Números 1:50 - Bible in Tzotzil de Chenalhó with Deuterocanon

⁵⁰ Li levietique ja' no'ox te xavac' abtejicuc o ta jch'ulna pasbil ta nucule. Ja' ac'o sventainic o scotol li c'usitic te chtune xchi'uc scotol li c'usitic ja' sventa o li ch'ulnae. Ja' tsventainic yich'el batel noxtoc li ch'ulna pasbil ta nucule xchi'uc scotol li c'usitic te oye yu'un ja' te chtunic o ta ch'ulna pasbil ta nucul. Xchi'uc te ac'o spas scarpanaic ta spat xocon li ch'ulna pasbil ta nucule.

Bible in Tzotzil de Chamula

⁵⁰ Yu'un ti levitaetique, ja' tsots sc'oplal ta xavac'be sbainic ta yabtelanel ta sq'uelel ti Axibalna yu'un ti tratee, xchi'uc scotol ti c'usitic oy yu'une, xchi'uc ti c'usitic ta xtun ti ja' yu'un ti Axibalnae. Yu'un ja' yabtelic ta sbainic ta yich'el batel ti Axibalnae, xchi'uc ti c'usitic oye, xchi'uc scotol ti c'usitic ta xtune. Ja' jech xtoc ja' yabtelic ti ta sjoy sbaic ta sq'uelel ti Axibalnae.

Números 1:50 Iomraidhean Croise

2 Crónicas 24:6

Ja' yu'un li ajvalile lic yic' li banquilal pale Joiadae jech laj yalbe: —¿C'u yu'un mu xavac' persa ti ac'o bat stsobic tal taq'uin ta yosilal Judá xchi'uc ta lum Jerusalén li levietique? Yu'un li Moisés, ja' li yajtunel Muc'ul Diose, xchi'uc li jchi'iltactic ta israelale jech ono'ox laj yalic mantal ec ti ac'o yich' tsobel taq'uin sventa chich' pasel li ch'ulna pasbil ta nucule —xut.

Nehemías 12:22

C'alal yorail cuxul li Eliasib, Joiada, Johanán, xchi'uc Jaduae, ja' laj yich'ic tsacbel ta vun sbiic sventa banquilaletic ta jujuchop li levietic xchi'uc paleetique, ja' to ti c'alal i'och ta ajvalilal ta Persia li Darioe.

Nehemías 12:47

Ja' yu'un c'alal yorail cuxul li Zorobabel xchi'uc vu'un li Nehemiasune, scotol li jchi'iltactic ta israelale laj yac'beic c'usitic chtun yu'unic jujun c'ac'al li jq'uejimoletique xchi'uc li jchabi ti'naetique. Ja' xa laj yac'beic ec li levietique; jech ec li levietique ja' xa laj yac'beic ec li smomnich'nabtac Aarone.

Nehemías 12:8

Li levietique ja' li'i: Jesúa, Binúi, Cadmiel, Serebías, Judá, xchi'uc Matanías. Le'e ja' yabtel tsq'uejintabeic slequilal Dios xchi'uc yuts' yalaltaquic.

Nehemías 13:22

Ts'acal lic calbe levietic ti ac'o sts'u'iltas sbaique, ti ac'o xchabiic lec li ti'coraltone, yu'un jech mu me soc li sc'ac'alil xcuxubil co'ntontique. Te la jc'opan Dios: “Dios cu'un, na'o me li c'usi la jpas li'i. Pasbun perdón yu'un jmul ta sventa ti toj ep xc'uxul avo'nton ta jtojolcutique”, xichi.

Nehemías 13:5

Ja' yu'un li Eliasibe yac'ojbe sventain Tobías li jun muc'ta cuarto yo' bu snac'ubil to'ox li matanaletique, li pome, li c'usitic chtun ta ch'ulnae, li jujun ta lajlajuneb sventa trigo, ya'lel ts'usub, xchi'uc aceite ti sc'oplal ja' chich'ic li levietique, li jq'uejimoletique, xchi'uc li jchabi ti'naetique, xchi'uc li yantic matanaletic ti sc'oplal ja' chich'ic li paleetique.

Salmos 122:4

Ja' te chbatic li jaychop sts'unubal yu'untac Muc'ul Diose; te chbat yich'ic ta muc' jech chac c'u cha'al albil ono'ox mantal li Israele.

Éxodo 31:18

C'alal ilaj yo'ntonic ta lo'il xchi'uc Muc'ul Dios li Moisés te ta vits Sinaie, te i'ac'bat yalel tal li cha'pech ton yo' bu ts'ibabil li mantaletic ti la sts'iba tal stuc li Diose.

Éxodo 38:21

Li levietique ja' laj yich'ic ta venta scotol c'u yepal itun li c'usitic pasbil ta taq'uin c'alal la spasic li ch'ulna pasbil ta nucule yu'un jech i'albatic yu'un li Moisese. Ja' q'uelbilic yu'un li Itamar, xnich'on pale Aarone.

Números 1:53

Yan li levietique ac'o c'ot yac' scarpanaic te ta spat xocon li ch'ulnae yu'un ja' yu'unic, xchi'uc ja' ta xchabiic. Yu'un jech mu xaquilintaoxuc, vo'oxuc li israeloxuque”, xi li Muc'ul Diose.

Números 10:21

Ja'o te xtalic ec li smomnich'nabtac Coat ti ja' yabtelic chich'ic batel li c'usitic voc'bilic o sventa chtun te ta ch'ulnae. C'alal ic'otic yo' bu oy li yantique, meltsajem xa'ox c'ot staic li ch'ulna pasbil ta nucule.

Números 17:7

Li Moisese te bat yac' ta stojol Muc'ul Dios ta yut ch'ulna pasbil ta nucul li namte'aletique.

Números 18:5

Vo'oxuc no'ox oy ta aventaic spasel li abtel ta ch'ulna xchi'uc ta scajleb jmotone. Jech mu xi'ilin yan velta ta stojol li achi'iltaquic ta israelale.

Números 2:17

“Li levietique cacal ta o'lol ac'o batuc yu'unic chanvoc'uc israeletic. Cha'voc' ac'o batuc ta ba'yucbe. Cha'voc' ac'o batuc ta ts'acalpat. Li Levietique ja' ac'o yich'ic batel li ch'ulna pasbil ta nucule. Li chanvoc' israeletique ja' jech ac'o xanovicuc batel jech chac c'u cha'al xcholoj li scarpanaique, xchi'uc te ta yolon sbandera stuquic ac'o baticuc.

Números 20:11

C'alal laj yal jeche, lic stoy sc'ob. La smaj ta snamte' chib velta li ch'ene, jech te iloc' tal ep vo'. Jech lic yuch'ic scotol li israeletique xchi'uc scotol li sca' xvacaxique.

Números 4:15

C'alal me laj yo'ntonic ta xpixel c'usitic chtun ta jventa li Aarón xchi'uc xnich'nabe, xchi'uc me lec xa chapal yu'unic sventa chich'ic batel c'alal chanovique, ac'o talicuc li smomnich'nabtac Coate. Ja' ac'o yich'ic batel scotol. Pero me jutuc mu me spic ta sc'obic li c'usi voc'bil cu'un sventa cabtele yu'un jech mu xchamic ta jtojol. Scotol li c'usitic chtun te ta ch'ulna pasbil ta nucule ja' yabtel chich'ic batel li smomnich'nabtac Coate.

Números 4:3

Ja' xatsacbe ta vun sbiic li boch'otic yich'ojic lajuneb xcha'vinic (30) sjabilalic c'alal ta lajuneb yoxvinic (50) jabil, ti xu' xa yu'unic li abtel ta ch'ulna pasbil ta nucule.

Números 8:19

Li levietique ja' la jt'uj loq'uel ta stojol scotol li achi'iltac ta israelale. Laj yich'ic aq'uel ta stojol li Aarón xchi'uc xnich'nabe, yu'un jech ja' xq'uexol achi'iltac ta israelal chc'otic, yu'un ja' te chtunic o ta ch'ulna pasbil ta nucul. Xchi'uc jech xu' chch'aybat smulic ta stojol Dios li achi'iltac ta israelale jech mu persauc ja' chnopajic batel ta ch'ulna stuquic, yu'un jech mu'yuc c'usi chc'ot ta pasel ta stojolic”, xi li Muc'ul Diose.

Números 8:20

Li Moisés, xchi'uc Aarón, xchi'uc scotol israeletique la xch'unic scotol c'usi i'albat yu'un Muc'ul Dios li Moisés ti tsc'an tspasic ta sventa li levietique.

Números 8:22

C'alal ilaj yo'ntonic ta spasel scotole, li levietique bat spasic scotol te ta ch'ulna pasbil ta nucul li yabtelic ti sc'oplal tspasique. Ja' q'uelbilic yu'un li Aarón xchi'uc xnich'nabtaque. Ti c'u x'elan i'albat yu'un Muc'ul Dios li Moisese, ja' jech laj yich'ic pasbel li levietique.

Apocalipsis 15:5

C'alal jech laj quile, ts'acal laj quil ijam li ch'ul cuarto ta vinajel yo' bu tiq'uil li smantaltac Diose.