun noxtoc ti ta to xbol ep jmomnich'nabtaque, ti ja' jech yepal chbatic jech chac c'u cha'al yi'tic ta ti'nab ti mu stac' atele”, xi la sc'opan Dios li Jacobe.

Salmos 100:1

Jnaclumetic ta banamil, cuxetuc no'ox avo'nton q'uejinanic yu'un li Diose.

Salmos 34:8

Q'uelavilic, pasic preva ava'yic, toj lec li Muc'ul Diose. Toj jun no'ox yutsil li boch'o ja' no'ox spatoj yo'ntonic o ta stojole.

Salmos 95:1

La'ic, la' jq'uejintatic Muc'ul Dios ta xcuxetel co'ntontic; la' jq'uejintatic li Jchabivanej, li Jcoltavanej cu'untique.

Éxodo 18:1

Li Jetroe, ja' li pale ta Madián banamile, ja' li smuni' Moisese, laj ya'ay scotol c'usi la spas Muc'ul Dios ta sventa li Moisese, xchi'uc c'u x'elan la scolta li israeletique, xchi'uc ti ja' la sloq'ues tal ta Egipto banamile.

Éxodo 18:12

Li Jetroe la xchic'be jcot smoton li Diose yu'un laj yich' ta muc', xchi'uc laj yac' yantic matanaletic. Li Aarón xchi'uc banquilaletic yu'un israeletique te italic; co'ol la xchi'inic ta ve'el ta stojol Dios li smuni' Moisese.

Éxodo 18:27

Te la svoc' sbaic xchi'uc smuni' li Moisese, yu'un isut batel ta slumal li smuni'e.

Éxodo 2:18

C'alal isutic batel yo' bu oy li stotique, jech la sjac' li totile: —¿C'u yu'un ti ta ora no'ox lasutic tale? —xi.

Éxodo 2:21

Li Moisese lec laj ya'ay ti te icom ta sna li Reuele. Ts'acal to li Reuele te laj yac'be yic' jun stseb, Séfora sbi.

Éxodo 3:1

Li Moisese ja' chchabibe xchij li smuni' Jetroe, ja' li pale te ta Madiane. Ta yan c'ac'al laj yic' jelovel ta xocol banamil li chijetique; ic'ot c'alal to ta vits yu'un Dios, ja' li Horeb sbie.

Éxodo 3:8

Ja' yu'un liyal tal; tal jcolta loq'uel ta sc'obic li egiptoetique. Ta xbat jloq'uesic tal te ta banamil yo' bu oyique. Ta xquiq'uic batel ta yan banamil ti lec jamale, ti toj jun yutsile. Ja' ti bu chloc' ep ya'lel xchu' vacax, xchi'uc pom jech chac c'u cha'al chloc' vo'e. Ja' li banamil yo' bu nacalic li canaanetique, li hetetique, li amorretique, li ferezetique, li hevetique, xchi'uc li jebusetique.

Éxodo 6:4

Jech noxtoc la jchapan ta stojolic ti chcac'beic li osil te ta Canaán banamile, ja' li osil bu i'ech' naquiicuc jayibuc c'ac'al jech chac c'u cha'al jch'om banamiletic no'oxe.

Isaías 2:3

Ep cristianoetic chtalic ta jujun lum jech chalic: “La'ic, muycutic batel ta vits yu'un li Muc'ul Diose; muycutic batel ta sna li Dios yu'un Jacobe, yu'un ja' te chijyac'butic quiltic li beetic yu'une, jech chlic xanovcutic ta bic'tal be yu'un”, xiic. Yu'un ja' te ta Sión ta xloc' tal li mantaletic yu'un Muc'ul Diose; te ta Jerusalén ta xlic tal li sc'ope.

Jeremías 50:5

Ta sjaq'uic tal bu sbelal li Sione. Ja' te ta xbatic, jech ta xalic: ‘La'ic, la jtsob jbatic ta stojol Muc'ul Dios ta sventa c'usi chapanbil ti mu xlaj sc'oplal sbatel osile, ti mu xch'ay ta co'ntontic oe’, xiic.

Números 10:28

Ja' jech jmoj xcholetic batel li israel soldadoetic ti c'alal ixanovic batele.

Números 23:19

Li Diose mu jechuc jech chac c'u cha'al cristianoetic ti sna' xchamique. Mu sna' x'epalc'opoj; mu sna' sjel li c'usi tsnope. Me oy c'usi chloc' ta yee, persa tspas. Me oy c'usi chal ta jamale, persa chac' c'otuc ta pasel.

Hechos 7:5

Pero muc x'ac'bat yich' yu'un li Diose; me jutebuc yav yacan muc x'ac'bat. Ja' no'ox i'albat ti ta xich' ta ts'acale, ti ja' ta xich'ic comel smomnich'nab ti c'alal chamen xa'oxe. Pero mu'yuc to'ox xnich'on ti c'alal jech i'albate.

Deuteronomio 30:5

Li Muc'ul Diose ta xlic yic'oxuc sutel tal yan velta te ta banamil ti bu laj to'ox yac'be li amoltotaquic ta vo'onee. Ja' chvul avich'ic yan velta ec li vo'oxuque. Scotol chlic ataic yan velta. Xchi'uc ech'em to chac' boluc anich'nabic, ja' mu sta jech ibolesbat xnich'nabic li amoltotaquic ta vo'onee.

Deuteronomio 4:40

Ch'unbeic me scotol li c'usitic chayalboxuque xchi'uc li smantaltaque, ja' ti chacalboxuc ava'yic li' ta orae. Me jech chapasique, xcuxet no'ox avo'ntonic li vo'oxuque xchi'uc li amomnich'nabique. Xchi'uc jal chacuxiic te ta avosilic yo' bu chayac'boxuc avich'ic li Muc'ul Dios cu'untique”, xi li Moisese.

SUN TITO 1:2

Jech tspat yo'ntonic ti xu' chcuxiic sbatel osile, ja' ti yaloj ono'ox Dios ta sliquebal ti ta xac' cuxicutique. Li stuque mu sna' x'epalc'opoj.

Hebreos 6:18

Jech oy chib c'usi mu xlaj sc'oplal laj yal li Diose, ja' svinajeb ti persa chc'ot ta pasel, ti mu ja'uc no'ox ch-epalc'opoje. Jech chpat lec co'ntontic, tstsatsub lec co'ntontic yu'un, vu'utic ti jch'unojtic, ti jpatoj xa co'ntontic ta jtatic li c'usi ta jmalatique.

Apocalipsis 22:17

Li Ch'ul Espíritu xchi'uc li yajnil Ch'ium Chije jech chalic: “La' me ta ora”, xiic. Li boch'otic cha'yic li c'op li' ts'ibabile jech ac'o yalic ec: “La' me ta ora”, ac'o xiicuc. Li boch'otic taquin yo'ntonique ac'o talicuc ta stojol li Jesuse. Li boch'o tsc'ane smoton ch-ac'bat li vo' sventa cuxlejale.

Jueces 1:16

Li xnich'nab queneo vinic, ja' li smuni' Moisese, iloq'uic batel ta lumetic ti xantic sbie; ja' la xchi'inic batel li jchop liquemic ta Judae. Te ibatic ta xocol banamil yu'un li Judá te ta stuq'uil sur yu'un Arade. Jech te icom naquiicuc scotolic.

Jueces 4:11

Li Heber, ja' li queneo vinique, ja' li yalab xnich'nab smuni' Moisese, te la spas scarpanaic ta stenlejaltic Zaanaim ti c'alal la svoc' sbaic xchi'uc li yantic quenetique. Li Zaanaime te oy ta nopol Cedes.

1 Samuel 15:6

Jech laj yalbe li quenetique: —Voc'o abaic loq'uel ta stojol li amalequetique yu'un jech mu teuc capal xacham achi'uquic. Yu'un li vo'oxuque lec laj apas abaic ta stojol israeletic ti c'alal iloq'uic tal ta Egiptoe —xut. Ja' yu'un li quenetique lic svoc' sbaic loq'uel ta stojol li amalequetique.