Números 1:16 - Bible in Tzotzil de Chenalhó with Deuterocanon

¹⁶ Li'i ja' scotol li banquilaletic yu'unic ti laj yich'ic t'ujel ta jujuchop israeletique, yu'un ja' tsventainic sq'uelel li xchi'iltaquic ta jujuchope.

Bible in Tzotzil de Chamula

¹⁶ Ti va'i yepalic taje, ja' c'otic ta banquilaletic ti laj yich'ic t'ujel loq'uel ta stojol ti israeletique yo' jech ta sva'an sbaic ta stsobel ti jujuchop ti snitilulique.

Números 1:16 Iomraidhean Croise

Éxodo 18:21

Jech noxtoc t'ujo loq'uel ta stojol achi'iltac ta israelal jayibuc viniquetic ti oy lec sbijilique, ti lec yich'ojic ta muc' Diose, ti tuc' xc'opojique, ti mu xch'am smotonique. Ac'bo yabtelic; ac'o tsventainic li achi'iltaquique. Ac'bo sventainic jmil (1,000), vo'vinic (100), lajuneb yoxvinic (50), lajuneb ta jujuvoc'.

Éxodo 18:25

Lic st'uj viniquetic ti oy lec sbijilic te ta stojol israeletique. Laj yac'anbe yabtelic ta jujuvoc'. Oy laj yac'be sventainic jmil (1,000), vo'vinic (100), lajuneb yoxvinic (50), lajuneb, ta jujuvoc'.

Miqueas 5:2

Vo'ot, Belén Efrata, biq'uitot ta scotol li jaychop sts'unubal Judae, pero ja' te ta xloc' ta atojol li Ajvalil yu'un Israele. Vo'one ono'ox sliquel tal sts'unubal.

Números 1:15

“Ta sventa li jchop liquemic ta Neftalie ja' Ahira, xnich'on Enán”, xi li Diose.

Números 1:17

Ta sba c'ac'al li xchibal u stsacoj yan jabile, li Moisés xchi'uc Aarone la stsobic scotol li viniquetic ti it'ujatic yu'un Diose xchi'uc scotol li xchi'iltaquique. Jech lic stsaquic ta vun scotol li israeletique. Xquechet lic stsacbeic batel ta vun sbiic ta jujuchop sbiic xchi'uc ta jujubej snailalic. La stsacbeic sbi scotol li viniquetic ti yich'ojic xa jtob (20) jabil c'alal to ta moletique.

Números 1:4

xchi'uc jujun banquilaletic yu'unic ta jujuchop.

Números 10:4

C'alal me jun no'ox oq'ues chich' jupanele, ja' no'ox ac'o stsob sbaic li banquilaletic ta jujuchop achi'iltaque.

Números 11:17

Te chiyal tal; te chtal jchi'inot ta lo'il. Xchi'uc chaquich'bot sutel jutuc li jtsatsal avich'oje, ja' ta xcac'betic li banquilaletic yu'un achi'iltaque yu'un jech xu' chascoltaicot ta yiq'uel batel li achi'iltaque. Jech muc atucuc xa chavic' batel.

Números 16:2

Li viniquetic le'e ja' lic scontrainic li Moisese. La stsob yan o'lol yoxibal ciento (250) xchi'ilic; ja' puru israeletic, xchi'uc puru oy yabtelic ta stojol xchi'iltaquic. Ja' lec otquinbilic, xchi'uc oy ta sventaic tstojobtasic li xchi'iltaquique.

Números 26:9

Li Eliabe inich'naj, ja' Nemuel, Datán, xchi'uc Abiram. Li Datán xchi'uc Abirame ja' li boch'otic co'ol la xchi'inic Coré c'alal la stoy sbaic ta stojol Muc'ul Diose, xchi'uc ti la scontrainic li Moisés xchi'uc Aarone.

Números 30:1

Li Moisese jech lic yalbe scotol li banquilaletic ta jujuchop israeletique: “Li Muc'ul Diose jech yaloj:

Números 7:2

Jech li banquilaletic yu'un jujuchop israeletique, ja' li boch'otic icoltavanic ta stsaquel li biiletique,

Deuteronomio 1:15

“Jech lic quic'an li boch'o t'ujbil avu'unic ta jujuchopoxuc, ti oy lec sbijilique, ti yilojic xa c'u x'elan ta chapanel c'opetique. Laj cac'be yabtel ta atojolic yu'un ac'o sventainoxuc. Oy laj cac'be sventainic jmil (1,000) viniquetic. Oy laj cac'be sventainic vo'vinic (100). Oy laj cac'be sventainic lajuneb yoxvinic (50). Oy laj cac'be sventainic lajuneb. Oy yantic laj cac'be yabtelic yu'un ac'o sventainic li jujuchop jchi'iltactique.

Jueces 6:15

Itac'ov li Gedeone: —Ay Cajval, ¿c'u x'elan xu' ti vu'un ta jcolta li jchi'iltaque? Q'uelavil, li jchop jbicutic ti liquemuncutic ta Manasese, vu'uncutic toj me'onuncutic, xchi'uc vu'un its'inalun te ta jnacutic noxtoc —xut.

1 Samuel 22:7

jech laj yalbe li svinictac te setelique: —Benjamín viniquetic, a'yic c'usi ta xcal: ¿Me yu'un chanopic ti acotolic chayac'boxuc ep avosilic xchi'uc ts'usubtic avu'unic ec li xnich'on Isaie? ¿Me chacuyic ti acotolic chastic'oxuc ta banquilal soldado

1 Samuel 23:23

Sa'beic lec scotol li snac'ubbailtaque. Ts'acal xtal avalbicun ca'ay ti me laj avilic lec bu oye, vu'un chajchi'inoxuc batel. Me ta melel ja' te oy ta banamil le'e, lec xquechet ta jsa' ta c'unc'un ta jujuchop sbiic li judaetique —xi.