San Mateo 8:2 - Bible in Tzotzil de Chenalhó with Deuterocanon

² Te ital jun jc'a'el chamel; la squejan sba ta stojol, jech laj yalbe: —Cajval, me chac'an chacoltaune, xu' avu'un chalecubtasun —xut.

Tzotzil Zinacantan

² Isnupic ta be jun jchiꞌiltic ta israelal ip ta lepra. Isquejan sba ta yichon ti Jesuse, jaꞌo isnijan sba ta balamil noxtoc. ―Cajval, acꞌanuc la avetꞌesbon li chamel xꞌelan ipon oe, yuꞌun jnaꞌoj ti voꞌot xuꞌ chavetꞌesbone ―xi ti vinique.

Bible in Tzotzil de Chamula

² Tal jun vinic ti tsacbil ta c'a'emal chamele. Vul squejan sba ta stojol ti xi laj yale: —Cajval, ti xac'anuc lae, xu' avu'un xatus xapoc ti jchamele.

LEQUIL ACH' C'OP

² Tey ital jun vinic ip ta lepra, isquejan sba ta yichon ti Jesuse. Ja' yech iyalbe chac li'i: ―Cajval, ac'anuc avet'esbon li jchamele yu'un jna'oj ti vo'ot xu' chavet'esbone ―xi ti vinique.

Tzotzil San Andres

² La snupic ta be jun vinic ti tsacbil ta cꞌaꞌel chamele, jaꞌ jchiꞌiltic ta israelal. Tal squejan sba ta stojol li Jesuse. Jech laj yalbe: ―Cajval, mi xacꞌan xacoltabun li jchamele, coltaun. Jnaꞌoj ti scotol xuꞌ avuꞌune ―xi li vinique.

Tzotzil de Huixtán

² Te laj snup ti be jun jchi'iltic. Yich'oj c'a'el chamel ti vinique. Tal squejan sba ti stojol ti Jesuse. Hech laj yalbe: ―Cajval, mi chac'ane, xu' chichop avu'un ―xchi.

San Mateo 8:2 Iomraidhean Croise

2 Samuel 3:39

Li vu'une mu'yuc c'usi xu' cu'un chca'ay, ac'o me t'ujbilun yu'un Dios ti ochemun ta ajvalilale. Yu'un toj tsots chca'ay c'usi la spasic li yalab Sarviae. Ac'o ac'batuc stoj yu'un Muc'ul Dios li boch'o chopol c'usi la spase —xut.

2 Reyes 15:5

Ja' yu'un li Muc'ul Diose laj yac'be stoj smul li ajvalile; laj yac' tsacatuc ta c'a'el chamel, ja' jech ip o c'alal to icham, jech stuc voc'bil o ta jun na. Li spasubmantale ja' la sventain xnich'on, Jotam sbi; ja' xa la sventain o li israeletique.

2 Reyes 5:1

Oy jun vinic Naamán sbi; ja' banquilal soldado yu'un ajvalil ta Siria. Toj lec ich'bil ta muc', lec ch-ilat yu'un li ajvalile, yu'un ja' ta sventa ti icoltaatic yu'un Muc'ul Dios ta tsalvanej ta pleito li siriaetique. Pero li Naamane tsacbil ta c'a'el chamel.

2 Reyes 5:27

Ja' yu'un li sc'a'el chamel Naamane, vo'ot chacuch o comel achi'uc anich'nab, amomnich'nabtac —x'utat. C'alal iloc' batel ta stojol yajval li Giezie, tsacbil xa ta c'a'el chamel, saclo'an xa sbec'tal jech chac c'u cha'al tayo.

Números 12:10

C'alal inamaj xa'ox batel li toc te ta ti'na pasbil ta nucule, li Mariae tsacbil xa ta c'a'el chamel icom, jeche' saclo'an ibat li snuculile. C'alal ijoyij li Aarone, ja' to laj yil ti tsacbil xa ta c'a'el chamel li Mariae.

San Mateo 10:8

Coltaic jchameletic. Cha'cuxesic animaetic. Coltaic boch'o yich'ojic c'a'el chamel. Loq'uesic pucujetic ta yo'nton cristianoetic. Amotonic laj cac'boxuc, jech ta matanal me xacoltavanic ec.

San Mateo 13:58

Jech mu'yuc la spas ep sq'uelubil stsatsal te ta slumal li Jesuse yu'un mu sc'an xch'unic.

San Mateo 14:33

Li yajchanc'optac ti te oyic ta yut canovae la squejan sbaic ta stojol li Jesuse. Jech laj yalbeic: —Ta melel vo'ot Xnich'onot li Diose —xutic.

San Mateo 15:25

Pero li antse ital squejan sba ta stojol li Jesuse, jech laj yalbe: —Cajval, c'uxubinun —xut.

San Mateo 18:26

Pero li vinique la squejan spatan sba ta stojol li ajvalile, jech laj yalbe: ‘Ajvalil, avocoluc malaun to, chajsutesbot scotol li quile’, xi.

San Mateo 2:11

C'alal i'ochic ta nae, te laj yilic li olole xchi'uc li sme'e, ja' li Mariae. La squejan sbaic ta stojol li olole; laj yich'ic ta muc'. La sjamic li matanale; laj yac'beic smoton li olole, ja' c'anal taq'uin, xchi'uc pom, xchi'uc muil poxil.

San Mateo 20:20

Te ital ta stojol Jesús li sme'ic xnich'nab Zebedeoe; vul squejan spatan sba ta stojol, yu'un oy c'usi ta sc'anbe.

San Mateo 26:6

C'alal te oy ta Betania li Jesuse, te i'och ta sna Simón, ja' li boch'o tsacbil to'ox ta c'a'el chamele.

San Mateo 28:17

C'alal laj yilic li Jesuse, la squejan sbaic ta stojol. Pero oy jayibuc yu'unic ti chib no'ox yo'ntonique.

San Mateo 28:9

Li Jesuse ta ora ibat snup ta be li antsetique jech laj yalbe. —Me li' xa'ech'ique —xut. Li antsetique inopajic batel ta stojol li Jesuse; la squejan sbaic ta stojol, la smeybeic yacan.

San Mateo 4:9

Jech laj yalbe: —Scotol le'e, vo'ot chacac'bot scotol me chaquejan aba ta jtojole, me chavich'un ta muq'ue —xut.

San Mateo 8:1

C'alal iyal tal ta vits li Jesuse, ichi'inat batel yu'un epal cristianoetic.

San Mateo 8:25

Itijat yu'un li yajchanc'optaque, jech laj yalbeic: —Cajval, coltauncutic yu'un li' xa chijcham —xutic.

San Mateo 9:18

C'alal ja'o ta xlo'ilaj li Jesuse, te ital jun banquilal ta nail tsobobbail, vul squejan sba ta stojol li Jesuse, jech laj yalbe: —Ja' to icham jtseb. ¿Me mu xa'abulaj xbat avac' ac'ob ta sbec'tal, yu'un jech ta xcha'cuxi? —xi.

San Lucas 4:27

Jech noxtoc c'alal cuxul to'ox li j'alc'op Eliseoe, oy ep jchi'iltactic tsacbilic ta c'a'el chamel li' ta Israel, pero me junuc muc xcoltaatic. Ja' no'ox icoltaat li Naamán liquem ta Siria banamile —xi li Jesuse.

San Juan 9:38

C'alal laj ya'ay li vinique, la squejan sba ta stojol. Jech laj yalbe: —Cajval, ta jch'un —xut.

Hechos 10:14

Itac'ov li Pedroe: “Mu jc'an, Cajval. Mu baq'uin jti' li c'usi mu'yuc leque; mu baq'uin jti' c'usiuc no'ox bol chonal”, xut.

Hechos 10:25

C'alal ic'ot xa ta na li Pedroe, iloc' nupatuc yu'un li Cornelioe. La squejan sba ta stojol, laj yich' ta muc'.

1 Corintios 14:25

Chlic sna'ic ti chopol c'usi oy ta yo'ntonique, jech chlic squejan spatan sbaic. Chlic yich'ic ta muc' li Diose. Chlic yalic ti ta melel te oy Dios ta atojolique.

Apocalipsis 19:10

La jquejan jba ta stojol li j'almantale, yu'un chquich' ta muc', pero jech laj yalbun: “Q'uelo me aba, mu xapas jech, yu'un yajtunelun Dios ec jech chac c'u cha'al li vo'ote xchi'uc li achi'iltac ti jun yo'nton xch'unojic o c'usi yaloj li Jesuse. Ja' ich'o ta muc' stuc li Diose. Yu'un li c'usi yaloj comel Jesuse, ja' li c'usi ch-ac'bat sna'ic yu'un Ch'ul Espíritu li boch'o chalic c'usi tsc'an Diose”, xiyutun.