Números 10:12 - Bible in Tzotzil de Chenalhó with Deuterocanon

¹² Li israeletique itotsic batel scotolic, la scomtsanic li xocol banamil Sinaie. Li toque te ic'ot pajuc ta xocol banamil ta Parán.

Bible in Tzotzil de Chamula

¹² Jech ti israeletique loq'uic batel ti ta sbajtical banomil yu'un ti Sinaie. Laj stam batel sbeic. Ti toque xbolet ta xbat, c'ot pajuc ta sbajtical banomil yu'un Parán.

Números 10:12 Iomraidhean Croise

Génesis 14:6

Te ta vitsetic yu'un Seir la stsalic comel noxtoc li horetique. La snutsic batel c'alal to ta stenlejaltic Parán ta sts'el xocol banamil.

Génesis 21:21

Ts'acal to isa'bat yajnil yu'un li sme'e; i'ac'bat yic' jun egipto ants.

1 Reyes 11:18

Te iliquic ta Madián; ic'otic ta Parán. Te laj yic' batel xchi'inic jayibuc viniquetic noxtoc. C'alal ic'otic ta Egiptoe, te ibatic ta stojol li Faraone. Te i'ac'bat snaic xchi'uc sve'elic, xchi'uc iq'uelanbat yosilic.

Éxodo 13:20

Li israeletique iloq'uic batel ta Sucot; te c'ot spas scarpanaic ta Etam, ja' ti bu xlic batel xocol banamile.

Habacuc 3:3

Li Diose te chlic tal ta Temán; li ch'ul Diose te chlic tal ta vits Parán. Li xojobale tspuc sba ta scotol vinajel; li yalbel slequilale chnoj ta scotol banamil.

Números 1:1

C'alal xchibal xa'ox u stsacoj chib jabil sloq'uelic tal ta Egipto li israeletique, ta sba c'ac'al li xchibal ue, jech i'albat yu'un Muc'ul Dios li Moisés te ta vits Sinaí ti c'alal te oy ta ch'ulna pasbil ta nucule:

Números 10:33

Jech itotsic batel te ta vits yu'un Muc'ul Dios; oxib c'ac'al ixanovic batel. Li xcaxail smantal Diose ja' ba'yucbe ibat yu'unic. Te la sa'ilanic batel bu banamilal xu' ta xcux yo'ntonic, yu'un jech xu' te ta spas scarpanaic.

Números 12:16

ja' to ti c'alal la xchi'inic ta naclej yan velta li Mariae. Jech la scomtsanic yan velta li Hazerote. Ic'ot spas scarpanaic ta xocol banamil Parán sbi.

Números 13:26

Te ivulic yan velta ta Cades ta xocol banamil ta Parán. Te ivul staic li Moisés, li Aarón, xchi'uc scotol li israeletique. Te vul yalic scotol li c'usi laj yilic tale, xchi'uc vul yaq'uic ta ilel li sat c'usitic yich'ojic tale.

Números 13:3

Li Moisese la spas jech chac c'u cha'al i'albat yu'un li Diose. La stac batel li viniquetique, te iliquic ta xocol banamil ta Parán. Scotolic oy yabtelic ta stojol li xchi'iltaquique.

Números 2:34

Li israeletique ja' jech la spasic scotol jech chac c'u cha'al albil yu'un Muc'ul Dios li Moisese. Ta jujuchopic te la spas scarpanaic ta yolon li sbanderaique, xchi'uc ta jujuchop ixanovic batel, xchi'uc ta jujuchop sbiic xcholet ibatic.

Números 9:1

C'alal iloc' xa'ox jun jabil sloq'uelic tal ta Egipto li israeletique, ta sliquebal yual li jabil yu'unique, li Muc'ul Diose la sc'opan li Moisés te ta xocol banamil ta Sinaie. Jech laj yalbe:

Números 9:17

C'alal ta xlic xanovuc batel li toc te ta sba ch'ulna pasbil ta nucule, ja' yorail chlic totsicuc batel scotol li israeletique. Ti bu chc'ot pajuc li toque, te no'ox ta xlic spas scarpanaic.

Números 9:5

C'alal mal xa'ox c'ac'al ta xchanlajunebal c'ac'al yochel li u ta sliquebal jabile, la spasic li q'uin Coltael te ta xocol banamil ta Sinaie. La spasic scotol jech chac c'u cha'al albil yu'un Muc'ul Dios li Moisese.

Deuteronomio 1:1

Li c'op li'i ja' ti laj yal Moisés ta stojol scotol israeletic c'alal te oyic ta jot uc'um Jordán ta stuq'uil sloq'ueb c'ac'ale. Ja' te ta xocol banamil ta yosilal Arabá ta stuq'uil Suf ti cacal ta o'lol yu'un li yosilal Parán, Tofel, Labán, Hazerot, xchi'uc Dizahabe.

Deuteronomio 1:19

“C'alal lijloc'utic tal ta vits Horebe, tuc' lijtalutic ta vitsetic ta yosilal amorretic, ja' la jch'untic ti jech ono'ox yalojbutic li Muc'ul Dios cu'untique. La jxantic tal scotol li muc'ta xocol banamil ti toj xi'bal sba laj avilique, ja' to ti c'alal lijc'otutic ta Cades-barneae.

Deuteronomio 1:7

Ich'ic xa batel scotol li c'usitic oy avu'unique. Batanic ta yosilal li amorretique xchi'uc ta lumetic ti te nopolique: Ja' te xabatic ta Arabá, ta vitsetic, ta stenlejaltic, ta Néguev, ta ti'ti' nab, ja' li yosilal canaanetique, xchi'uc c'alal ta Líbano, xchi'uc c'alal to ta muc'ta uc'um Éufrates.

Deuteronomio 33:2

Jech laj yalbe chac li'i: “Li Muc'ul Dios cu'untique ilic tal ta Sinaí; la sacubtasbutic c'alal to ta Seir. Sacjaman yu'un c'alal to ta vits Parán; staoj c'alal to ta Meriba-cades; ta sbats'ic'ob yich'ojbutic tal li mantaletic yu'une.

1 Samuel 25:1

Li Samuele icham, jech scotol israeletic la stsob sbaic, laj yoc'taic. Te la smuquic ta sna te ta Ramá. Li Davide isut batel ta xocol banamil te ta Parán.