Números 1:20 - Bible in Tzotzil de Chenalhó with Deuterocanon

^20-21 Jech la stsacbeic sbi scotol ta jujuchop sbiic, xchi'uc ta jujubej snaique, xquechet la stsacbeic sbi ta jujun li viniquetic ti xlic ta jtob (20) jabil sjabilalique, ja' jech yepal iloc' chac li'i: Li jchop liquem ta Rubene, ja' li banquilal xnich'on Israele, ja' o'lol svucubal yoxvinic ta mil (46,500) iloc' ta scotol li viniquetic ti xu' xa yu'unic paspleitoe.

Bible in Tzotzil de Chamula

^20-21 C'alal laj xa yich' tsaquel sbiic ti jujuvoc' ti totil me'il yu'unique, jech c'u cha'al tsacbil sbiic ta jujun ti jtob jabil yich'oje, xchi'uc ti x'ech' ta jtob jabil yich'oje, ti jujun ta scotolic ti chapal sc'oplal ti xu' ta xloq'uic ta ac'-letoe, ja' loc' ta chapel jech c'u cha'al li'e: Ta sventa xnich'nab ti Rubén ti ja' sbanquilal nich'on ti Israele, ti jech ayanem snitilultac ta jvoc' ti totil me'il yu'unique, ja' loc' ta chapel vaquib yoxvinic ta mil xchi'uc vo'ob ciento (46,500) ti viniquetic ti baxbolic ta ac'letoe.

Números 1:20 Iomraidhean Croise

Génesis 29:32

Li Leae lic xchi'in yol, jech ivoc' jun squerem. Rubén laj yac'beic sbi yu'un jech laj yal: “Li Muc'ul Diose laj yil ti chcat co'ntone, ja' yu'un li' ta orae xu' chlic sc'anun li jmalale”, xi.

Génesis 35:23

Li yalabtac Leae ja' Rubén sbi li banquilale; ja'o ital Simeón, Leví, Judá, Isacar, xchi'uc Zabulón.

Génesis 46:9

Li xnich'nabtac Rubene ja' Hanoc, Falú, Hezrón, xchi'uc Carmi.

1 Crónicas 5:1

Li xnich'nab Rubén, ja' li sba xnich'on Israele, ja' Hanoc, Falú, Herzón, xchi'uc Carmi. Ac'o me ja' ba nich'onil li Rubene, pero ta sventa ti la sc'opanbe yajnil stote, jech muc ja'uc laj yich' li c'usi sc'oplal chich'e. Ja' laj yich' li Josee, ja' li yan xnich'on Israele. Li Rubene muc xcom jech chac c'u cha'al ba nich'onil. Pero ta ts'acal ja' banquilal ic'ot yu'un scotol li judaetique, yu'un ja' te iloc' jun banquilal yu'unic. Pero li c'usi sc'oplal chich' li banquilale ja' laj yich' o li Josee.