Números 10:1 - Bible in Tzotzil de Chenalhó with Deuterocanon

¹ Li Muc'ul Diose la sc'opan li Moisese. Jech laj yalbe:

Bible in Tzotzil de Chamula

¹ Ti Diose xi laj yalbe ti Moisés ti c'alal laj sc'opon talele:

Números 10:1 Iomraidhean Croise

Génesis 42:13

Itac'ovic: —Vu'uncutic ti li' oyuncutic ta atojole, lajchabuncutic (12) ta voq'uel. Jun no'ox jtotcutic jcotolcutic; te nacaluncutic ta Canaán. Li quits'incutique te icom xchi'in li jtotcutique. Li yan quits'incutique mu'yuc xa te jchi'ucutic —xiic.

Génesis 46:15

Scotol le'e ja' li xnich'nabtac Jacob ta yan yajnil, Lea sbie. Ja'o te ivoq'uic ti c'alal te oyic ta Padan-arame. Xchi'uc oy jun stseb noxtoc, Dina sbi. Ta scotolique oy oxlajuneb xcha'vinic (33) c'alal ta vinic antsetic.

2 Samuel 6:15

Xcuxet no'ox yo'nton xchi'uc scotol li israeletic ti te yich'ojic batel li caxae. X'avetic xtutetute no'ox batel yoq'uesic.

2 Reyes 11:14

Laj yil ti te va'al ta nopol yoyal ch'ulna li ajvalil jech chac c'u cha'al tspasic ono'ox c'alal ch-och ach' ajvalile. Li banquilaletique, xchi'uc li jtijsonetique, xchi'uc li yantic israeletique te xchi'uquic li ach' ajvalile xcuxet no'ox yo'ntonic te tsjupan yoq'uesic. C'alal laj yil jech li Ataliae, la sli' sc'u'; tsots i'avan: —¡Jcontrainvanejetic! ¡J'ac'vanejetic ta c'abal! —xi.

2 Crónicas 23:13

Laj yil ti te va'al ta sts'el yoyal ti'ch'ulna li ajvalile. Te setel ta spat xocon li banquilaletique xchi'uc li jtijsonetique. Xcuxet no'ox yo'ntonic scotol li israeletique, te tsjupan yoq'uesic. Li jq'ueojetique te tsq'uejintaic q'ueoj xchi'uc tstijic sonetic. Li Ataliae la sli' sc'u', tsots i'avan: —¡Jcontrainvanejetic! ¡J'ac'vanejetic ta c'abal! —xi.

2 Crónicas 5:12

Li jq'uejimol levietique, ja' li Asaf, Hemán, Jedutún, xchi'uc yalab xnich'nabique, xchi'uc li yantic yuts' yalaltaquique te va'ajtic ta xocon scajleb smoton Dios ta stuq'uil sloq'ueb c'ac'al, slapojic lec sc'u'ic pasbil ta lino no. Te yich'ojic sepsep taq'uin, muc'ta arpa, xchi'uc biq'uit arpa. Te xchi'inojic noxtoc vaxacvinic (160) paleetic tsjupanic oq'uesetic.

2 Crónicas 7:6

Li paleetique te laj yac' sbaic ti bu yavil jujunique. Yan li levietique ja' la stijic o li sonetic ti laj ono'ox yac' ta pasel ajvalil sventa chchi'invanic o ta q'ueoje. Jech chal li sq'ueojique: “Li c'uxubinel yu'un Muc'ul Diose mu xlaj o sbatel osil”, xi. Ja' li q'ueoj ti laj ono'ox sq'uejintaic xchi'uc li Davide. Li paleetique te ta stojol scotolic la sjupan yoq'uesic ti c'alal ja'o va'al scotolique.

Esdras 3:10

C'alal la sliquesbeic snacleb ch'ulna li alvaniletique, li paleetique la slap lec sc'u'ic sventa paleal; laj yich' lec yoq'uesic. Li levietic smomnich'nabtac Asafe laj yich'ic sepsep taq'uinetic sventa chich'ic ta muc' li Muc'ul Dios jech chac c'u cha'al yaloj ono'ox mantal li David ajvalil ta Israele.

Salmos 47:5

Li Muc'ul Diose toybil ta oq'ues imuy ta xchotleb, toybil ta yech'al yeic ti x'avetic no'ox ta scoj xcuxetel yo'ntonique.

Salmos 81:3

Jupano avoq'uesic ti c'alal mucul ue, xchi'uc ti c'alal sepet ue, yu'un ja' sc'ac'alil li q'uin cu'untique.

Salmos 98:6

Q'uejinanic ta oq'uesetic; jupanic cachuetic ta stojol li Ajvalile, ja' li Muc'ul Diose.

Números 1:52

Li yantic israeletique ac'o c'ot yac' scarpanaic ti bu sc'oplal chaq'uique, xchi'uc ta yolon sbanderaic stuquic, yu'un ja' soldado israeletic.

Números 10:2

“Paso chibuc oq'ues ta saquil taq'uin. Teno lec ta martillo yu'un ja' chtun avu'un sventa chatsob li achi'iltaque, xchi'uc chtun ta sventa senyail ti c'alal chatotsic batele.

Números 29:1

“Li sba c'ac'al ta svucubal ue, pasic jun ch'ul tsobajel ta jventa. Li jun c'ac'al le'e me junuc mu me boch'o spas jchopuc abtel avu'unic. Ja' yorail chajupanic li oq'uesetique.

Números 7:2

Jech li banquilaletic yu'un jujuchop israeletique, ja' li boch'otic icoltavanic ta stsaquel li biiletique,

Números 9:23

Ta smantal Muc'ul Dios ti bu chlic spas scarpanaique; ta smantal Muc'ul Dios noxtoc ti tstotsic batele. Jun yo'nton la xch'unbeic smantal li Muc'ul Dios ti albil li Moisese.

San Mateo 24:31

Tsots ta xich' jupanel oq'ues c'alal ta jtac tal li j'almantaletic cu'une. Ja' ta xtal stsobic scotol li boch'otic t'ujbilic cu'un ta xchanjotal xchiquin banamile.

Josué 6:4

Vucub paleetic ac'o jelovicuc batel ta ba'yucbe yu'un li xcaxail jmantale. Ac'o yich'ic batel jujun xcachuic sventa tsjupanic. Ta svucubal c'ac'ale joyibtaic vucubuc velta li lume. Li paleetique ac'o sjupan li xcachuique.

Apocalipsis 8:2

Laj quil i'ac'bat yoq'uesic li vucub j'almantaletic te va'ajtic o ta stojol Diose.

Jueces 7:20

Jech co'ol la spasic yoxvoc'alic, xchi'uc la svoq'uic li sjarroique. Li stojic stsanojic batele ja' ta sts'etc'ob stsacojic. Yan li xcachuique ja' ta sbats'ic'ob stsacojic batel. Tsots i'avanic: ‘¡Pleito ta sventa Muc'ul Dios xchi'uc ta sventa Gedeón!’, xiic.