Números 10:10 - Bible in Tzotzil de Chenalhó with Deuterocanon

¹⁰ C'alal toj xcuxet no'ox avo'ntonique, jupanic oq'ues noxtoc, jech chac c'u cha'al c'alal yorail q'uin avu'unique, xchi'uc c'alal chlic uninajuc li ue, xchi'uc c'alal chachic'bicun jmotone, xchi'uc c'alal chavac'bicun jmoton sventa lec chquiloxuque. Jech chat'abic o ta co'nton acotolic, vu'un li Muc'ul Diosun avu'unique”, x'utat yu'un Muc'ul Dios li Moisese.

Bible in Tzotzil de Chamula

¹⁰ Oq'uisanic xtoc ti oq'ues ti c'alal jun avo'ntonic ta x'ech' ti c'ac'ale jech c'u cha'al ti ta sta sc'ac'alic ti q'uine, ti ach' ue, ti jun yutsil smuil ta xich' chiq'uel ti matanale, xchi'uc ti c'usi ta xich' svocol ta sventa ti lajesobil o'ntonale. Ti jech taje, ta jvulesoxuc ta co'nton. Ti vu'un une, ja' ti Ajvalil Dios avu'unique.”

Números 10:10 Iomraidhean Croise

2 Reyes 4:23

Jech ijac'bat yu'un li smalale: —¿C'u yu'un ti chbat aq'uel ta orae? yu'un mu to ja'uc yorail q'uin sventa ch-uninaj u, xchi'uc mu to ja'uc yorail ta jcux co'ntontic —x'utat. —Mu c'u xal avo'nton —xi li antse.

1 Crónicas 15:24

Li paleetic Sebanías, Josafat, Natanael, Amasai, Zacarías, Benaía, xchi'uc Eliezere ja' ba'yucbeic batel yu'un li caxae, tsjupanic batel yoq'uesic. Li Obed-edom xchi'uc Jehiase ja' chchabiic batel noxtoc li caxae.

1 Crónicas 15:28

Ja' jech laj yich'ic batel xcaxail smantal Muc'ul Dios scotol li israeletique. Xcuxet no'ox yo'ntonic tstijic batel sonetic, oq'uesetic, sepsep taq'uinetic, xchi'uc arpaetic.

1 Crónicas 16:42

Le'e ja' la sjupanic oq'uesetic, la stijic sepajtic taq'uin, xchi'uc yantic sonetic sventa chq'uejinic ta stojol Dios. Yan li xnich'nabtac Jedutune ja' icomic ta jchabi ti'na.

2 Crónicas 29:26

Li levietique te va'ajtic xchi'uc sonic ti yac'oj comel ta pasel li Davide, xchi'uc te va'ajtic xchi'uc yoq'uesic li paleetique.

2 Crónicas 29:28

Scotol li epal israeletique lic yich'ic ta muc' li Muc'ul Diose. Li jq'uejimoletique lic q'uejinicuc. Li j'oq'uesnometique lic sjupan yoq'uesic. Ja' to ilaj yo'ntonic ti c'alal ic'ac' scotol li smoton Diose.

2 Crónicas 7:6

Li paleetique te laj yac' sbaic ti bu yavil jujunique. Yan li levietique ja' la stijic o li sonetic ti laj ono'ox yac' ta pasel ajvalil sventa chchi'invanic o ta q'ueoje. Jech chal li sq'ueojique: “Li c'uxubinel yu'un Muc'ul Diose mu xlaj o sbatel osil”, xi. Ja' li q'ueoj ti laj ono'ox sq'uejintaic xchi'uc li Davide. Li paleetique te ta stojol scotolic la sjupan yoq'uesic ti c'alal ja'o va'al scotolique.

Esdras 3:10

C'alal la sliquesbeic snacleb ch'ulna li alvaniletique, li paleetique la slap lec sc'u'ic sventa paleal; laj yich' lec yoq'uesic. Li levietic smomnich'nabtac Asafe laj yich'ic sepsep taq'uinetic sventa chich'ic ta muc' li Muc'ul Dios jech chac c'u cha'al yaloj ono'ox mantal li David ajvalil ta Israele.

Nehemías 12:35

Li paleetic yich'oj batel yoq'uesique, ja' Zacarías xnich'on Jonatán, ja' smoltotac li Semaías, Matanías, Micaías, Zacur, xchi'uc Asafe.

Salmos 150:3

Ich'ic ta muc' ta oq'uesetic; ich'ic ta muc' ta muc'tic arpa xchi'uc ta yantic arpaetic.

Salmos 81:3

Jupano avoq'uesic ti c'alal mucul ue, xchi'uc ti c'alal sepet ue, yu'un ja' sc'ac'alil li q'uin cu'untique.

Salmos 81:4

Yu'un ja' jech mantal quich'ojtic vu'utic li israelutique; ja' jech yaloj mantal li Dios yu'un Jacobe.

Salmos 89:15

Muc'ul Dios, xcuxet no'ox yo'nton li boch'otic sna'ic yalel alequilale; ja' chanovic ta saquil osil avu'un.

Éxodo 28:29

Jech c'alal ch-och ta yut ch'ulna pasbil ta nucul li Aarone, te pac'al ochel o li vorxapoq'ue. Jech te x'ich'un o ochel yu'un ta jtojol sbiic li jaychop achi'iltaque, jech mu xch'ayic o ta co'nton.

Éxodo 30:16

Ich'o scotol li taq'uin chaq'uic ta sventa mu xchamic li achi'iltac ta israelale. Te xavac' tunuc ta sventa abtel ta ch'ulna pasbil ta nucul. Ja' sna'ubilic cu'un li achi'iltac ta israelal ti yac'ojic taq'uin sventa mu xchamique”, xi.

Isaías 27:13

Ja'o yorail chich' jupanel li muc'ta oq'uese, jech chlic talicuc scotol li boch'otic spucoj sbaic batel ta yosilal Asiriae, xchi'uc li boch'otic chucbilic batel ta Egipto banamile. Te chvul yich'ic ta muc' ta ch'ul vits li Muc'ul Diose, ja' li Jerusalene.

Levítico 23:24

“Jech xavalbe ya'yic scotol li achi'iltac ta israelale: Ta sba c'ac'al li svucubal ue chabiic jun c'ac'al sventa chacux avo'ntonic, xchi'uc pasic jun ch'ul tsobajel sventa chavich'icun ta muc', xchi'uc jupano avoq'uesic sventa chana'icun.

Números 10:9

“C'alal me chtal stsacoxuc ta pleito te ta avosilalic li avajcontraique, tsots chajupanic li oq'uesetique; bat tsaquic ta pleito acotolic. Jech chat'abic ta co'nton vu'un li Muc'ul Diosun avu'unique; jech chajcoltaoxuc loq'uel ta sc'ob li avajcontraique.

Números 28:11

“Ta sba c'ac'al jujun ue, xavac'bicun jmotonin cha'cot tot vacax sventa chich' chiq'uel, xchi'uc jcot tot chij, xchi'uc vuccot ch'ium chij ti jun to jabil svoq'uele, ti bu ven leque.

Números 29:1

“Li sba c'ac'al ta svucubal ue, pasic jun ch'ul tsobajel ta jventa. Li jun c'ac'al le'e me junuc mu me boch'o spas jchopuc abtel avu'unic. Ja' yorail chajupanic li oq'uesetique.

San Mateo 11:28

La'ic ta jtojol acotolic, vo'oxuc ti lubenoxuc yu'un li tsatsal abtele xchi'uc li alal icatsile, vu'un ta xcac' acux avo'ntonic.

Hechos 10:4

Li Cornelioe la sq'uel li j'almantale, toj xi'el ic'ot, jech la stac'be: “¿C'usi chaval, Cajval?”, xut. Jech i'albat yu'un li j'almantale: “Li sc'opanel Dios chapase xchi'uc li c'usi chaq'uelane, ic'ot c'alal ta stojol Dios sventa mu xch'ay o ta yo'nton.

1 Corintios 15:52

Ta anil no'ox, jmaq'uel no'ox ta satil chc'ot ta pasel, ja'o ti c'alal chbac' oq'ues ta slajebale. Yu'un ta xich' jupanel li oq'uese, jech ta xcha'cuxiic scotol li boch'otic chamenique, jech mu xa sna' xchamic o. Jech ec li vu'utique chc'ataj ta ach' li jbec'taltique.

1 Tesalonicenses 4:16

Yu'un c'alal chyal tal ta vinajel stuc li Cajvaltique, oy boch'o tsots ch-avan tal, tsots chal mantal. Tsots ch-avan tal li banquilal yaj'almantal Diose, xchi'uc chca'itic oq'ues noxtoc. Jech li boch'otic xch'unojic Cajvaltic c'alal chchamique, ja' ba'yuc ta xcha'cuxiic.

1 Tesalonicenses 4:18

Ja' yu'un muq'uibtasbo aba avo'ntonic ta sventa li c'op li'i.

Josué 4:7

jech xavalbeic: ‘Li'i, ja' senyail ti la svoc' sba li uc'um ta sventa li xcaxail smantal Muc'ul Diose. Yu'un c'alal ijelov tal ta uc'um li xcaxail smantal Diose, la svoc' sba li uc'ume. Ja' yu'un li tonetic li'i ja' sna'ubil chcom o cu'untic c'alal ta calab jnich'nabtic ti oy c'usi lec ic'ot ta pasel ta jtojoltic, vu'utic li israelutique’, utic”, xi li Josuee.

Josué 6:4

Vucub paleetic ac'o jelovicuc batel ta ba'yucbe yu'un li xcaxail jmantale. Ac'o yich'ic batel jujun xcachuic sventa tsjupanic. Ta svucubal c'ac'ale joyibtaic vucubuc velta li lume. Li paleetique ac'o sjupan li xcachuique.

Apocalipsis 22:17

Li Ch'ul Espíritu xchi'uc li yajnil Ch'ium Chije jech chalic: “La' me ta ora”, xiic. Li boch'otic cha'yic li c'op li' ts'ibabile jech ac'o yalic ec: “La' me ta ora”, ac'o xiicuc. Li boch'otic taquin yo'ntonique ac'o talicuc ta stojol li Jesuse. Li boch'o tsc'ane smoton ch-ac'bat li vo' sventa cuxlejale.

1 Samuel 20:5

Itac'ov li Davide: —Q'uelavil, oc'ome ja' xa yorail sq'uinal ch-uninaj li ue, jech persa chichoti, ta jchi'in ta ve'el li ajvalile. Pero li vo'ote coltaun batel, yu'un chbat jnac' jba ta te'tic. Ta bat to c'ac'al cha'ej chiloc' tal.