Números 1:53 - Bible in Tzotzil de Chenalhó with Deuterocanon

⁵³ Yan li levietique ac'o c'ot yac' scarpanaic te ta spat xocon li ch'ulnae yu'un ja' yu'unic, xchi'uc ja' ta xchabiic. Yu'un jech mu xaquilintaoxuc, vo'oxuc li israeloxuque”, xi li Muc'ul Diose.

Bible in Tzotzil de Chamula

⁵³ Ja'uc ti levitaetique ta sjoy sbaic ta naclej ta spat Axibalna yu'un ti tratee, xchi'uc ta xchabiic yo' jech mu x'ilin ti Dios ta stojol ti israeletique.”

Números 1:53 Iomraidhean Croise

1 Crónicas 23:32

Ja' oy ta yac'olic o xchabiel li ch'ulna pasbil ta nucule xchi'uc ti c'u smuc'ul smacoj li ch'ulnae. Ja' ventainbilic yu'un li xnich'nab Aarón ti jun sts'unubal xchi'uquique.

2 Crónicas 13:10

Pero li vu'uncutique ja' Dios cu'uncutic o li Muc'ul Diose; mu'yuc jcomtsanojcutic o. Li paleetic ti chtunic ta stojol Muc'ul Diose ja'ic o li smomnich'nabtac Aarone. Li boch'otic tspasic c'usitic tsc'an pasel ta sventa Diose ja'ic o li levietique.

2 Crónicas 13:11

Ja' chchic'beic o smoton Muc'ul Dios ta jujun sob, ta jujun mal c'ac'al, xchi'uc ja' chchiq'uic o pom ta stojol li Muc'ul Diose, xchi'uc ja' chaq'uic o li pan ta ba mexa ta stojol Diose. Ja' sventainojic o li candelero xchi'uc slusaltaque yu'un jech tsanajtic o ta jujun mal c'ac'al. Li vu'uncutique mu'yuc ta jcomtsanbecutic o smantal li Muc'ul Diose, ja' li Dios cu'uncutique. Pero li vo'oxuque laj xa acomtsanic.

Jeremías 23:15

Ja' yu'un, vu'un li Muc'ul Diosun, ti ta jpas ta mantal scotol te ta vinajele, jech chcal ta sventa li j'alc'opetique: Ta xcac'be slo'ic ch'ail vomol, xchi'uc ta xcac'be yuch'ic vo' oy svenenoal, yu'un ja' ta sventa j'alc'opetic ta Jerusalén ipuc batel c'usitic chopol ta scotol li yosilalique”, xi li Muc'ul Diose.

Jeremías 5:31

Li j'alc'opetique puru epalc'op c'usitic chalic; li paleetique ja' chaq'uic ta ch'unel li c'usi tsc'an yo'nton stuquique; li jteclumale toj lec cha'yic, jech tsc'an yo'ntonic ec. Pero ¿c'usi chapasic c'alal me la sta yorail ital avocolique?’, uto”, xi li Muc'ul Diose.

Levítico 10:6

Li Moisese jech laj yalbe li Aarón xchi'uc xnich'nabe, ja' li Eleazar xchi'uc Itamare: —Mu me jeche'uc spispun li ajolique, xchi'uc mu me xali' ac'u'ic ta scoj me'nal, yu'un jech mu xachamic, xchi'uc jech mu x'ilin Muc'ul Dios ta stojol li jchi'iltactic ta israelale. Scotol li cuts' calaltic ti jun jts'unubal jchi'uctique ja' ac'o yat yo'ntonic ta sventa ti persa chtal yac' jtoj jmultic li Muc'ul Diose.

Números 1:50

Li levietique ja' no'ox te xavac' abtejicuc o ta jch'ulna pasbil ta nucule. Ja' ac'o sventainic o scotol li c'usitic te chtune xchi'uc scotol li c'usitic ja' sventa o li ch'ulnae. Ja' tsventainic yich'el batel noxtoc li ch'ulna pasbil ta nucule xchi'uc scotol li c'usitic te oye yu'un ja' te chtunic o ta ch'ulna pasbil ta nucul. Xchi'uc te ac'o spas scarpanaic ta spat xocon li ch'ulna pasbil ta nucule.

Números 1:54

Li israeletique lic spasic scotol jech chac c'u cha'al i'albat yu'un Muc'ul Dios li Moisese.

Números 16:46

Li Moisese jech laj yalbe li Aarone: —Bat ich'o tal li xchic'ubil pom avu'une. Ac'bo yac'alil, ja' xavac' li ac'al te ta scajleb smoton Diose, xchi'uc pom. Batan ta ora yo' bu oyic li jchi'iltactique; bat c'anbo Muc'ul Dios ti ac'o xch'aybe ta yo'nton li smulique. Yu'un li Muc'ul Diose bats'i tsots ilinem ta stojolic, xchi'uc liquem xa ta stojolic li tsatsal chamel ti chmilvane —xi.

Números 16:9

¿Me yu'un mu xu' no'ox chava'yic ti t'ujbiloxuc loq'uel yu'un Dios ta stojol scotol jchi'iltactic ta israelal sventa chatunic yu'un te ta ch'ulna pasbil ta nucule? Xchi'uc ¿me mu xu' no'ox chava'yic ti chatunic ta stojol li jchi'iltactique yu'un chanopajic ono'ox batel ta stojol li Muc'ul Diose?

Números 17:7

Li Moisese te bat yac' ta stojol Muc'ul Dios ta yut ch'ulna pasbil ta nucul li namte'aletique.

Números 2:17

“Li levietique cacal ta o'lol ac'o batuc yu'unic chanvoc'uc israeletic. Cha'voc' ac'o batuc ta ba'yucbe. Cha'voc' ac'o batuc ta ts'acalpat. Li Levietique ja' ac'o yich'ic batel li ch'ulna pasbil ta nucule. Li chanvoc' israeletique ja' jech ac'o xanovicuc batel jech chac c'u cha'al xcholoj li scarpanaique, xchi'uc te ta yolon sbandera stuquic ac'o baticuc.

Números 3:23

Li jchop le'e ja' te la spas scarpanaic ta stuq'uil maleb c'ac'al ta spat li ch'ulna pasbil ta nucule.

Números 3:29

Ja' te la spas scarpanaic ta sts'el ch'ulna ta stuq'uil sur.

Números 3:35

Li banquilal yu'unique ja' Zuriel, xnich'on Abihail. Te la spas scarpanaic ta xocon ch'ulna pasbil ta nucul ta stuq'uil norte.

Números 3:38

Ta stuq'uil sloq'ueb c'ac'al ta yeloval li ch'ulna pasbil ta nucule, ja' te la spas scarpanaic li Moisés xchi'uc Aarón xchi'uc xnich'nabtac Aarone. Ja' la sventainic li ch'ulna pasbil ta nucule. Ja' q'uexolil ic'otic ta stojol xchi'iltaquic ta israelal. Me oy boch'o ta scuy sba ta paleal ti c'alal muc ja'uque, ac'o yich' milel.

Números 31:30

Li yan jvoc' ti ja' xa ta sventaic li achi'iltac ta israelale, ja' li tsebetique, li vacaxetique, li buroetique, xchi'uc li chijetique, loq'ueso jujun ta lajuneb yoxvinic (50). Ja' xavac'be li levietique yu'un ja' sventainojic li cabtel te ta ch'ulna pasbil ta nucule”, xut.

Números 31:47

Li Moisese ja' te la sloq'ues li jujun ta lajuneb yoxvinique (50). Ja' jech la spas ta sventa li tsebetique xchi'uc li ts'unub ovolile. Ja' laj yac'be li levietic jech chac c'u cha'al yaloj li Muc'ul Diose, yu'un ja' te chtunic yu'un ta ch'ulna pasbil ta nucul.

Números 8:19

Li levietique ja' la jt'uj loq'uel ta stojol scotol li achi'iltac ta israelale. Laj yich'ic aq'uel ta stojol li Aarón xchi'uc xnich'nabe, yu'un jech ja' xq'uexol achi'iltac ta israelal chc'otic, yu'un ja' te chtunic o ta ch'ulna pasbil ta nucul. Xchi'uc jech xu' chch'aybat smulic ta stojol Dios li achi'iltac ta israelale jech mu persauc ja' chnopajic batel ta ch'ulna stuquic, yu'un jech mu'yuc c'usi chc'ot ta pasel ta stojolic”, xi li Muc'ul Diose.

2 Timoteo 4:2

Cholo o me batel li sc'op Diose. Ac'o persa, ac'o me yorail lec cha'yic, o me yorail mu'yuc lec cha'yic. Aq'uilanbo sna'ic, alilanbo ya'yic, tijbo yo'ntonic. Ta smuc'uluc me avo'nton xachanubtas.

1 Samuel 6:19

Li Diose laj yac' chamicuc lajuneb xchanvinic (70) li viniquetic te ta Bet-semese, yu'un la sq'uelbeic yut li xcaxail smantal Muc'ul Diose. Li yajvaltac lume i'oq'uic ta scoj li tsatsal vocol i'ac'batic yu'un Muc'ul Diose.