Números 1:1 - Bible in Tzotzil de Chenalhó with Deuterocanon

¹ C'alal xchibal xa'ox u stsacoj chib jabil sloq'uelic tal ta Egipto li israeletique, ta sba c'ac'al li xchibal ue, jech i'albat yu'un Muc'ul Dios li Moisés te ta vits Sinaí ti c'alal te oy ta ch'ulna pasbil ta nucule:

Bible in Tzotzil de Chamula

¹ Ti Diose xi laj yalbe ya'i ti Moisés ti c'alal laj sc'opon talel ti ta sba c'ac'al yu'un ti xchibal u ti ja' xa xchibal jabile, ti c'alal ech' xa jutuc ta jun jabil sloq'uelic talel ta Egiptoe, ti oy ta sbajtical banomil yu'un ti Sinaie ta Axibalna ti bu nupel ta be yu'un ti Diose:

Números 1:1 Iomraidhean Croise

1 Reyes 6:1

C'alal stsacoj xa'ox chanib jabil yochel ta ajvalilal ta Israel li Salomone, lic sjapu sva'anel li ch'ulnae. Ja' ta xchibal u yochel li xchanibal jabile, ja' li Zif sbie. Oy xa'ox ta chanib ciento xchi'uc chanvinic (480) jabil sloq'uelic tal ta Egipto li israeletique.

Éxodo 19:1

Li israeletique te ic'otic ta vits Sinaí te ta xocol banamil ta yoxibal u sloq'uelic tal ta Egipto.

Éxodo 19:2

C'alal iloq'uic tal ta Refidime, te ivulic ta xocol banamil ta Sinaí. Te vul spas scarpanaic ta yeloval vits Sinaí.

Éxodo 25:22

Te ta toyol ta o'lol yu'unic li chib sloc'obal querubinetique ja' te ta jc'opan jbatic; te chacalbot mantaletic sventa chavalbe li achi'iltaque.

Éxodo 40:17

Ta sba c'ac'al li sliqueb u ta xchibal jabil sloq'uelic tal ta Egiptoe, ja'o imeltsaj li ch'ulna pasbil ta nucule.

Éxodo 40:2

“Ta sba c'ac'al li sliqueb ue xu' xa chlic ava'anic li ch'ulnae, ja' li ch'ulna bu ta jta jbatic ta c'opanele.

Levítico 1:1

Li Muc'ul Diose la sc'opan li Moisés te ta ch'ulna pasbil ta nucule. Jech laj yalbe:

Levítico 27:34

Ja' jech li mantaletic laj yal Muc'ul Dios ta stojol Moisés te ta vits Sinaí ta sventa scotol li israeletique.

Números 12:4

Ja' yu'un li Muc'ul Diose jech laj yalbe li Moisés, xchi'uc Aarón, xchi'uc Mariae: “Batanic avoxibalic te ta ch'ulna pasbil ta nucul”, x'utatic. Jech ibatic yoxibalic.

Números 9:1

C'alal iloc' xa'ox jun jabil sloq'uelic tal ta Egipto li israeletique, ta sliquebal yual li jabil yu'unique, li Muc'ul Diose la sc'opan li Moisés te ta xocol banamil ta Sinaie. Jech laj yalbe:

Deuteronomio 1:3

Ta sba c'ac'al li xbuluchibal (11) u ta xcha'vinical (40) jabil c'alal laj xa'ox stsalic li Sehón, ja' li ajvalil yu'un amorretic ti nacal to'ox ta Hesbone, xchi'uc li Og, ja' li ajvalil ta Basán ti nacal to'ox ta Astarot ta nopol Edreie, li Moisese lic yalbe ya'yic yan velta scotol israeletic li c'usitic albilic ono'ox yu'un Muc'ul Dios ac'o spasique.

Deuteronomio 2:14

“C'alal lijloc'utic tal ta Cades-barnea c'alal to lijelovutic tal ta jot uc'um Zerede, i'ech' xa'ox vaxaclajuneb xcha'vinic (38) jabil. Ichamic xa'ox scotol li boch'otic xu' yu'unic paspleito c'alal te inaquiic ta scarpanaique, yu'un jech ono'ox yalojbutic Dios ti te chchamique.

Deuteronomio 2:7

Li Muc'ul Dios cu'untique yac'ojboxuc xa bendición ta sventa scotol li c'usi chapasique. Te xchi'inoxuc o ti c'alal te chaxanovic ta muc'ta xocol banamil cha'vinic (40) jabile. La xchi'inoxuc scotol c'ac'al ti buyuc no'ox laxanovique, jech mu'yuc c'usi sc'an avu'un laj ava'yic.